قصة غريبة حاسس إني بحلم بكبوس ( حسبي الله ونعم الوكيل )

[Batman372]

الحمدلله على سلامتك ...

[akmm]

لاحول ولا قوه الا بالله ........... والحمد لله قدر ولطف كان ممكن لاقدر الله العربيه كلها تتسرق ............

[kar!m]

أولا قدر الله و ما شاء فعل و الحمد لله انها جت في العربية.
ثانيا .. أعتقد و الله أعلم السبب الرئيسي هو العين .. و الموضوع ده منتشر في المنتدى و أنا ملاحظة و عارفه .. عشان كده والله أي حد بيعمل موضوع عن عربيتة أنا بقلق عليه .. و بقعد أقول "اللهم بارك"

لو انت متابع المنتدى بانتظام هتلاقي بنسبة كبيرة جدا أي حد بيعمل موضوع عن عربيتة على طول مفيش أسبوع تلاقي حصل له حاجه .. لو تفتكر Yoko لما عمل موضوع و بعدين عربيتة اتخبطت .. و Ahmod برضة لما ركب الجنوط بعدها على طول خبط في تريلا .. و عمرو في منتدى أوبل لما صور العداد على 180 بعدها بأسبوع عمل حادثة .. و أنا شخصيا بعد ما جبت الفيكترا و عملت موضوع عنها .. الفتيس حصل فيه مشكلة .. و الأمثلة كتير.

عن عامر بن ربيعة قال: قال رسول الله صلى الله عليه وسلم: "إذا رأى أحدكم من نفسه أو ماله أو أخيه ما يعجبه فليدع له بالبركة، فإن العين حق"

[أحمد جودة]

فداك ياباشا المهم انتا كويس ووصلت لاهلك بالسلامة

الفلوس تتعوض وكان الله فى عونك كلنا حاسين بيك ومقدرين شعورك

وحسبي الله فى العالم اللي معندهاش ضمير اللى يسرق حاجة من الناس

أهو حاول يفك حاجة من العربية ومعرفش واخد جزاءة وللاسف انتا غرمن حوالي 3000 غير الخضة واللهفة

بس فى النهاية تذكر مصائب الناس اللى بتتسرق عربيتها وربنا يعدي الصدمة عليك بخير وقدر الله ماشاء فعل

[أحمد جودة]

[QUOTE=kar!m;3875289891]أولا قدر الله و ما شاء فعل و الحمد لله انها جت في العربية.
ثانيا .. أعتقد و الله أعلم السبب الرئيسي هو العين .. و الموضوع ده منتشر في المنتدى و أنا ملاحظة و عارفه .. عشان كده والله أي حد بيعمل موضوع عن عربيتة أنا بقلق عليه .. و بقعد أقول "اللهم بارك"

لو انت متابع المنتدى بانتظام هتلاقي بنسبة كبيرة جدا أي حد بيعمل موضوع عن عربيتة على طول مفيش أسبوع تلاقي حصل له حاجه .. لو تفتكر Yoko لما عمل موضوع و بعدين عربيتة اتخبطت .. و Ahmod برضة لما ركب الجنوط بعدها على طول خبط في تريلا .. و عمرو في منتدى أوبل لما صور العداد على 180 بعدها بأسبوع عمل حادثة .. و أنا شخصيا بعد ما جبت الفيكترا و عملت موضوع عنها .. الفتيس حصل فيه مشكلة .. و الأمثلة كتير.

عن عامر بن ربيعة قال: قال رسول الله صلى الله عليه وسلم: "إذا رأى أحدكم من نفسه أو ماله أو أخيه ما يعجبه فليدع له بالبركة، فإن العين حق"
[/QUOTE



والله عندك حق أنا كمان اتعلمت بس للاسف متاخر

غسلت عربيتي وصورتها وعملت بيها موضوع فى قسم صور سيارات الاعضاء بعدها على طول العربية اتخبطط والشنطة اتعوجت والحمد للع على كل شيئ

حتي دلوقتي العربية بتبقي مركونة ومتغطية والعين عليها بردو تقولش راكب طيارة

الحكحة فى ايد اليتيم عجبة

[madridy1001]

قدر الله ما شاء فعل...قول الحمد لله علي كل شئ وان شاء الله ربنا يعوضك خير...هي دي مصر يا عبله :d

[adelghanem]

الحمد لله على كل شىء
وان شاء الله ربنا يعوضك على الصدمه والزعل والفلوس اللى انت غرمته

[lanos2004]

ربنا يعوض عليك

[المنسي]

الحمد لله انها جت على كده والعربية نفسها متسرقتش وخلى بالك لحسن عين الراجل اياه لسه موجودة فبخر العربية

[hmhmmam]

قدرالله وما شاء فعل الحمدلله على سلامتك

[amroebraheem]

اخونا الفاضل inspiron قدر الله وماشاء فعل والحمد لله انك بخير
ولى ايضا قصة وليست فى الصعيد ولكن امام تى اى داتا بشارع مكرم عبيد بالقاهرة الكبرى
كنت راكن العربية امام الحديقة اللى بجوار المسجد اللى امام تى اى داتا واقسم لك بالله انى لولا ذهابى متأخر والناس مرضيوش يدخلونى لانهم كانوا خلاص بيأقفلوا.وعند رجوعى وجدت سيارة ميكروباص راكنة عمودية على سيارتى واتنين اخرين امام كبود السيارة فظننت انهم يقف ليقضون حاجتهم معذرا للتشبيه. ولكن لما ارتبت فى الامر جريت مسرعا نحوهم وزعقت بألفاظ لا ترتقى لزكرها هنا فهموا بالقفز فى السيارة الميكروباص وفروا هاربين فحمدت ربنا انهم هربوا تحسبا كى لا يكون مع احدهم سلاح وحمدت الله عز وجل .المهم :الخسائر الرفرف والكبود تم تعتيلهم تعتيلة فظة بعمود حديد كان فى ايد واحد منهم وعملتها عند السمكرى والحمد لله رب العالمين.
اما بالنسبة لك فأن كولر الفتيس فى العربيات بتاعتنا ليس له الا مسمار واحد فقط اللى بيربطه فى جسم الفتيس.فأزاى الميكانيكى قالك (وده بسبب إن في مسمار في الصمامات بتاعته ناقص وسمح بدخول زيت الفتيس علي مياه تبريد الريداتير فعملت طحينة في القربة !!)اى ان معنى كلامى انه كان لا يجب تغيير هذاالكولر والله اعلم بالحالة .
المهم نهاية الحوار حمدا لله على سلامتك وعدم اصابتك بأى مكروه وربك المستعان
والسلام عليكم وحمة الله وبركاته

[aminyassien]

قدر الله ما شاء فعل
ده قضاء الله
و حاجة فداء لحاجه تأتيه
اهم شيء انك رجعت بالسلام هو ربنا يسترها معاك دائماً

[طارق _عبد السلام]

قدر الله ماشاء فعل والحمد لله على السراء والضراء
المشكله ان العربيه اصبحت هم على كاهل صاحبها بقى شىء طبيعى بجد لما اركن العربيه لاقضى غرض ما وابعد عنها ساعه ولا اتنين اول مابرجع من بعيد برمى نظرى عليها لو لقيتها مكانها بكون فرحان جدا انها موجوده وبعدين الف حواليها لفه واحمد الله ان الزجاج كما هو والعلامات موجوده واراجع على العربيه وملقيش واد ابن حرام معلم عليها بمسمار بكون سعيد جدا دى بقت حاجه طبيعيه عند كل مالك سياره
الحمد لله يابوب انها بتيجى فى الحديد وطبعا كفايه عليك حرقه الدم والمصاريف وقلقك على عربيتك
الناس استسهلوا الحرام وتقريبا عايشين دلوقتى فى زمن الغوغائيه وقله الادب وانعدام الضمير
ربنا يبعد عنا الشرور يارب
والحمد لله قدر ولطف
المهم سلامتك يابوب

[صعيدي]

أولا قدر الله و ما شاء فعل و الحمد لله انها جت في العربية.
ثانيا .. أعتقد و الله أعلم السبب الرئيسي هو العين .. و الموضوع ده منتشر في المنتدى و أنا ملاحظة و عارفه .. عشان كده والله أي حد بيعمل موضوع عن عربيتة أنا بقلق عليه .. و بقعد أقول "اللهم بارك"

لو انت متابع المنتدى بانتظام هتلاقي بنسبة كبيرة جدا أي حد بيعمل موضوع عن عربيتة على طول مفيش أسبوع تلاقي حصل له حاجه .. لو تفتكر yoko لما عمل موضوع و بعدين عربيتة اتخبطت .. و ahmod برضة لما ركب الجنوط بعدها على طول خبط في تريلا .. و عمرو في منتدى أوبل لما صور العداد على 180 بعدها بأسبوع عمل حادثة .. و أنا شخصيا بعد ما جبت الفيكترا و عملت موضوع عنها .. الفتيس حصل فيه مشكلة .. و الأمثلة كتير.

عن عامر بن ربيعة قال: قال رسول الله صلى الله عليه وسلم: "إذا رأى أحدكم من نفسه أو ماله أو أخيه ما يعجبه فليدع له بالبركة، فإن العين حق"

كلام مظبوط ١٠٠٪ انا كنت لسه راجع من القاهره وعامل صيانه واليوم كان زي الفل يعد ماوصلنا اسيوط واحد ركب معانه لغايت البلد وعماله يشكر في الاسكودا ويقول عربيه قويه ومتينه
وهو نازل بيفتح الباب قطع وير الباب

[Ahmed TRAVCO]

والله العظيم والله العظيم لولا والدي ووالدتي المسنين ما كنت قعدت في البلد دي ثانية واحدة... هنعمل ايه بس؟ الواحد كل ما يقول فيه أمل يرجع يشوف أو يقابل موقف يخليه يتأكد ان بلد بالقرف ده كله لو ربنا عايزها تنضف ممكن يبقى في حدود 200 سنة من دلوقتي مش أقل!!

تحب أقولك حاجة تحسسك بحقارتنا كمان وكمان؟؟ تعرف ان من 3 أو 4 أيام قفلوا كل السجون في السويد؟؟؟ آه والله مبقاش فيه أي سجن في أي حتة في الدولة كلها لأن معدل الجريمة هناك وصل لـ صفر% هناك!!!

حسبنا الله ونعم الوكيل في كل اللي مسك أو ماسك أو هيمسك البلد دي وكل همه يهبر قرشين ولا ياخد حتة أرض وضع يد ولا يعين ولاده بأولوفات الخ الخ وسايب البلد تتهاوى من سيء الى أسوأ لما خلاص وقعنا في مستنقع ملهوش قرار... يا راجل ده أنا في أول اسبوع جايب عربيتي زيرو وربنا عالم الواحد جايبها ازاي ووالدي مساعدني بقد ايه من تمنها وبدفعلها قسط قد ايه ويقوم تاكسي جاي من اليمين وكاسر عليا شمال فجأة علشان يا خد يوتيرن من قدامي فحكلي الاكصدام الامامي يمين... وتخيل بقى... كل اللي وقف يتفرج بقى عمال يتحايل عليا علشان اسيبه ويقولي مكنش قصده وفي الاخر طبعا معرفتش آخد حق ولا باطل خصوصا ان زوجتي كانت معايا ومحبيتش اتبهدل قدامها... وفي الاخر سواق التاكسي مشي والناس اللي اتفرجت اختفت وخلاص على كده... لما رحت شركة التأمين قالولي في المحضر يا أستاذ؟ وبعدين الحكة مش مستاهلة!!! كل ده حصل رغم انهم واخدين مني 6300جنيه أول ما أمنت عليها تخيل؟؟

أنا عايزك ما تزعلش نفسك قوي لأن ببساطة الزعل مش هيغير حاجة... انت بس اللي ممكن يجرالك حاجة وتبقى خسرت اكتر!!

قدر الله وما شاء فعل... وباذن الله ربنا يعوض عليك والحمد لله جت على قد دي!!