عداد ال أر بي ام بيعلى ويوطى لوحده

[midoabokhadra]

انا غسلت الموتور بالجاز والمية ف المغسلة
بعدها بيومين لاقيت ال ار بي ام بيطلع وينزل لوحده كل شوية
وساعات قليلة جدا بيظبط وبيرجع تاني . كشفت عليها بالكمبيوتر قالي مافيش حاجة العربية كويسة
امشي بيها 3 او 4 ايام على اما الجاز دة ينشف وقولي عملت اية
في حد حصلت عنده المشكلة دي وظبطت لوحدها ؟؟
ولا اعمل اية ؟؟؟

[sakr_skoda]

هو كدا عفريت اسكودا عفريت وسخ وبيحب الطين ليه حضرتك بتحاول تنضفه على فكرة انا مش باتريق لا والله انا حصلتلى نفس المشكلة بس علبة الاكترونى اتحرقت لما اشتريت العربية وفرحان بيها قلت اغسلها فى بنزينة والله يوميها ما روحت البيت اشتريك مشط الكترونى صينى وركبتة بنفسى فى الشارع وواصلت المسير هههههههههههههههههه!!!***

[start_wow]

حضرتك انا حصلت معايا المشكلة دي قبل كده وظهرت مباشرة بعد غسيل الموتور بالمية والجاز لقيت انه الار بي ام بيعلي فعلا وصوت العربية عالي جدا وبينزل الار بي ام لما بحرك الفتيس علي d وبرضه مش بيقل للمستوي الطبيعي العادي..روحت بيها علي الميكانيكي قالي المية جت علي فيش الفتيس الكهرباء ونظف الفيش ونضف بوابة الانجكشن واتحلت علي طول بعد التنظيف..

[midoabokhadra]

هو الموضوع دة نادر ولا اية ؟
مافيش حد حصل عنده كدة قبل كدة ولا اية
رجاء الاهتمام
وعاوز اعرف لو سيبتها كدة ممكن تظبط لوحدها !!! ؟

[msr1192]

روح للمكانيكي وخلية ينظف البوابة
وان شاء الله تتحل

[Ahmed15]

احيانا بتكون مشكلة في فيشة كبل بتعمل نفس اللي بيحصلك ، انا مش فاكر اسم الفيشة دي بس بتبقى في منتصف الموتور

[midoabokhadra]

انا روحت للميكانيكي وفك فيشة حساس البوابة وقالي محتاج اغير حساس البوابة
اية رايكو ف الكلام دة ؟ اغير الحساس ؟
ولا ممكن يكون ظبط كمبيوتر ؟

[midoabokhadra]

ياريت حد يقولي الحساس دة بكام استيراد وجديد