اشتريت اوكتافيا 2007 مستعملة ،، فيدوني بالفتيس ومشاكل اخرى

[ahmad fattoh]

السلام عليكم
انا سعيد بالمنتدى جدا جدا وندمان اني مدخلتش عليه قبل كده
اعضاء الجروب المحترمين
عندي مشكلة صغيرة مع العلم ان خبرتي في السيارات خاصة الالماني قليلة جدا لاني طبيب والمجال ده بعيد عني جدا ،،،،، ده غير استحالة التواصل مع البائع لاني واخدها من معرض
الحمد لله اشتريت سيارة اوكتافيا 2007 a5 اول ما ركبتها اكتشفت اني مكنتش باركب عربيات قبل كده خالص ،، من ناحية الثبات والامان والركوبة نفسها والاوبشنز طبعا
المشكلة الاساسية اللي مخوفاني الفتيس ،،مبدئيا هو زي الفل انا بس باحس بالنقلة من التاني للتالت ،، مجرد احساس مش نتشة،، على قد فهمي يعني ،، العربية عاملة 108 الف كيلو ومعرفلهاش اي تاريخ صيانة نهائي
انا عملت للعربية كل الصيانات العادية من زييت موتور وفلاتر وتيل وكاوتش بس مقربتش من الفتيس
افيدوني وقولولي اهم حاجة اروح لمين لو فيه مشكلة في الفتيس
تاني حاجة الكاسيت بتاعها الاصلي مش فيها ،، هو كان مركبلها كاسيت بايونير بس حاجة نضيفة ،، هل ده يفرق في حاجة وطبعا الاصلي مش معايا ومفيش شاشة عرض اعطال تكتبلي ايه المشكلة لو حصل حاجة
تالت حاجة الموتور (ساعات والعربية على ال nاو الr) صوته بيعلى ويوطى ومعاه النور يشد ويهدى ومعاه ترييحة بسيطة في الار بي ام و يرجع يتظبط تاني ،، انا مغيرتش بطارية وقست شحن الدينامو لقيته تمام ولما بيحصل الكلام ده بالاقي الشكمان بيقطع الصوت والعادم (زي ما يكون بيكح كده ،، دكتور بقى ههههه) على فكرة هو كان مغير موتور وثبته على الرخصة
رابع عايز كهربائي كويس لان فيها حاجات هبلة كده ساعات ادي اشارة يمين تقوم الشمال تشتغل وساعات اقفل الابواب عشان الاطفال من الزرار اللي جمب الفتيس ولما اضغط علامة المفتاح اللي في نفس الزرار الابواب متفتحش ،، لازم ابطل واشيل المفتاح واقفل من الريموت وافتح تاني
اخيرا مثبت السرعة مش شغال ،، اعتقد مالهوش لازمة بس اعرف اللي فيه بس
عايز اعرف اعمل ايه واروح لمين علما اني ساكن في 6 اكتوبر ووالدتي قاعدة في مدينة نصر فممكن اروح لحد قريب من هناك بس رشحولي واحد شاطر وامين واسعاره كويسة
شكرا مقدما

[MAHMOUD MOHAMD]

اولا مبروك وثانيا طبيعى انك تحس بالنقله عادى انا ركبت العربيه دى كتير وبالنسبه للرجه اللى بتحصل انشاء الله هتطلع حاجه بسيطه يا بوجيهات ياسلوك بوجيهات يا اما تنضيف حساسات وبوابه وامانه عليك متوديش العربيه لاى حد هيبهدلوها ويكلفوك فى مراكز صيانه محترمه معلش تدفع مره واحده بس العربيه تفضل مظبوطه معاك فتره طويله وفى مركز فى اول النزهه الجديده الطريق اللى قبل السندباد وانت جاى من السلام من عند الدخله الجديده هو بيشتغل فى العربيات دى بس هما غاليين بس شاطريين اوى واهم حاجه زيت الفتيس اوعى تتاخر عليه والعموم احنا زمايل (طبيب اطفال )

[Ahmed_Ramadan]

أساتذة الألمانى موجودين فى صقر قريش ....شوية و هجيبلك إسم واحد منهم واحد صاحبى بيتعامل معاه من زمان و بيشكر فيه

[Moratoz]

مبدئيا بخصوص الفتيس كده كده الزيت بيتا كل ٦٠ الف ك يعني ممكن تروح دلوقتي وتغيرة علشان الأمان وتكون في المضمون وعلي الأخص ان كده كده ميعاده قرب وممكن تروح لأحمد زاهر في صقر قريش يغير الزيت ويعملك غسيل للبادي فلف بتاع الفتيس كده تبقي في الامام بخصوص الفتيس
بخصوص الرجه ممكن تبقي بوجيهات وسلك وبوابة ولازم تحط العربيه علي جهاز وزي ما الأخوه الأفاضل قالوا لازم حد يكون شغال في الالماني

[ahmad fattoh]

بارك الله فيكم جميعا
اروح لاحمد زاهر ازاي ؟؟
وكمان عايز اعرف انا لازم اسخن العربية ولا ادور واطلع على طول
ومحدش رد عليا في موضوع الكاسيت ومثبت السرعة

[طارق _عبد السلام]

بارك الله فيكم جميعا
اروح لاحمد زاهر ازاي ؟؟
وكمان عايز اعرف انا لازم اسخن العربية ولا ادور واطلع على طول
ومحدش رد عليا في موضوع الكاسيت ومثبت السرعة

دور وانتظر قليلا يعنى دقيقه مثلا وامشى بس ماتعدى بالار بى ام فوق 3000 لفه لحد مامؤشر الحراره يوصل ل90 براحتك بعد كده شد واحرق
بخصوص الكاسيت لو عربيتك فئه اولى هو مش حكايه يعنى مش قد كده الفئه الاولى شريط والفئه الثانيه سى دى لو الكاسيت كويس خليه لو عايز تظبطها هات كاسيت عريض تاتش صوت وصوره وفيديو

ومن ناحيه موضوع قفل السنتر ليه تبطل العربيه وتفتح بالريموت عايز تفتح بدون الكلام ده شد ذراع فتح الباب مرتين هيفتح معاك :) اعملها على ماتظبط زرار السنتر هيحتاج تنضيف بس

[ahmad fattoh]

مبدئيا بخصوص الفتيس كده كده الزيت بيتا كل ٦٠ الف ك يعني ممكن تروح دلوقتي وتغيرة علشان الأمان وتكون في المضمون وعلي الأخص ان كده كده ميعاده قرب وممكن تروح لأحمد زاهر في صقر قريش يغير الزيت ويعملك غسيل للبادي فلف بتاع الفتيس كده تبقي في الامام بخصوص الفتيس
بخصوص الرجه ممكن تبقي بوجيهات وسلك وبوابة ولازم تحط العربيه علي جهاز وزي ما الأخوه الأفاضل قالوا لازم حد يكون شغال في الالماني

يا ريت تقوللي اوصله ازاي ،،، شكرا

[ahmad fattoh]

دور وانتظر قليلا يعنى دقيقه مثلا وامشى بس ماتعدى بالار بى ام فوق 3000 لفه لحد مامؤشر الحراره يوصل ل90 براحتك بعد كده شد واحرق
بخصوص الكاسيت لو عربيتك فئه اولى هو مش حكايه يعنى مش قد كده الفئه الاولى شريط والفئه الثانيه سى دى لو الكاسيت كويس خليه لو عايز تظبطها هات كاسيت عريض تاتش صوت وصوره وفيديو

ومن ناحيه موضوع قفل السنتر ليه تبطل العربيه وتفتح بالريموت عايز تفتح بدون الكلام ده شد ذراع فتح الباب مرتين هيفتح معاك :) اعملها على ماتظبط زرار السنتر هيحتاج تنضيف بس

تشكرات يا باشا

[Moratoz]

بالنسبة لأحمد زاهر هوا في صقر قريش بالمعادي تعدي الدائري وتخش في البطيئ وتقريبا ثالث شارع يمين هوا وأخد الناصيه من علي الشارع وبخصوص الكاسيت حضرتك بتقول ان الاصلي مش موجود فهل حضرتك عايز تشتري واحد تاني ولا حضرتك بتسأل علي ايه
بخصوص مثبت السرعه الاول جرب يكون الزرار في وضع on وبعدين وانتي ماشي كده علي سرعه ٨٠ ك جرب تدوس في سن دراع النور هتلاقي زرار تاني اضغط عليه حوالي ٣ ثواني وشوف المثبت هيشتغل ولا لَا وطبعا لما تدوس فرامل المثبت بيفصل
وتقبل تحياتي

[ahmad fattoh]

تسلملي يا كبير
احمد زاهر هاروحله بكره ان شاءالله والمثبت هاجربه بس انت قصدك بسن الدراع اللي هو الزرار اللي باتجاهين فوق وتحت ادوس عليه 3 ثواني
وبالنسبة للكاسيت اللي فيها مريحني نسبيا بس مبفكرش اغيره حاليا انا باستفسر هل ده ممكن يؤثر على العربية في شيء عشان كود الكاسيت وكده ولا ده علاقته بالكاسيت بس
انا باشكرك جدا على معلوماتك

[Moratoz]

تسلملي يا كبير
احمد زاهر هاروحله بكره ان شاءالله والمثبت هاجربه بس انت قصدك بسن الدراع اللي هو الزرار اللي باتجاهين فوق وتحت ادوس عليه 3 ثواني
وبالنسبة للكاسيت اللي فيها مريحني نسبيا بس مبفكرش اغيره حاليا انا باستفسر هل ده ممكن يؤثر على العربية في شيء عشان كود الكاسيت وكده ولا ده علاقته بالكاسيت بس
انا باشكرك جدا على معلوماتك

بالنسبة لدراع النور ايوا زي ما حضرتك قولت الزرار زو الاتجاهين بس تأكد اولا من الأرز الموجود أعلا دراع النور يبقي في وضع on
الكاسيت ما دام مريحك خلاص
وابقي قولنا عملت ايه ان شاء الله ويكون كافة الامور بسيطه

[ahmad fattoh]

بالنسبة لدراع النور ايوا زي ما حضرتك قولت الزرار زو الاتجاهين بس تأكد اولا من الأرز الموجود أعلا دراع النور يبقي في وضع on
الكاسيت ما دام مريحك خلاص
وابقي قولنا عملت ايه ان شاء الله ويكون كافة الامور بسيطه

متشكر على اهتمامك
الزرار كده مش شغال بس يا رب ميطلعش عيب كبير
وانا روحت لاحمد زاهر ونزلت الزيت
طلع زيت الفابريكة ونزل اسود خالص وريحته سيئة جدا بس مافيش رايش فيه
وقاللي حط الزيت الالماني وغيره بعد 20 او 25 الف كيلو بالكتير

[ahmad fattoh]

اولا مبروك وثانيا طبيعى انك تحس بالنقله عادى انا ركبت العربيه دى كتير وبالنسبه للرجه اللى بتحصل إن شاء الله هتطلع حاجه بسيطه يا بوجيهات ياسلوك بوجيهات يا اما تنضيف حساسات وبوابه وامانه عليك متوديش العربيه لاى حد هيبهدلوها ويكلفوك فى مراكز صيانه محترمه معلش تدفع مره واحده بس العربيه تفضل مظبوطه معاك فتره طويله وفى مركز فى اول النزهه الجديده الطريق اللى قبل السندباد وانت جاى من السلام من عند الدخله الجديده هو بيشتغل فى العربيات دى بس هما غاليين بس شاطريين اوى واهم حاجه زيت الفتيس اوعى تتاخر عليه والعموم احنا زمايل (طبيب اطفال )

باشا عايزين نتواصل
اخوك اطفال برده

[Moratoz]

متشكر على اهتمامك
الزرار كده مش شغال بس يا رب ميطلعش عيب كبير
وانا روحت لاحمد زاهر ونزلت الزيت
طلع زيت الفابريكة ونزل اسود خالص وريحته سيئة جدا بس مافيش رايش فيه
وقاللي حط الزيت الالماني وغيره بعد 20 او 25 الف كيلو بالكتير

وحطلك زيت اسمه ايه وبكام اللتر ومن عنده ولا اشترته منين وبعدين ليه مخلتوش يبص لحضرتك علي مثبت السرعه
وبعد تغير الزيت هل حسيت بقرق في المشي
وخد منك كام مصنعيه علي تغير الزيت ووقت إد ايه
وتقبل تحياتي وإنشاء الله تبقي ظبطت

[ahmad fattoh]

وحطلك زيت اسمه ايه وبكام اللتر ومن عنده ولا اشترته منين وبعدين ليه مخلتوش يبص لحضرتك علي مثبت السرعه
وبعد تغير الزيت هل حسيت بقرق في المشي
وخد منك كام مصنعيه علي تغير الزيت ووقت إد ايه
وتقبل تحياتي وإنشاء الله تبقي ظبطت

بص يا باشا ،، هارد من الاخر هو خد 200 جنيه مصنعية ،، وده كتير جدا على المجهود اللي عمله وحطلي زيت الماني بس للاسف مش فاكر اسمه واللتر ب150 جنيه والفلتر ب150 جنيه وخد نص ساعة شغل
بالنسبة للسحب فرق معايا طبعا بس مش للدرجة ،، يعني تحسه انعم واسهل مش اسرع بنسبة كبيرة
بالنسبة لمثبت السرعة فده موضوع انا خفت افتحه لاني مزنوق وفلوس الغربية لسه مخلصتهاش ههههههه فمش خافتح على نفسي فتحة دلوقتي