مواصفات a7 الموجودة عند سمير ريان.

[inspiron]

الي العضو المحترم انسبرين انا متابعك مواضيع سعادتك بشده لاني راي حضرتك بيعجبني و انا من عشاق الاسكودا و كان اولها a4 بعدها a5 و اخيرا فانتازيا و مازالت a4 معايا لاني معتز بيها بصراحه محتار ومحتاج راي حضرتك بخصوص موضوع الثبات في a7 لاني جرااااااااااااي مع ملاحظة ان a4 عفشة تروشن بيم مش مالتي لينك زي الفانتازيا بل بالعكس ساعات بحس ان a4 باركه في الارض عن الفانتازيا لاني ليا معاها مواقف عند محور سعد الدين الشازلي اخدت صخره وانا علي سرعه عاليه في نصف العربيه جابت كرتيرة الزيت فقط ولا عامت ولا اتهزت شعره بل دغدت الصخره وغيرتها في التويكل فانا محتار في موضع الثبات بتاع a7 هل ده حقيقي يعني اصبر و مغيرش الفانتازيا اسف للاطاله علي حضرتك

أهلا بحضرتك..والله شوف..مهما سمعت ومهما اتقال..ومهما كان التركيز في هز سمعة العربية دي ( في مصر فقط ) .. لا أعتقد.إن شركة محترمة بتنتج براند أوكتافيا وثابتة وجودها في الفئة دي ومحط أنظار منافسين كتير.هتغلط في إنها تنزل بجودة الثبات أو عوامل الأمان.من يومين كده كنت علي الدائري رايح التجمع مع صديق ليا بعربية سيفيك.وماشيين 140 عادي يعني.وقصادنا عربية أنا عرفت انها a7 من الفوانيس الخلفية.ماشية بنفس سرعتنا.في مطبات الهوا أنا شايفها قصاد عيني جسم العربية كله بينزل مع العجل.يعني مش بتتنطط.حضرتك متخيل قصدي ؟ طبعاً اللي سايقها مكنش بيعمل غرز والشغل ده.بس العربية فعلاً علي الطريق قصادي ثابتة جداً.نفسي أجربها بنفسي عشان أختبرها ونخلص من الشك ده بقا.

بس السعر مبالغ فيه جدا للكويتي أنا ساءل واحد هنالك قالي تعملها حوالي 140 الف مصري والجمارك حوالي 85 يبقي 225 ليه هو منزلها ب 265 !!!!!!!!!!
وأكيد ليه معارف في الجمارك ظبطين الدنيا

جشع تجار

[tango11]

شكرا علي اهتمام حضرتك في الرد و مستني تجربتك معاها علشان القول الفصل وربنا يسلم طريقك