صوت بعد الصيانه a4 افيدوني افادكم الله

[صعيدي]

انا عملت صيانه عند المهندس خالد اسماعيل مدينه نصر الحي العاشر شملت
سير كتينه وبليه شداد وسير دينمو وزيت فتيس وفلتر زيت فتيس وزيت موتور وقربه ميه وميه حمرا كله اصلي
كرتيره زينت موتور جلبه زيت فتيس صيني
وكشف بالكمبيوتر
المهم راجع الدنيا زي الفل
تاني يوم بعد رجوعي سمعت صوت غريب بيروح بعد
ما العربيه تسخن شويه ومايرجعش غير اما العربيه تبرد
انا سجلت الصوت
Playing: Nov_19_2013_11.mp3 - picosong

ياريت حد يفيدني عشان الموضوع ده احبطتني كنت فاكر اني عملت كل حاجه فيها
الحمد لله علي كل حال
مع العلم اني جربت ميه علي السيور وبودره تلك
ان شاء الله هاكتب موضوع تفصيلي عن رحله الصيانه بس بعد ما اخلص من قصه الصوت دي

[صعيدي]

احب اضيف ان المهندس خالد كل يوم بيكلمني عشان يطمن الصوت راح ولا لأ
بجد راجل محترم جدا
لدرجه انو قالي شوف ميكانيكي وخليه يشرحلي أيه ألي بيحصل وهوا يقوله يصلحه ازاي بالتليفون
ربنا يزيده ويبارك فيه يا رب
mazgangy شكرا ياباشا انته ألي قولتلي عليه

[hmhmmam]

السلام عليكم
مش عايز افتى بس والله اعلم ان الصوت بيجى لما تكون بلية الشداد خشنة

[صعيدي]

hmhmmam مش فاهم ياباشا يعني عشان جديده
انا جربت حاجه تاني كان قالي عليها المهندس خالد جبت مفتاح 16 بلدي وشديت بيه بليه شداد الدينمو لغايت اما وقفو لكن للأسف الصوت بردو مرحش ووريتها لكهربائي قالي احتمال تكون بليه الكتينه معنها جديده والمفروض انها اصليه
ربنا يحلها من عنده

[صعيدي]

وقالي احتمال طرمبه الميه

[aminyassien]

الصوت ده صوت بلية
ممكن تكون بلية دينامو او طرمبة الميه
و كمان حقولك على حاجة غريبة حاول تشيك على مسامير و صواميل طرمبة الباور ممكن تكونن حاجة مهوية (حصل معايا )
و ان شاء الله تكون حاجة بسيطة

[hmhmmam]

زى ماقولت لحضرتك الصوت ده ميطلعش الا من حركة دوران بلى خشن
حتقولى ازاى حقولك لان اى صوت زى كده يصدر من خلال حركة دوران بلى فى الموتور واى موتور فيه
طرمبة ميه بتلف مع الدوران وكذلك بلية الشداد وبلية الكتينة وطبعا فى كمبوروسور تكييف ومكينة باور
وطبعا حضرتك لسه مغير شداد وكتينة ومتاكد انهم اصلى من خلال المهندس خالد فى الحالة دى تعمل كشف
مبدئى طبعا عند ميكانيكى تخلى يشيل سير الدينمو وتشوف الصوت راح ولا لا طبعا والعربية واقفة لو الصوت
راح يبقى الصوت من بلية الشداد او كمبوروسور التكييف لو مرحش يبقى الصوت من داخل الموتور يبقى مفيش
غير طرمبة ميه او بلية كاتينة وطبعا لازم يكون الكلام ده من خلال ميكانيكى شاطر والله اعلم

[صعيدي]

شكرا يا رجاله علي اهتمامكم

[aminyassien]

وصلت لحاجة يابن عمى ولا لسة

[صعيدي]

aminyassien الحمد لله الصوت راح