من اكتافيا5 اول فئة الى هاى لاين

[hmhmmam]

السلام عليكم
كنت عايز اخد رايكم عربيتى اكتافيا5 اوتوماتيك 2008 ماشية 60000كم اول فئة حالة ممتازة
طبعا عليها صيانة 60 ودى بحوالى 3000 جنية وعايز اجبلها جنوط سبور اصلية ودى بحوالى 4000 جنية كمان وبصراحة كل ماشوف اوبشن الهاى لاين بقول ياريتنى جبت زيها طبعا حتقولو مجبتهاش ليه من الاول هاى لاين الرد انى دورت على حاجة تكون حالتها ممتازة مليقتش وكنت عامل موضوع قبل الشراء والحمدلله على كل حال المهم اتفرجت على العربية اللى معايا وعجبتنى حالتها جدا فتوكلت على الله واشتريتها من حوالى شهرين ودلوقتى ياعمل الصيانة وركب الجنوط او اغير
افيدوني مشكورين مقدما

[Mo.Kareem]

الجنوط الاصلى عند مجدى بيومى 2300 جم وممكن تفاصل معه توصل 2000 ، انا اشيف لو العربية مبسوط منها يبقى اتكل على الله واعمل الصيانة

[mem]

لو لقيت عربيه بالحاله اللى انت عايزها غير لكن لو مفيش اعمل الصيانه

[dr_darsh]

الصيانه طبعا مافيش كلام

[hmhmmam]

الجنوط الاصلى عند مجدى بيومى 2300 جم وممكن تفاصل معه توصل 2000 ، انا اشيف لو العربية مبسوط منها يبقى اتكل على الله واعمل الصيانة

مشكور على ردك
بس انت مش واخد بالك ان الكاوتش اللى راكب 15 والجنط الاسبور 16 يبقى عندك 2000 جنية كاوتش

[Mo.Kareem]

مشكور على ردك
بس انت مش واخد بالك ان الكاوتش اللى راكب 15 والجنط الاسبور 16 يبقى عندك 2000 جنية كاوتش

لاء الجنوط برضه 15 مش 16 دول اللى شوفتهم عنده

[mo7a_mo7a]

اعمل الصيانة\
ومتنساش ان عربيتك حالتها كويسة وانت عرفتها ومريخاك فليه المجازفة
لو اطلعتم علي الغيب لاخترتم الواقع

[طارق _عبد السلام]

اعلى بالفئه احسن هتكسب فروق كتير منها جنوط اصليه وفرش جلد طبيعى كامل وتحكم طاره وكاسيت مختلف وزينون وفتحه سقف الصيانه بالجنوط هتعدى العشر الاف جنيه زود كمان واعلى بالفئه بجد هتحس بالفرق

[hmhmmam]

اعلى بالفئه احسن هتكسب فروق كتير منها جنوط اصليه وفرش جلد طبيعى كامل وتحكم طاره وكاسيت مختلف وزينون وفتحه سقف الصيانه بالجنوط هتعدى العشر الاف جنيه زود كمان واعلى بالفئه بجد هتحس بالفرق

كلامك مظبوط بس خايف بعد مابيع مالقيش حالة كويسة ومتكنش عدا كتير
وبعد اذنك يا ا/ طارق تقولى كام فئة فى 5 واعرف الفرق ازاى
مشكوررررر

[hmhmmam]

اعمل الصيانة\
ومتنساش ان عربيتك حالتها كويسة وانت عرفتها ومريخاك فليه المجازفة
لو اطلعتم علي الغيب لاخترتم الواقع

متشكر جدا لحسن التعاون فى الاراء
ما خاب من استشار

[طارق _عبد السلام]

كلامك مظبوط بس خايف بعد مابيع مالقيش حالة كويسة ومتكنش عدا كتير
وبعد اذنك يا ا/ طارق تقولى كام فئة فى 5 واعرف الفرق ازاى
مشكوررررر

اللى خلاك تجيب اللى معاك هتعرف تجيب احسن منها ان شاء الله
انت هتعرف الفرق فى الفئات من اول نظره
العربيه بطاسات فئه اولى
بجنط بدون فتحه سقف...... سبورت
بجنط وفتحه سقف ......هاى لاين
التجهيزات اغلبها واحد الفرق فى الرياضيه جنوط وممكن سينسور بارك وكاسيت وتحكم طاره
الفئه الهاى لاين جنط وفتحه سقف وفرش جلد كامل وزينون وسينسور وكاسيت اكبر شويه وستاره خلفيه
انا اقصد فرق عربيتك من الهاى لاين لو هتصرف يبقى الهاى لاين افضل شوف فرق الزينون الاصلى بكام والفرش الجلد الطبيعى بكام والسينسور الاصلى الجنوط الاصلى مع فتحه السقف
بس طبعا شرط الحاله وحاول بقدر المستطاع تنزل من دى تركب دى على طول لانك لو قعدت فتره بدون عربيه هتدعى عليا

[hmhmmam]

اللى خلاك تجيب اللى معاك هتعرف تجيب احسن منها ان شاء الله
انت هتعرف الفرق فى الفئات من اول نظره
العربيه بطاسات فئه اولى
بجنط بدون فتحه سقف...... سبورت
بجنط وفتحه سقف ......هاى لاين
التجهيزات اغلبها واحد الفرق فى الرياضيه جنوط وممكن سينسور بارك وكاسيت وتحكم طاره
الفئه الهاى لاين جنط وفتحه سقف وفرش جلد كامل وزينون وسينسور وكاسيت اكبر شويه وستاره خلفيه
انا اقصد فرق عربيتك من الهاى لاين لو هتصرف يبقى الهاى لاين افضل شوف فرق الزينون الاصلى بكام والفرش الجلد الطبيعى بكام والسينسور الاصلى الجنوط الاصلى مع فتحه السقف
بس طبعا شرط الحاله وحاول بقدر المستطاع تنزل من دى تركب دى على طول لانك لو قعدت فتره بدون عربيه هتدعى عليا

لا انا دايما بدعيلك ربنا يباركلك
انا المهم عندى السنسور بارك والجنط والطاره المالتى والكاسيت بس اماالفتحة ممكن استغنى عنها طيب ازاى واحد يكون معاه هاى لاين يرضى يبادل بفئة اولى.......؟؟؟؟؟؟