Help Please

[ابو نورهان]

انا يا جماعة انا اشتريت اوكتافيا من المانيا و وصلت السبت اللي فات
لما جيت اغير الزيت في الورشة علشان مش معاية نمر انزل الحرفين او التوكيل
الراجل قال في مصفحة تحت و مكان الطبة مش باين ممكن تروح تشفت الزيت
ايه الحل
افك المصفحة و لا اشفط الزيت
ما فيش حل لموضوع المصفحة دا و لا كل مرة هاتتفك و لا ايه بالضبط؟
عذرا للاطالة و شكرا لاهتمام حضراتكم جميعا

[aw2100]

غير الزيت بالشفط افضل بدل مالعربية تتبهدل ومبروك على العربية الجديدة !!

[mostafa3000]

الافضل طبعا فك المصفحة والطبة
واي حد شغال في الاوكتافيا هيفكهالك في خمس دقائق

[ابو نورهان]

متشكر جدا يا باشا بس العربية موديل 2005 a5 الشكل الجديد
و اكيد في رايش في الكرتيرة
بس هو حضرتك جربت موضوع غيار الزيت بالشفط
و لا بتلاحظ تغير في صوت الموتور من الرايش اللي بيرسب في الكرتيرة
اسف للاسئلة الكتيرة دي

[طارق _عبد السلام]

الشفط مفيهوش مشكله اشفط الزيت عادى وغير الفلتر وكويس ان الراجل مشتغلش فيها لو غير الفلتر كان ممكن يخبط حاجه جواها

[mo3tazanas]

مبروك على العربية
جبتها بيكام؟

[saddam]

صديقي المواطن
أنا مرة برضو عانيت من المصفحة في عربية مرسيدس وبكل بساطة فكيتها وخدتها لبتاع الشكمانات وفتحلي فتحة تظامية على قدر طبة الزيت وبعدها رحت صنفرتها ورشيتها ورجعتها أحسن من الزيرو وبقت عملية جدا
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
ملحوظة جانبية حضرتك في ألمانيا العظيمة وسايب كل العربيات الإنفجارية وجايب سكودا ده أنا كنت زمان بجيب عربيات من ألمانيا تلاقيك لما طلبت سكودا إدوهالك وعليها عربية هدية صغيرة معاك حطوهالك في جيب الفكة أنا مش عارف مداخلات دخلتها إزاي جايز معوقين جايز مالك أول لكن قولا واحدا اللي يوصل ألمانيا مينفعش يجيب سكودا وربنا يوسع رزقك وتجيب أحسن منها

[Moratoz]

اكيد فك المصفحة أفضل لتغير الزيت علشان تتخلص من معظم الزيت القديم وطبعا يبقي عند حدد متخصص سكودا وفلوكس وزي ما الأخوة الأفاضل قالوا الموضوع مش بياخد 15 دقيقه بتغير الزيت .
بس لو مفيش حد قريب منك يعمل كدة خليك في الشفط وتغير الفلتر .

[mohamedbook]

فك المصفحة مش مشكلة واعتقد ان الافضل تنزل الزيت عن طريق الطبة وكمان عشان تشوف لو فية اي تسريب من تحت يكون افضل المتابعة
بس كلة بيستسهل ومبيرضاش يفكها
ممكن اعرف حضرتك تفاصيل ماجيبها ازاي عشان عايز اجيب عربية من هناك لان لي قريب في المانيا وعايز اجيب عربية استيراد من هناك كقطع غيار
لك جزيل الشكر وجزاك الله خيرا

[ابو نورهان]

اشكر حضراتكم جميعا علي مروركم الطيب و نصائحكم الغالية