العربية بتنتش لما اشيل رجلي من الدبرياج

[Xpatshix]

السلام عليكم :)

انا معايا سكودا A4 و عندي مشكلة بقالها فترة مش لاقيلها حل و مش مقتنع براي الميكانيكي
انا عندي العربية مانيوال .. و انا علي الغيار الاولاني يادوب لما اشيل رجلي من علي الدبرياج العربية تنطر مني و تنتش و نفس الموضوع علي التاني و احيانا علي التالت .. غير كدة لما اسيب رجلي من علي الدبرياج الاقيها مع التنتيشة دي بتقطع و فيه صوت ونة كدة بيروح و بيجي .. مع العلم اني لما افضل حاطط رجلي علي الدبرياج مفيش ولا اي اعراض من اللي قلتها دي بتحصل خالص ..
الميكانيكي قالي ان دي بتكون خنقة في العربية بسبب بوابة الانجكشن

فية نقطة تانية .. لقيت علي الشاشة طلعلي مسج alternator workshop لمدة ٣ ثواني و اختفت تاني انا مش فاهم دي عبارة عن ايه .. انا اسف علي التطويل و اتمني المساعدة ..
شكرا

[amz2011]

متابع

[J A G U A R]

متابع

[amrelsaqqa]

alternator يعنى الدينامو ، ممكن يكون عندك مشكلة في الكهربا في الدينامو او البطارية و عاملة كل المشاكل دي

العربية مثلا لما تبقى البطارية بايظة وتيجى تدي النور العالى تلاقيها بتنتش ، معرفش دى حاجة ليها علاقة بالمشكلة اللى عندك ولا لا بس فعلا ممكن مشكلة كهربة تعمل التنتيش ده في العربية نتيجة ان الكهربة اللى رايحة للموبينات مش كافية او متقطعة والله اعلم

[besso]

ايوه شوف الدينامو فيه ايه لان ممكن عيب كهرباء يلخبط العربيه كلها او لو البطاريه بايظه تلاقى العربيه مسجله اعطال فى كل حته وكلها مشاكل

[Xpatshix]

alternator يعنى الدينامو ، ممكن يكون عندك مشكلة في الكهربا في الدينامو او البطارية و عاملة كل المشاكل دي

العربية مثلا لما تبقى البطارية بايظة وتيجى تدي النور العالى تلاقيها بتنتش ، معرفش دى حاجة ليها علاقة بالمشكلة اللى عندك ولا لا بس فعلا ممكن مشكلة كهربة تعمل التنتيش ده في العربية نتيجة ان الكهربة اللى رايحة للموبينات مش كافية او متقطعة والله اعلم

طيب انا اقدر امتي اعرف ان البطارية فيها مشكلة .. هل بروح اكشف عليها مثلا ؟
مع العلم ان المشكلة دي بتحصلي و انا ماشي الصبح حتي من غير اي نور حتي نور التابلوة بيكون مقفول و الكاسيت .

متشكر لرد حضرتك :)

[Xpatshix]

ايوه شوف الدينامو فيه ايه لان ممكن عيب كهرباء يلخبط العربيه كلها او لو البطاريه بايظه تلاقى العربيه مسجله اعطال فى كل حته وكلها مشاكل

طيب بالنسبة للاعطال انا حطيت العربية علي الكومبيتر و مكنش فيها غير عطل واحد بس اللي هوا
Thermostat open circuit و غيرت الترموستات و بقي مفيش اي عطل
اعمل check علي الدينامو ازاي ؟

شكرا لرد حضرتك .

[Amr_Azab]

اي كهربائي ممكن يقيسلك شحن الدينامو ويشوفوا بيشحن كويس ولا لآ
والموضوع ده غالبا حاجة من اتنين
يا مشكلة في الكهرباء فعلا زي الآعضاء ما قاله ( كهربة الموتور )
يا مشكلة في دورة البنزين ( شوية شوائب - انسداد في احد الرشاشات - فلتر بنزين - ...)
وده اللي بيخليها تنتش منك وطبعا احنا استبعدنا مشاكل الدبرياش لانك مذكرتش ان في عض او صعوبة في الغيارات

[omaranes77]

ممكن الموبينة فيها حاجة البوجيهات ممكن و بردو زي ما الاعضاء قالو الدينامو

[Xpatshix]

اي كهربائي ممكن يقيسلك شحن الدينامو ويشوفوا بيشحن كويس ولا لآ
والموضوع ده غالبا حاجة من اتنين
يا مشكلة في الكهرباء فعلا زي الآعضاء ما قاله ( كهربة الموتور )
يا مشكلة في دورة البنزين ( شوية شوائب - انسداد في احد الرشاشات - فلتر بنزين - ...)
وده اللي بيخليها تنتش منك وطبعا احنا استبعدنا مشاكل الدبرياش لانك مذكرتش ان في عض او صعوبة في الغيارات

تمام انا هشوف كهربائي يكشفلي علي الدينامو ده ,,
انا عندي مشكلة فعلا في الغيارات بتعض علي الاول و التاني و فيه صعوبة في الغيار الاول و المارشيدير بس .. ده غير ان فيه صوت ونة كده لما بشيل رجلي من علي الدبرياج و ادوس بنزين و اسيب رجلي من علي البنزين العربية بتنتش و بسمع بقي صوت الونة دي

[omaranes77]

تمام انا هشوف كهربائي يكشفلي علي الدينامو ده ,,
انا عندي مشكلة فعلا في الغيارات بتعض علي الاول و التاني و فيه صعوبة في الغيار الاول و المارشيدير بس .. ده غير ان فيه صوت ونة كده لما بشيل رجلي من علي الدبرياج و ادوس بنزين و اسيب رجلي من علي البنزين العربية بتنتش و بسمع بقي صوت الونة دي

طقم دبرياج طالما فيها عضة

[Xpatshix]

ممكن الموبينة فيها حاجة البوجيهات ممكن و بردو زي ما الاعضاء قالو الدينامو

تمام يا عمر باشا انا هشوف كل الاحتمالات و احط احتمال الموبينة ده لو لاقدر الله موصلتش لحل و اكيد هقول الجديد لو وصلت لحل .

[omaranes77]

تمام يا عمر باشا انا هشوف كل الاحتمالات و احط احتمال الموبينة ده لو لاقدر الله موصلتش لحل و اكيد هقول الجديد لو وصلت لحل .

تمام يا باشا بص لو فيه عضة ممكن يبقي طقم دبرياج

[Xpatshix]

تمام يا باشا بص لو فيه عضة ممكن يبقي طقم دبرياج

بس انا مغير ديسك و اسطوانة و بلية من حوالي 6 شهور :d

[Amr_Azab]

طالما في عضة عندك في اي غيار تاني غير الاول (لان عضة الغيار الآول دي في معظم الآلماني)
يبقي خلي ميكانيكي يكشف علي الديربوكس والزيت بتاعه