فين ملاك ال a7؟

[islam_gamal50]

يا جماعة من مدة متابع قسم سكودا مخصوص عشان اوكتافيا الجديدة وملاكها الكرام لا حس ولا خبر ياريت كل فترة في تقرير عن العربية بعد فترة استخدام وايه الملحوظات يفيدنا ويفيد المقدم على الشراء ... تحياتي

[Ahmed_Adham]

أنا مشفتش حد هنا قال انه اشتراها خالص. تقريبا الناس خايفه من الفتيس.

[طارق _عبد السلام]

لا معانا زميل هنا مشتريها وبيشكر فيها جدا
بس كان حصل له وقف بسبب انه بيشكر فى عربيه هو يمتلكها وراكبها ومجربها
وهناك بعض الزملاء قارئين عنها فبيقطعوها كالعاده وخاسفين بيها الارض
فحصل بعض التجاوز فى الردود وحصل عقوبات ومن يومها تواجده قليل فى المنتدى

[lanos2004]

لسه بيجربوا فيها

[amgomaa]

العربيه انتشرت فى بورسعيد بغباء انا حاسس ان كل اللى كان معاه اوكتافيا باعها وجاب ال a7و كمان الهاي لاين ابتدت تنتشر و نازله بفتحة سقف بانوراما معتقدش اللى اشتراها بيرمى فلوسه فى الارض

[inspiron]

تفتكر حضرتك..لما واحد يكون شاري عربية جديدة طافح الكوتة عشانها ويدخل المنتدي يلاقي الكل بيذم فيها وفي اللي صنعها ويلعن اليوم اللي نزلوها فيه......يبقي هيجي يوجع راسه ليه ويضيع فرحته بيها ليه.

أنا واحد من الناس منتظر بفارغ الصبر نزول الخليجي منها اللي بتقول بابا وماما.وإن شاء الله هشتريها.وتأكد إني مش هظهر بيها كتير ولا هتكلم عنها كتير هنا في المنتدي.

[المنسي]

اصحاب A7 خايفين من الحسد المنتشر فى المنتدى واسأل مجرب " inspiron" وغيره

[islam_gamal50]

مستنينهم يظهروا على خير ظهورهم هيشجع ناس كتير وانا اولهم للعربية في استفسارات كتير

[elmkaneeki]

واحد صاحبي لسة جايبها ومبسوط عالاخر
كان راكب قبليها a5

[Ahm662]

يا باشا دا كل اما صاحبها يتكلم عن العربية يلاقى ناس كتير بتعيب فيها طب وليه يوجع دماغه الراجل خدها من قاصرها وخلع

[Ahmed_Adham]

فين الموضوع اللي عامله اللي اشتراها يا جماعه؟

[mostafa_dreem]

ياجماعة العربية حتى الان معى جميلة والحمد لله فى كل حاجة واى استفسار تحت امركم

[inspiron]

ياجماعة العربية حتى الان معى جميلة والحمد لله فى كل حاجة واى استفسار تحت امركم

طيب حيث كده بقا يرجي موافتنا بالآتي :

- زمن تسارع العربية من 0-100 (ويا سلام لو فيه فيديو)
- اخبار العفشة ايه معاك
- اخبار الثبات علي السرعات العالية ايه
- اخبار العزل ايه
- اخبار التكييف ايه

[Ahmed_Adham]

لو فيه ضمان للفتيس 5 سنين بس مش 7 كان هيبقى في مبيعاتها كلام تاني وخصوصا لو فولكس شايفه انها حلت مشاكل الفتيس يبقى ايه المانع؟

[mostafa_dreem]

[QUOTE=inspiron;3875303849]طيب حيث كده بقا يرجي موافتنا بالآتي :

- زمن تسارع العربية من 0-100 (ويا سلام لو فيه فيديو)
- اخبار العفشة ايه معاك
- اخبار الثبات علي السرعات العالية ايه
- اخبار العزل ايه
- اخبار التكييف ايه[/QUOTE

العفشة 80%
الثبات 100%
العزل 100%
التكييف 90%