خبراتكم فى افضل بطاريه للاوكتافيا

[طارق _عبد السلام]

حياكم الرحمن جميعا
النهارده البطاريه قلت باصلها معايا
كنت على طريق المنصوره ووقفت والحمد لله انى كنت راكن كويس لانى كنت تقريبا قبل مطلع كوبرى
ومشغل انتظار وخلصت طلبى ورجعت ادور العربيه

الناس اللى كنت عندها وقفوا جنبى نجيب ميكانيكى طيب نزق زقه وانا اقولهم البطاريه ودى مبتتزقش ...يشكروا بردوا :) اتصلت بصديق جاء لى وعمل لى توصيله والحمد لله دورت وطبعا جريت على تاجر بطاريات صديق لى المهم قاس البطاريه قال لى دى الاصليه بتاع العربيه وكتر خيرها قعدت 3 سنين المهم المقاس كان 15.4 وبعد دوسه البنزين وصل ل 30 يعنى 25 %
قالى امشى بيها شويه ولو عملتها تانى اغيرها لك
قلت له انا مبمشيش بالعربيه كتير بقالى فتره يعنى العربيه دايما فى الجراج قال لى هجيب لك امبير اعلى ؟ 75 امبير
فعايز خبراتكم كل واحد يرشح ماركه بطاريه قعدت معاه فتره بدون مشاكل
وهل حكايه الامبير الاكبر دى مفيده ؟!
وللعلم تقريبا العربيه الحركه بيها عندى خفيفه بقالى فتره مشاويرى بالعربيه خفيفه جدا وده الغالب
يعنى بطاريه انساها فى انتظار آرائكم وخبراتكم
دمتم بخير

[HISHAM80]

هو حضرتك أحسن بطاريه varta بالنسبه للأمبير دي سعة تدوير ملهاش أي تأثير مضر غير أن البطاريه أكبر شويه حجما لو حضرتك حاطط طقم صوت أو عربتك highline هات 68 أمبير أعتقد حتكون كفايه

[mo3tazanas]

لو انت فعلا معندكش طقم صوت والافلام دى يبقى 50 امبير ممتازة عن سابق تجربة

[Moratoz]

فارتا تستحق الاحترام وهتلاقي مكان البطاريه مجهز لحجم ٧٢ او ٧٤ إمبير
تقبل تحياتي

[طارق _عبد السلام]

هو حضرتك أحسن بطاريه varta بالنسبه للأمبير دي سعة تدوير ملهاش أي تأثير مضر غير أن البطاريه أكبر شويه حجما لو حضرتك حاطط طقم صوت أو عربتك highline هات 68 أمبير أعتقد حتكون كفايه

اشكرك استاذ هشام
فعلا كان لى احسن تجربه كانت مع بطاريه فارتا الوحيده اللى قعدت فى عربيه 5 سنين
بس واحد ابن حلال كهربائى قالى انضربت ومعدتش زى الاول واسوء تجربه لى كانت مع ديلكو 6 شهور واحتاجت توصيله
انا معنديش طقم صوت هى سماعات العربيه وبالفعل عربيتى هاى لاين

[طارق _عبد السلام]

لو انت فعلا معندكش طقم صوت والافلام دى يبقى 50 امبير ممتازة عن سابق تجربة

فعلا معنديش طقم صوت انا من هواه الهدوء :)
بس البطاريه الاصليه 65 امبير مينفعش اصغر
لكن حضرتك مرشحتش ماركه

[طارق _عبد السلام]

فارتا تستحق الاحترام وهتلاقي مكان البطاريه مجهز لحجم ٧٢ او ٧٤ إمبير
تقبل تحياتي

استاذنا عمرو بك

اشكرك ... ومعانا تانى ترشيح لفارتا
اللى انا خايف منه انا فعلا ممكن اسيب العربيه 3 او 4 ايام بدون استخدام
هل ده هيقصر عمر البطاريه معايا
وهل الفارتا لسه زى زمان فعلا
البطاريه عندى منورتش ابيض بس خلاص كتر خيرها 3 سنين نشكرها على حسن تعاونها

[inspiron]

1- varta
2- acedelco

[Moratoz]

استاذنا عمرو بك

اشكرك ... ومعانا تانى ترشيح لفارتا
اللى انا خايف منه انا فعلا ممكن اسيب العربيه 3 او 4 ايام بدون استخدام
هل ده هيقصر عمر البطاريه معايا
وهل الفارتا لسه زى زمان فعلا
البطاريه عندى منورتش ابيض بس خلاص كتر خيرها 3 سنين نشكرها على حسن تعاونها

انا كنت جبت الفارات قعدت سنتين وبعدين بعت العربيه وكانت جيده جداً بس هتفا م حد ثقه ومتقلقش خلاص كله بيبوظ وثلاثة ايام ركنه معتقدش ليهم تأتي علي البطاريه غير لما بتكون خلاص بتودع
تحياتي

[Amr_Azab]

عن تجربة Alphaline
مركبها عندي في العربية بقالها الحمدلله 3 سنين ونص وحتي الآن لم تشتكي وشغالة زي الفل الحمدلله

http://www.alphalinebatteries.co.uk/pdf/alphaline-car.pdf

والمناسبة لعربيتك 66 أمبير -بتبقي طويلة شوية كده ورفيعة وبتركب للآوكتافيا والآوبل

[abou-yahia]

لسه جايب بوش 70 امبير ب 570 جنيه

[kareemafifi]

عن تجربة alphaline
مركبها عندي في العربية بقالها الحمدلله 3 سنين ونص وحتي الآن لم تشتكي وشغالة زي الفل الحمدلله

http://www.alphalinebatteries.co.uk/pdf/alphaline-car.pdf

والمناسبة لعربيتك 66 أمبير -بتبقي طويلة شوية كده ورفيعة وبتركب للآوكتافيا والآوبل

فعلا الفا لاين جايبها من سنة و نص و ماشية تمام الحمد لله مفيش مشاكل

[طارق _عبد السلام]

1- varta
2- acedelco

يامراحب بالبوب
وكده زياده تأكيد على الفارتا
لكن ديلكوا مكنش لى حظ معاها جابت اخرها سريع سريع

عن تجربة Alphaline
مركبها عندي في العربية بقالها الحمدلله 3 سنين ونص وحتي الآن لم تشتكي وشغالة زي الفل الحمدلله

http://www.alphalinebatteries.co.uk/pdf/alphaline-car.pdf

والمناسبة لعربيتك 66 أمبير -بتبقي طويلة شوية كده ورفيعة وبتركب للآوكتافيا والآوبل

اهلا بالاستاذ عمرو
اشكرك على الاضافه انا فعلا اول مره اسمع عنها بس 3 سنين ماشاء الله تبقى ممتازه

لسه جايب بوش 70 امبير ب 570 جنيه

استاذنا ابو يحيى

اكيد البوش ماركه محترمه اشكرك وفائق التقدير لحضرتك

فعلا الفا لاين جايبها من سنة و نص و ماشية تمام الحمد لله مفيش مشاكل

استاذنا كريم
مرحب بيك اشكرك على التفاعل وبكده معانا 2 الفا و3 لصالح فارتا
محش عارف اسعارهم ايه دلوقتى اصل اللى هجيب منه البطاريه صديقى ومتأكد انه هيلبسنى عادى
مهو لحمتك المشغته قالك من الجزار المعرفه :)
السنه اللى فاتت خدت منه بطاريه ديلكو فى الضمان ونامت فى 6 شهور وشحنها ومرضيش يغيرها

[Moratoz]

الفاراتا تقريبا ب ٦٥٠ جم

[AhmedBahgat]

انا جبت من اسبوع ڤارتا ٦٠ امبير ب٦٢٠

٦٠ امبير عشان لما جبت ٧٠ امبير كانت كبيرة ومش هتدخل في الكڤر بتاع البطارية ولما جيت افك الاصلي لقيتها ٦٠ امبير وانا بصراحه مبحبش العك