نقص زيت المحرك للاوكتافيا a5

[احمد معوض1]

لو سمحتوا ياجماعة عايز افادة فى موضوع نقص زيت المحرك للاوكتافيا a5 غيرت زيت 10000 وبعد مرور 6000 ك اكتشفت انخفاض كبير قوى ف الزيت ولما بصيت على المحرك لقيت والله اعلم تقريبا وصلة الزيت الراجع مفصولة عن مكانها ومعرقة زيت كتير
هل ممكن يكون دة السبب ولا اية
ارجوا الافادة ولكم جزيل الشكر

[AlGazar2]

اكيد ده عامل كبير من عوامل نقص الزيت

انت مستخدم زيت ايه اخر مره لان ممكن الوصله دى متنقصش كمية كبيره

[احمد معوض1]

شكرا جدا لاهتمامك وردك .......انا اخر زيت غيرتة كان باور سيث (امارات مصر) وطبعا الناس كلها بتشكر فية قوى بس عايز اضيف حاجة انا سافرت الغردقة وطبعا انت عارف الطريق مفتوح كنت سايق 180\200 .
ممكن دة يبقى سبب فى نقص الزيت
ولك جزيل الشكر

[دكتور خالد]

لو انت مغير الزيت فى مكان مضمون و متأكد انه مش مضروب يبقى اكيد فى مشكلة عندك .... لكن لو ادتى احتمال ان الزيت مضروب ( وده كتير جدا اليويمن دول ) ممكن يكون الزيت خفيف و اتبخر من الحرق عليه

[احمد معوض1]

الزيت اللى كنت مغيرة كان كويس جدا طبعا بس مش عارف اية المشكلة
انا بقول اغير الزيت واتابع المقاس واشوف ولا اية رايكم ياجماعة
وياريت ياجماعة لو حد يعرف نسبة الحرق المثالية للزيت اثناء السير على سرعة كبيرة لمسافات كبيرة
لان الموضوع دة(نقص الزيت) انا لاحظتة بعد مسافة 1200 ك على سرعة 180\200

[mo7a_mo7a]

يا ريت بس حضرتك تحدد النقص دا اد ايه بالضبط

لان ده حيساعد في التفسير

لو فرضنا ان العلام كتن كده [ f|.........l ] وبعد فترة لقيته كده [ f.......|..l ] حيتهيالك انه نقص كبير
رغم ان الفرق ما بين الاتنين حوالي فنجان شاي زيت مش اكتر

تحياتي

[احمد معوض1]

يا ريت بس حضرتك تحدد النقص دا اد ايه بالضبط

لان ده حيساعد في التفسير

لو فرضنا ان العلام كتن كده [ f|.........l ] وبعد فترة لقيته كده [ f.......|..l ] حيتهيالك انه نقص كبير
رغم ان الفرق ما بين الاتنين حوالي فنجان شاي زيت مش اكتر

تحياتي

هو المفروض بيبقى اول العلامة المشرشرة من فوق ولما بصيت على المقاس لقيتة فى اخر العلامة من تحت
متشكر جدا على الاهتمام والرد

[احمد معوض1]

شكرا ياجماعة بجد على الاهتمام والرد انا الحمد تشخيصى فى الاول كان صح هوا ان وصلة الراجع اللى كانت مقطوعة هى دى اللى كانت بتقلل الزيت وكمان لقيت خرطوم العمة برضة كان فية قطع صغير وهوا دا اللى كان بيعرق الزيت والسبب فى تقليل الزيت والحمد لله غيرتهم والزيت دلوقت تمام