نصيحه في شراء سكودا a4

[alexandro]

السلام عليكم ورحمه الله وبركاته

انا كنت ناوي علي سكودا فابيا واستاذ عمرو عزب افادني في الموضوع ده
بس برده ناس كتير قالتلي طالما هتجيب في رنج 65 يبقي خليك في الاوكتافيا افضل حتي لو موديل اقدم

انتو ايه رأيكوا
وايه اخبار قطع غياراها واسعارها وموازية لقطع غيار ايه في العربيات

وسعر اعاده بيعها

ورنج 65 ده يجيبلي موديل كام حاله نظيفة

وشكرا

[Thebutcherr]

متابع

[Amr_Azab]

بالنسبة للآوكتافيا فسعر أعادة البيع بيبقي أفضل من الفابيا
لكن قطع الغيار مفيش فرق كبير
الآعتمادية برده مفيش فرق الآتنين زي الفل
متهيألي اللي يحكم حضرتك السوق
يعني علي حسب اللي حتلاقيه سواء دي او دي اهم حاجة الحالة النضيفة اللي حتلاقيها هي دي الفيصل
ده رأي الشخصي

[elgohary10]

انا شايف انك بالسعر ده او اكثر قليلا ممكن تجيب اوكتافيا 2004 بحاله جيده

[aboomar22]

انا مجربتش الفابيا بس الاوكتافيا حبيبتى بص هى كعربية ركوبة مفيش كلام واتزان امان عزل ممتاز فخامة شكلها مازال مميز (وجهة نظر )
قطع غيار موجودة جديد واستيراد مش كلها غالية يعنى الحاجات المستهلكة سيور بوجيهات فلاتر بلى اسعارها عادية يمكن الغالى شوية الحساسات والاجزاء الالكترونية اهم حاجة تكون حالتها كويسة وتكشف عليها فى مركز اسكودا على الجهاز وثانيا تتعامل مع مركز متخصص اسكودا مش ميكانيكى عادى

[alexandro]

انا مجربتش الفابيا بس الاوكتافيا حبيبتى بص هى كعربية ركوبة مفيش كلام واتزان امان عزل ممتاز فخامة شكلها مازال مميز (وجهة نظر )
قطع غيار موجودة جديد واستيراد مش كلها غالية يعنى الحاجات المستهلكة سيور بوجيهات فلاتر بلى اسعارها عادية يمكن الغالى شوية الحساسات والاجزاء الالكترونية اهم حاجة تكون حالتها كويسة وتكشف عليها فى مركز اسكودا على الجهاز وثانيا تتعامل مع مركز متخصص اسكودا مش ميكانيكى عادى

طيب 65 يجيبولي ايه حالة نظيفة مانيوال

[alexandro]

بالنسبة للآوكتافيا فسعر أعادة البيع بيبقي أفضل من الفابيا
لكن قطع الغيار مفيش فرق كبير
الآعتمادية برده مفيش فرق الآتنين زي الفل
متهيألي اللي يحكم حضرتك السوق
يعني علي حسب اللي حتلاقيه سواء دي او دي اهم حاجة الحالة النضيفة اللي حتلاقيها هي دي الفيصل
ده رأي الشخصي

امال ليه الناس خوفتني من الفابيا وقالتلي اوكتافيا ماشي مع ان قطع الغيار واحده

[Amr_Azab]

عادي يا باشا عشان في السوق بتاعنا مليان أشاعات ومن ضمنها موضوع قطع غيار الفابيا ده
لكن في الحقيقة كل حاجة موجودة متقلقش والموضوع بيبقي أغلبه استغلال تجار مش اكتر

اهم حاجة بس حضرتك تحدد الغرض اللي عايزه من العربية ايه
يعني يدوبك تقدي بيها مشواير والسلام ولا بتحب الشد والجري وكده
عائللية ولا هاتش باك شبابي ولا متفرقش
عايز كوري ولا ياباني ولا الماني ولا متفرقش برده

لازم تحدد الغرض ايه عشان الناس تقدر تفيدك لكن متسبش الموضوع مفتوح اوي كده

[alexandro]

عادي يا باشا عشان في السوق بتاعنا مليان أشاعات ومن ضمنها موضوع قطع غيار الفابيا ده
لكن في الحقيقة كل حاجة موجودة متقلقش والموضوع بيبقي أغلبه استغلال تجار مش اكتر

اهم حاجة بس حضرتك تحدد الغرض اللي عايزه من العربية ايه
يعني يدوبك تقدي بيها مشواير والسلام ولا بتحب الشد والجري وكده
عائللية ولا هاتش باك شبابي ولا متفرقش
عايز كوري ولا ياباني ولا الماني ولا متفرقش برده

لازم تحدد الغرض ايه عشان الناس تقدر تفيدك لكن متسبش الموضوع مفتوح اوي كده

1- اولا انا اصلا استخدامي لاي حاجه نظيف جدا وبخاف علي اي حاجه
2- متوسط استهلاك في اليوم مش هيزيد عن ساعتين متقطعين طبعا

3- لو مثلا رايح منطقة زي روكسي مثلا مش هاخد العربية عشان عارف انها منطقة مقرفه وزحمه ومش هعرف اركن
4- متفرقش معايا عائلية ولا هاتش باك بس السيدان قبل الهاتشباك لو قدامي النوعين
5- انا رافض مبدا الكوري رفض تام و بالنسبة ليا مجرد "" شاهين بتكيف "" يعني اجيب شاهين واركبلها تكييف تضرب الكوري بالجزمة

6- العربية ديه داخله في مقارنا مع البوما هتقولي مش نفس المستوي بس هي افضل خيار متاح قدامي مع السيفيك

[aboomar22]

65 يجيلوا 2002 تقريبا لكن الموضوع اكثر بالحالة مش بالموديل بس اقولك حاجة على فكرة الكورى عن تجربة عربيات حلوة واقتصادية يمكن خامات داخلية اقل وعزل مش قد كده لكن مش وحشة بجد

[alexandro]

طيب يا جماعه انا ساكن في حدائق القبة

عايز افضل محل قطع غيار سكودا قريب مني ويكون فيه كل حاجه

وياريت محل احمد سعيد وكذا واحد غيره