توكيل سكودا المعفنين حتى ولاعة السجاير مرضيوش يغيروها على حساب الضمان!!

[شاهين - بنز]

سلام عليكم
مبدأيا أنا معايا فانتازيا 2013 عاملة 42 ألف كم
يعني العربية جابت طنابير وهي مكملتش 15 ألف كم وقولتولي عيب مستهلك وملناش فيه وقلنا ماشي
الفتيس فضل فترة يرزع في النقلات من نr ل d وهي لسه مكملتش 10 آلاف كم وقولتوليه مفيهوش حاجة وسليم وقلنا ماشي
والأوتوماتيك بتاع الإزاز جمب السائق على طول بيعلق وتدحكوا عليا وتقولولي مش موجود قطعة الغيارعندنا وقلنا ماشي
وتيل الفرامل إللي غيرته أنا بره التوكيل عند 27 ألف وأنا بعمل صيانة ال 30 ألف كنتوا عايزين تقرطسوني وتغيروا التيل تاني لولا إني رفضت وقلنا ماشي
لكن إن ولاعة السجاير تبوظ لوحدها من ساعات مكانت العربية عاملة 5 آلالف وأطلب إنكوا تغيروها على حساب الضمان تقولولي كمان عيب مستهلك لأ بجد كده كتير,لأ وإيه الصنايعي بتاعهم (توكيل القطامية) حشر ولاعة السجاير في السوكت وبعدين معرفش يطلعها وياريته سابها مكانها لأ ده كمان جرحلي السوكت بتاع الولاعة جامد
وده تقيمي ل الأربع توكيلات إللي جربتهم من ساعت ماجبت العربية
1- مركز الشرقاوي إللي عند السندباد : زفت وقلالاة الأدب كمان وبجحين
2- مركز الأقصى : سمكرلي خبطة في الرفرف زي الزفت وخد باكو على خبطة تافهة
3- مركز غمرة : هو صحيح قفل دلوقتي بس برضه زفت عربيتي كانت خلصانة ومعرفتش غير بعد أما خلصت 3 ساعات
4- مركز القطامية وده حدوته لوحده :
وأنا واقف إنهارده بغير زيت العربية (إللي خد 7 ساعات بالمناسبة) قدام باب الصيانة في توكيل القطامية كل إللي خارج وإللي داخل عمال يسب ويلعن في اليوم إللي جاب العربية دي بسبب توكيلها
منهم واحد كان جاي بيتخانق معاه فانتازيا عاملة 8 آلاف كم فبيحكيلي بعد الخناقة إن فتيسها كان بايظ قالوله بعد تعب قلب هاتها وحنغيرلك الفتيس
وتخيلوا عملوا إيه دحكوا عليه وغيرلوله الصواميل وحساس وقالوله غيرنالك الفتيس كامل وطبعا هو استلم العربية إسبوع وكان الفتيس رجع ينتش تاني ولقيته راجع إنهارده وماسك في خناقهم وبيسرقهم وبشد في شعره من العربية وتوكيلها
وحكاوي من ده كتييير طول منا واقف
بجد حرام عربية محترمة زي دي ياخدها توكيل زي ده
ونصيحة للي عايز يجيب سكودا هاتها خليجي أحسن لإ الضمان زي قلته ملوش أي لازمة
توكيل آرتوك شوية حرامية وعايزين يطلعوا مصلحة من أي حاجة وخلاص وسواء العميل رضي أو مرضيش ولاتفرق معاهم

[M I D O]

لما سكودا بجلالة قدرها توكيلها عامل كدة امال العربيات الاقل في السعر تعمل اية !!!
ظلمناك يا ابو الغبابير ( غبور ) وطلع في توكيلات ازبل من التوكيل بتاعك

[amgomaa]

مش التوكيلات بس اللى مش عايزه تشتغل و لو اشتغلت تعمل الحاجه من غير ضمير كل البلد بقت كده محدش عايز يعمل شغله بضمير وفيه اللى مش عايز بشتغل اساسا الا من رحم ربى بس ايه كل الحوارات اللى طلعت فى العربيه دى واخده عين عامة كله بسيط الا موضوع الفتيس ده

[A.Adel]

أُمال بيقولوا على توكيلها كويس ليه
فعلا اللي سمع غير اللي جرب


والله أنا من كلام ناس هنا -بدون ذكر اسماء يعني- عن ارتوك أوتو , حسسوني إنه مفيش زيه
البلد بقت كلها فتايين , بقت حاجة تقرف

[aw2100]

الحمد لله على نعمة العربيات المستعمله اقسم بالله لو شارى عربية 0 بكام ميه الف ويحصل معايا كده فى التوكيل كنت ضربتهم بالجزمة واللى يحصل يحصل المفروض كل اللى اشترى العربيات دى يتحدوا ويرفعوا قضية تعويض على التوكيل والشركة الام ويطالبوا بأسترجاع الأموال المدفوعة فى العربيات وردها للتوكيل ويلجئوا لحماية المستهلك وسلملى على القانون وحسبى الله ونعم الوكيل !!!!!!

[hugan]

طب فين الاعتماديه

[saddam]

صديقي المواطن
قولا واحدا الله يعينك
التوكيل سيء من زمان وأنا لا أذكر سكودا بسوء إحتراما لكم ولملاكها ولكن من تتبع مشاركاتي يعلم أني أعتبر سيارات سكودا منعدمة الوجود وسافرت دولا كثيرة ولم أجد أحد إحترمها إلا عندنا في مصر وكانت عنوانا للفشل حتى إنتشلتها فولكس واجن وبتحاول ترفع من شأنها بس لسه الطريق طويل وكمان في الخليج عندما تذكر كلمة سكودا
يكون مرافق لها
سكودا ساعة السودة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[شاهين - بنز]

M I D O لما سكودا بجلالة قدرها توكيلها عامل كدة امال العربيات الاقل في السعر تعمل اية !!!
ظلمناك يا ابو الغبابير ( غبور ) وطلع في توكيلات ازبل من التوكيل بتاعك

واضح إن دي طبيعة شعب أنا تقريبا مسمعتش عن توكيل في مصر بيشكروا فيه

amgomaa مش التوكيلات بس اللى مش عايزه تشتغل و لو اشتغلت تعمل الحاجه من غير ضمير كل البلد بقت كده محدش عايز يعمل شغله بضمير وفيه اللى مش عايز بشتغل اساسا الا من رحم ربى بس ايه كل الحوارات اللى طلعت فى العربيه دى واخده عين عامة كله بسيط الا موضوع الفتيس ده

هو حاليا النتشة راحت بس أتمنى إنها تبان تاني قبل مالضمان يخلص كمان كم شهر

A.Adel أُمال بيقولوا على توكيلها كويس ليه
فعلا اللي سمع غير اللي جرب


والله أنا من كلام ناس هنا -بدون ذكر اسماء يعني- عن ارتوك أوتو , حسسوني إنه مفيش زيه
البلد بقت كلها فتايين , بقت حاجة تقرف

أنا تقريبا عارف قصدك على مين :):):):):):)

aw2100 الحمد لله على نعمة العربيات المستعمله اقسم بالله لو شارى عربية 0 بكام ميه الف ويحصل معايا كده فى التوكيل كنت ضربتهم بالجزمة واللى يحصل يحصل المفروض كل اللى اشترى العربيات دى يتحدوا ويرفعوا قضية تعويض على التوكيل والشركة الام ويطالبوا بأسترجاع الأموال المدفوعة فى العربيات وردها للتوكيل ويلجئوا لحماية المستهلك وسلملى على القانون وحسبى الله ونعم الوكيل !!!!!!

والله كل التوكيلات عايزنلهم ثورة من أول وجديد

hugan طب فين الاعتماديه

هي حاليا الحمد لله مفيهاش غير الطنابير ودي أمرها سهل أنا بتكلم على معاملة التوكيل وجشعهم

saddam صديقي المواطن
قولا واحدا الله يعينك
التوكيل سيء من زمان وأنا لا أذكر سكودا بسوء إحتراما لكم ولملاكها ولكن من تتبع مشاركاتي يعلم أني أعتبر سيارات سكودا منعدمة الوجود وسافرت دولا كثيرة ولم أجد أحد إحترمها إلا عندنا في مصر وكانت عنوانا للفشل حتى إنتشلتها فولكس واجن وبتحاول ترفع من شأنها بس لسه الطريق طويل وكمان في الخليج عندما تذكر كلمة سكودا
يكون مرافق لها
سكودا ساعة السودة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

نورتنا ياأستاذ صدام بمشاركتك :)
هي العربية من ناحية الاعتمادية لابأس بها ، ال a5 من ٢٠٠٥ في السوق وسمعتها جيدة لكن توكيل سيء

[شاهين - بنز]

كانوا عايزين يلبسوني إنهارده في حاجات ملهاش لازمة وكانت التكلفة الإجمالية ١٣٠٠ جنيه
لكن أنا لغيت الكلام ده كله وقلتلهم إللي يتغير الزيت وفلتره بس ونزلت التكلفة ل ٦٥٠ جنيه

[Anxs111]

أنا مصدوم ، امال ازاي العربية دي هي الحصان الأسود في السوق ...

[A.Adel]

أنا مصدوم ، امال ازاي العربية دي هي الحصان الأسود في السوق ...

يا باشا عادي , ما hyundai مغرقة الدنيا
وغبور مش من التوكيلات المحترمة يعني

[zaza2020]

حضرتك فكرتنى بنفس الموضوع بتاعى تقريبا

توكي زبالة

http://www.nilemotors.net/Nile/380399-2012-18000-a.html

[شاهين - بنز]

حضرتك فكرتنى بنفس الموضوع بتاعى تقريبا

توكي زبالة

http://www.nilemotors.net/Nile/380399-2012-18000-a.html

حسبي الله ونعم الوكيل ربنا ياخدهم البعدا
برضو الراجل بتاع الفتيس إللي كان بيتخانق معاهم ( إللي حكيت عنه فوق) كان من ضمن كلامه إن عربيته يدوب عاملة ٨ آلاف ومحتاجة طنابير أمامي وتيل أمامي وخلفي والتوكيل مش عايز يشيل أي حاجة وركز هو على حتة التيل الخلفي دي وقعد يزعق ويقول إزاي عربية ماشية ٨ آلاف كم محتاجة تيل خلفي
توكيل سافل ووسخ

[شاهين - بنز]

يا باشا عادي , ما hyundai مغرقة الدنيا
وغبور مش من التوكيلات المحترمة يعني

الله ينور عليك ياأستاذ عادل
فعلا العربية المحترمة ممكن تثبت وجودها في السوق حتى لو توكيلها سيئ

[Ahmed TRAVCO]

الموضوع مش محتاج ان الناس تستغرب اوي كدة وكأنهم اتفاجئوا من سوء الوكيل!! يعني لو الأستاذ شاهين-بنز كان معاه عربية تانية غير سكودا كان ايه ممكن يبقى الفرق مثلا في المعاملة؟ شخصيا اعتقد لا فرق بينهم كلهم شوية حرامية ونصابين واهم حاجة عندهم يعملوا اي سبوبة من العميل الغلبان اللي ممكن يبقى دافع اللي وراه واللي قدامه ومستلف وواخد قرض علشان يركب عربية ترحمه واهل بيته من قلة الأدب والقرف اللي في المواصلات... وكأنهم مش مكفيهم السرقة العلني في تمن عربياتهم بحجة الجمارك مرة وبحجة الدورلار مرات ويخلونا ندفع في عربياتهم 3 اضعاف قيمتها الحقيقية لما خلاص بقينا نحط 200 ألف عادي جدا في عربيات لا تستحق 70 ألف بالكتير... الوضع لن يتغير إلا اذا اصبح عندنا كلنا ضمير في شغلنا وجدية في اللي بنقوله... وعلشان نسترجع الضمير المفقود ده لازم اللي بيشتغل ياخد حقه وعرقه ويحس بالأمان في شغله علشان يبقى عند انتماء واخلاص ومن ثم انتاج جيد، وانا شخصيا هعتبر نفسي متفائل لو قلت اننا قدامنا حوالي 50 سنة مثلا عقبال ما ده يحصل... إذا حصل أساسا...!!