إعـــــــلان

Collapse

.

,
See more
See less

تجربة ناجحة لآعادة أحياء العفشة لحالة الزيرو

Collapse
X
Collapse
 
  • Page of 3
  • Filter
  • الوقت
  • Show
Clear All
new posts
السابق 1 2 3 template التالي
  • #1

    تجربة ناجحة لآعادة أحياء العفشة لحالة الزيرو

    [OVERLINE]بسم الله الرحمن الرحيم
    [/OVERLINE]

    انا بقالي فترة في فكرة في دماغي كان نفسي أعملها وكل مقول لحد عليها يقولي الموضوع مش مستاهل وحتكلف كتير من فلوس ووقت وملهاش لازمة وكلام كده

    والفكرة دي خاصة بالعفشة وهي عبارة عن فحص كامل للعفشة بس مش وهي راكبة في العربية لآ
    ولكن حلها بالكامل وتفصيصها زي مبيقولوا حته حته والكشف عليها

    وطبعا الكلام ده كده يبان انه موال وفتوحة ولكن عند التنفيذ أكتشفت فعلا ان الموضوع الكل بيهول فيه اكتر من اللزوم

    والحمدلله فعلا نفذت الموضوع ده

    حالة العفشة قبل : صوت تزييق بيجي ويروح مع المطبات والحفر مع صوت نحرة عند لف الطارة سواء ماشي او واقف مع احساس بعدم تماسك في الجزء الامامي من العربية ومسمع في الطارة مع رجة في الطارة عند اي مطب او حفرة وعدم الاحساس بنعومة العربية المعروفة وعند الكشف في اكتر من مكان اللي يقولي المساعدين بايظين وعايزين يتغيروا واللي يقولي الاسكترا بايشة وأفلام هندي كتير بقي تخشلها في مصروف محترم

    وفاتفقت مع الصنيعي اللي بتعامل معاه وحددنا يوم يكون فاضي فيه وروحتله من أول النهار من الساعة 1 الظهر تقريبا

    [OVERLINE]وتم عمل الآتي :-[/OVERLINE]
    تم فك المساعدين الامامي بالكامل من البطاحات وحتي الطنابير

    ثم تم فك البطاحات وهي عبارة عن جزئين جزء علوي يتم ربطه في فخذه العربية بـ 3 مسامير وجزء سفلي مربوط بالجزء العلوي برمان بلي

    1&2&3 دول الجزء العلوي
    4 الجزء السفلي اللي فيه الرومان بلي
    بعد فك الجزئين تم تنضيفهم وغسلهم جيد جدا وبعد التاكد من نضافتهم تم تشحيم الرومان بلي لان الشحم كان قليل وكانوا مليانين تراب وبالتالي
    (يعمل صوت نحرة كده مع لف الطارة)
    وبكده يبقي خلصنا البطاحات

    بعد كده تم فك الياي والكاوتش البيانو والاولسيل بتاع المساعد وكاوتش الصدادات
    وطبعا كاوتش البيانو كان مقطوع وتم تغييره ووظيفته انه بيقفل الجزء بين البطاحات وحتي اولسيل المساعد وبالتالي يمنع دخول التراب في البطاحات وعند اولسيل المساعد

    كاوتش الصدادات نفس الكلام كان في قطع برده وتم تغييره وده شكله


    المساعد بقي نفسه والياي فكانو كويسين الحمدلله وتم تنضيفهم وصيانتهم مش اكتر

    بعد كده تم فك الطنابير وتيل الفرامل والاجهزة وتم تغيير التيل لانه بدأ في التأكل وتنضيف الباقي
    ( كانت بتعمل صوت تصفير يجي ويروح مع صوت نحره برده عند ضغط الفرامل)

    وبكده تم الانتهاء من المساعدين بالكامل
    وطبعا بعد الغسيل والتنضيف وتركيب الكاوتش من بيانو وصدادات كان شكلهم رائع اكنهم رجعوا زيرو

    بغد كده تم حل الكبالن وتغيير الكاوتش الخارجي والشحم طبعا لان الكاوتش بيجي معاه الشحم والاولسيلات بتاعته والحمدلله الكبالن كانت كويسة
    ( لان الكوبلن لو سليم وجديد والكاوتش تعبان يبقي حيتقطع وحيبوظ الكوبلن في وقت قصير جدا )


    بعد كده تم الكشف علي بيضات المقص والدريكسيون فلاقينا كاوتش بيضات المقص مقطوع فتم تغيير الكاوتش مع تغيير بيضة المقص شمال و تنضيف وتشحيم البيضات
    ( كانت هي اللي بتعمل صوت التزييق مع المطبات)


    بعد كده تم الكشف علي جلب المقصات والحمدلله كويسة وده شكلها
    ( برده لو بايظة حتعمل تزييق جامد)


    ثم تم الكشف علي الآسكاترا وجميع الكاوتشات وكلها كانت كويسة مع العلم ان اكتر من واحد كان بيقولي انها بايشة والعيب منها

    وبكده يبقي العفشة بخ وتم الكشف عليها بالكامل حته حته والبايظ اتغير والسليم اتنضف واتشحم

    الحالة بعد الشغل :
    تماسك رهيب في جسم العربية ومحسوس في الطارة
    عدم الاحساس بالمطبات والحفر والتكسير بتاع الشوارع بلا مبالغة
    نعومة في مشي العربية لاقصي حد
    أختفاء جميع الآصوات من تزييق ونحر
    يعني من الآخر العفشة رجعت زيرو بمعني الكلمة

    التكلفة الاجمالية للموضوع كله :-
    بيضة مقص أصلي 130 جنيه
    تيل فرامل أيطالي شبه الاصلي 130 جنيه
    2 كاوتش خارجي كبالن أصلي 70 جنيه
    مصنعية 180 جنيه
    يعني أجمالي الشغل 510 جنيه مع ملاحظة اني غيرت التيل كمان أضمن وميتحسبش في شغل العفشة

    لو انا مشيت بقي ورا كلام الصنيعية في الاول كانت التكلفة حتعدي 1000 جنيه بمراحل من تغيير سكاترا ومساعدين أمامي وفي نفس الوقت مكنتش حبقي مطمن علي باقي العفشة عاملة ايه والمستخبي منها ظروفه أيه

    يعني كده تم توفير التكلفة لآقل من النصف مع التاكد من حالة كل شبر في العفشة
    يعني من الاخر تنسي العفشة خالص لمده محترمة من الزمن

    بصراحة انا استفدت وفهمت كتير اوي من التجربة دي والنتيجة تستاهل أضعاف المجهود والفلوس اللي اتصرفت

    فانصح اي حد بقالوا فترة مشتغلش في العفشة انه يعمل الموضوع ده ويفك العفشة حته حته ويعملها صيانة حتي لو شكلها سليم وحيشوف الفرق حيبقي عامل أزاي ومتمشيش ابدا ورا كلام الصنايعي اللي يعملك فتوحة منغير ميحل ويشوف...
    [CENTER][FONT=Georgia]I'm Who I'm You Will NeVer ChanGe Me
    [/FONT][/CENTER]
    [CENTER][FONT=Georgia]AccepT or ReFuse
    [/FONT][shfaf2]http://img801.imageshack.us/img801/5981/72027463.jpg[/shfaf2][/CENTER]
    الكلمات الدلالية (Tags): أحياء, الزيرو, العفشة, تجربة, لآعادة, لحالة, ناجحة
  • #2
    مبروك عليك العفشه الجديده خلى بالك منها ومن المطبات العفشه مهمه جدا لاى عربيه عشان السفر والمشى والجرى والسفر والذى منه اهم حاجه الامان ولا امان بعفشه نعبانه روح يا شيخ ربنا يستر طريقك ويبعد عنك البلاعات والحفر والنقر والمطبات شكرا
    [SIZE=6]نعلم جميعا ان نجاحنا وفلاحنا فى الدنيا والاخرة هو فقط فى الامتثال لاوامر الله عز وجل وعلى طريقة النبى محمد صلى الله عليه وسلم[/SIZE]

    Comment

    • #3
      الله ينور ...أحب أنا الناس اللى مش بتمشى عميانى ورا كلام الصنايعية
      [SIZE=5][marq="2;right;2;scroll"]الحمد لله[/marq]


      [/SIZE]

      Comment

      • #4
        المشاركة الأصلية كتبت بواسطة megaman مشاهدة المشاركة
        مبروك عليك العفشه الجديده خلى بالك منها ومن المطبات العفشه مهمه جدا لاى عربيه عشان السفر والمشى والجرى والسفر والذى منه اهم حاجه الامان ولا امان بعفشه نعبانه روح يا شيخ ربنا يستر طريقك ويبعد عنك البلاعات والحفر والنقر والمطبات شكرا
        الله يبارك فيك يا باشا وفعلا انا جربت العربية علي الطريق الدولي وانا رايح الشغل مسافة 150 كم والفرق شاسع عن الاول والحمدلله لحد سرعة 170 كم/ساعة العربية زي الفل ومفيش لا رجة ولا زنة حتي وربنا يسترها معانة في شوارعنا دي
        [CENTER][FONT=Georgia]I'm Who I'm You Will NeVer ChanGe Me
        [/FONT][/CENTER]
        [CENTER][FONT=Georgia]AccepT or ReFuse
        [/FONT][shfaf2]http://img801.imageshack.us/img801/5981/72027463.jpg[/shfaf2][/CENTER]

        Comment

        • #5
          المشاركة الأصلية كتبت بواسطة ahmed_ramadan مشاهدة المشاركة
          الله ينور ...أحب أنا الناس اللى مش بتمشى عميانى ورا كلام الصنايعية
          ده الكلام الصح يا باشا وخصوصا الايام دي مع كثرة فتاوي الصنايعية واستسهالهم فلازم الواحد يتأكد ويشوف كل حاجة بعنيه وميعتمدش علي كلامهم وبصتهم الخارجية كده فقط
          وساعتها كل قرش حيدفعه حيبقي في مكانه وحيلاقي تأثيره في العربية
          [CENTER][FONT=Georgia]I'm Who I'm You Will NeVer ChanGe Me
          [/FONT][/CENTER]
          [CENTER][FONT=Georgia]AccepT or ReFuse
          [/FONT][shfaf2]http://img801.imageshack.us/img801/5981/72027463.jpg[/shfaf2][/CENTER]

          Comment

          • #6
            رائع يا افندم و ربنا يباركلك فيها
            هو ده الشغل ... اللي يعتمد علي الصنايعيه يبقي بايع نفسه و بيضيع فلوسه ... الحل انك لازم علي الاقل تفهم و تعرف ده ليه و بيتغير ليه و فين المشكلة بالضبط و كيفية توصيفها صح
            م / إيهاب منصور
            SEAT CORDOBA 2002 1.0 16V AVZ

            Comment

            • #7
              المشاركة الأصلية كتبت بواسطة ehab_mansour مشاهدة المشاركة
              رائع يا افندم و ربنا يباركلك فيها
              هو ده الشغل ... اللي يعتمد علي الصنايعيه يبقي بايع نفسه و بيضيع فلوسه ... الحل انك لازم علي الاقل تفهم و تعرف ده ليه و بيتغير ليه و فين المشكلة بالضبط و كيفية توصيفها صح
              بالظبط وده حيخليك تفهم كل حته في عربيتك أكتر وبالتالي تبقي مطمن ومحدش يضحك عليك وكمان متصرفش فلوس علي الفاضي
              [CENTER][FONT=Georgia]I'm Who I'm You Will NeVer ChanGe Me
              [/FONT][/CENTER]
              [CENTER][FONT=Georgia]AccepT or ReFuse
              [/FONT][shfaf2]http://img801.imageshack.us/img801/5981/72027463.jpg[/shfaf2][/CENTER]

              Comment

              • #8
                مبروك عليك الشغل الجامد ده وربنا يبارك لك فى عربيتك وللعلم العفشجى اللى انا بتعامل معاه بيعمل كده يقولى انا هاجيب العفشة كلها على الارض وارجع المها واشحم واغسل واظبط وهو ده الشغل المظبوط
                [img2]http://nileup.com/up/uploads/nilemotors_13649876441.jpg[/img2]

                Comment

                • #9
                  بجد الله ينور عليك لأن ئل حضرتك عملته مش طبيعي في سوق الصنايعيه

                  Comment

                  • #10
                    الله ينور ياصديقي هوة دة الكلام ......... احب الناس اللى بتعمل كل حاجة باديها
                    [COLOR=Blue][SIZE=5][COLOR=Navy]مع تحياتي / أحمد أبو ميزو
                    [img2]http://www5.0zz0.com/2014/05/05/06/544429690.jpg[/img2]

                    [/COLOR][/SIZE][/COLOR]

                    Comment

                    • #11
                      المشاركة الأصلية كتبت بواسطة المنسي مشاهدة المشاركة
                      مبروك عليك الشغل الجامد ده وربنا يبارك لك فى عربيتك وللعلم العفشجى اللى انا بتعامل معاه بيعمل كده يقولى انا هاجيب العفشة كلها على الارض وارجع المها واشحم واغسل واظبط وهو ده الشغل المظبوط
                      الله يبارك فيك يا باشا ربنا يخليك وفعلا ده الكلام الصح معأن ناس كتير تلاقيها بتخاف من كده ويقولك لآ بلاش ممكن ميعرفش يلمها تاني وكلام كده ( بيخاف يعمل الصح ) سبحان الله وفي الاخر تلاقيه دفع دم قلبه وبرده مخدش اللي هو عايزه
                      [CENTER][FONT=Georgia]I'm Who I'm You Will NeVer ChanGe Me
                      [/FONT][/CENTER]
                      [CENTER][FONT=Georgia]AccepT or ReFuse
                      [/FONT][shfaf2]http://img801.imageshack.us/img801/5981/72027463.jpg[/shfaf2][/CENTER]

                      Comment

                      • #12
                        المشاركة الأصلية كتبت بواسطة moratoz مشاهدة المشاركة
                        بجد الله ينور عليك لأن ئل حضرتك عملته مش طبيعي في سوق الصنايعيه
                        وعليك يا باشا وده المفروض الطبيعي اللي يحصل بس للآسف كله بيستسهل ويكروت ويعتمد ان اللي قدامه مش فاهم
                        [CENTER][FONT=Georgia]I'm Who I'm You Will NeVer ChanGe Me
                        [/FONT][/CENTER]
                        [CENTER][FONT=Georgia]AccepT or ReFuse
                        [/FONT][shfaf2]http://img801.imageshack.us/img801/5981/72027463.jpg[/shfaf2][/CENTER]

                        Comment

                        • #13
                          المشاركة الأصلية كتبت بواسطة أحمد جودة مشاهدة المشاركة
                          الله ينور ياصديقي هوة دة الكلام ......... احب الناس اللى بتعمل كل حاجة باديها
                          وعليك ياصديقي وطالما شغال يأيدك يبقي حتفهم كل حاجة في عربيتك وتبقي ماشي مطمن وعمرها متفتح منك
                          [CENTER][FONT=Georgia]I'm Who I'm You Will NeVer ChanGe Me
                          [/FONT][/CENTER]
                          [CENTER][FONT=Georgia]AccepT or ReFuse
                          [/FONT][shfaf2]http://img801.imageshack.us/img801/5981/72027463.jpg[/shfaf2][/CENTER]

                          Comment

                          • #14
                            فين الصنايعي ده ؟؟؟؟ دي زي الخل الوفي كده
                            [SIZE=6][COLOR=#001109]البريبئ [/COLOR]اتخرم و عايزيين [COLOR=#001109]بريبئ[/COLOR] جديد [/SIZE]:B4_444::dzey:

                            Comment

                            • #15
                              المشاركة الأصلية كتبت بواسطة hemaa_82 مشاهدة المشاركة
                              فين الصنايعي ده ؟؟؟؟ دي زي الخل الوفي كده
                              في اسكندرية يا باشا في منطقة محمد نجيب
                              بس للآسف برده هو معملش الموضوع ده بالساهل
                              ده كان بعد ضغط مني والوقفة معاه خطوة بخطوة
                              بس برده الحق يقال انه صنيعي نمرة 1 وفاهم هو بيعمل ايه وخد مصنعية قليلة في وجهة نظري بالنسبة للشغل اللي اتعمل
                              [CENTER][FONT=Georgia]I'm Who I'm You Will NeVer ChanGe Me
                              [/FONT][/CENTER]
                              [CENTER][FONT=Georgia]AccepT or ReFuse
                              [/FONT][shfaf2]http://img801.imageshack.us/img801/5981/72027463.jpg[/shfaf2][/CENTER]

                              Comment

                              السابق 1 2 3 template التالي
                              Working...
                              X