مرور عين الصيره!

[madridy1001]

سلام عليكم لو سمحتم عايز اعرف مرور عين الصيره اروحلها ازاي من مدينه العبور؟...ولو في حد بيرخص عربيته هناك..يعرفني الناس هناك كويسين ولا لا ؟...وشكرا لكم مقدما

[Angel_wolf]

هتخرج من العبور عادى وتاخد صلاح سالم انجاه اللى نازل للسيدة عائشة والقلعة هتفضل طوالى وافضل ماسك شمالك علشان متطلعش كوبرى اكتوبر بالغلط

لحد ماتلاقى القلعة على يمنيك وكوبرى السيدة عائشة قدامك اطلعة عادى وافضل مكمل مع الطريق هتلاقى اشارة عاديها وكمل الطريق هتلاقية بياخدك يمين كمل بعد لما تكسر يمين اقل من 500 متر هتلاقى المرور على يمينك و باركنك بتاع جنينة على شمالك
حمد لله على السلامة

بما انى برخص هناك الناس الموظفين مرتشين و الورق لازم يمشى بالفلوس خلى معاك عشرات كتير وروح بدرى علشان بتاع الخزنة ممكن يقلك قفلنا وانت لسة الساعة 10 الصبح

ودة لازم تزيتة وتسبلة حاجة طقم المرتشين الاعظم اللى موجودين فى الشبابيك القزاز بيتبعوا نظرية شخلل علشان تعدى

دول بياخدوا 10 جنية كل واحد الملف يقف عندة وممكن 5 كمان انت وظروفك

المهم اوعى اوعى اوعى تتعامل مع العيال اللى برة اللى هتقلك نخلصلك احنا الورق العيال دى نصابين كلهم و هيقلبوك فى مبلغ كبير وحاول تروح بدرى وميكنش يوم سبت

لو احتجت اى حاجة كلمنى

[Ahmed_Rahem]

هتخرج من العبور عادى وتاخد صلاح سالم انجاه اللى نازل للسيدة عائشة والقلعة هتفضل طوالى وافضل ماسك شمالك علشان متطلعش كوبرى اكتوبر بالغلط

لحد ماتلاقى القلعة على يمنيك وكوبرى السيدة عائشة قدامك اطلعة عادى وافضل مكمل مع الطريق هتلاقى اشارة عاديها وكمل الطريق هتلاقية بياخدك يمين كمل بعد لما تكسر يمين اقل من 500 متر هتلاقى المرور على يمينك و باركنك بتاع جنينة على شمالك
حمد لله على السلامة

بما انى برخص هناك الناس الموظفين مرتشين و الورق لازم يمشى بالفلوس خلى معاك عشرات كتير وروح بدرى علشان بتاع الخزنة ممكن يقلك قفلنا وانت لسة الساعة 10 الصبح

ودة لازم تزيتة وتسبلة حاجة طقم المرتشين الاعظم اللى موجودين فى الشبابيك القزاز بيتبعوا نظرية شخلل علشان تعدى

دول بياخدوا 10 جنية كل واحد الملف يقف عندة وممكن 5 كمان انت وظروفك

المهم اوعى اوعى اوعى تتعامل مع العيال اللى برة اللى هتقلك نخلصلك احنا الورق العيال دى نصابين كلهم و هيقلبوك فى مبلغ كبير وحاول تروح بدرى وميكنش يوم سبت

لو احتجت اى حاجة كلمنى

وصفة الطريق صح، انما التعامل مع الشبابيك مش كلة كدة ، انا برخص هناك من اول 1995 ووالدى هو الى دايماً بيدفع انما انا والحمد الله مبدفعش حاجة خالص غير لاتنين - مهندس الفحص علشان يشوف العربية وبتاع النمر. فية صول لابس كاكى دة اكتر واحد بيبقى عايز ياخد فلوس، انما غير كدة مفيش. افضل موظف شباك بيكون لابس جاكت بنص كم (بتاع الرحلات) ودة افضل موظف فيهم على الاطلاق ومبتعاملش غير معاة بيجيب من الاخر ويقولك هتعمل اية وتروح فين وصبور.

لو هترخص العربية، الاول تروح بدرى الساعة 8 الصبح، ومتكلمش مع حد برة الشبابيك خالص. تخلص التامين وتشترى ملف (كشك التصوير الى جوة الوحدة جنب بتوع التامين) وورق الخدمة الى انت عايزها، وتروح على الشباك يحسبلك الضريبة وتدفعها وتروح على الارشيف يبعتوا الملف على موظف الشباك، وتعمل استعلام امنى من المباحث (في نفس صف النيابة) وبعدين ترجع تقعد تستنى النيابة، بتفتح الساعة 9 الصبح، خلال نص ساعة او ساعة بالكتير (لو عليك مخالفات) هتاخد ورق النيابة، ترجع على موظف الشباك بكل الورق دة، هيراجع الملف ويقولك استى الرخصة، بتستلمها من شباك جنب الخزنة. وخلص الموضوع. تروح على الساعة 11 او 12 بالكتير. اخر رخصة مطلعها في يوليو 2013.
قول انت عايز تروح تعمل اية واحاول اقولك تعمل اية واية الى بيأخر الوقت.
والسلام ختام

[Angel_wolf]

وصفة الطريق صح، انما التعامل مع الشبابيك مش كلة كدة ، انا برخص هناك من اول 1995 ووالدى هو الى دايماً بيدفع انما انا والحمد الله مبدفعش حاجة خالص غير لاتنين - مهندس الفحص علشان يشوف العربية وبتاع النمر. فية صول لابس كاكى دة اكتر واحد بيبقى عايز ياخد فلوس، انما غير كدة مفيش. افضل موظف شباك بيكون لابس جاكت بنص كم (بتاع الرحلات) ودة افضل موظف فيهم على الاطلاق ومبتعاملش غير معاة بيجيب من الاخر ويقولك هتعمل اية وتروح فين وصبور.

لو هترخص العربية، الاول تروح بدرى الساعة 8 الصبح، ومتكلمش مع حد برة الشبابيك خالص. تخلص التامين وتشترى ملف (كشك التصوير الى جوة الوحدة جنب بتوع التامين) وورق الخدمة الى انت عايزها، وتروح على الشباك يحسبلك الضريبة وتدفعها وتروح على الارشيف يبعتوا الملف على موظف الشباك، وتعمل استعلام امنى من المباحث (في نفس صف النيابة) وبعدين ترجع تقعد تستنى النيابة، بتفتح الساعة 9 الصبح، خلال نص ساعة او ساعة بالكتير (لو عليك مخالفات) هتاخد ورق النيابة، ترجع على موظف الشباك بكل الورق دة، هيراجع الملف ويقولك استى الرخصة، بتستلمها من شباك جنب الخزنة. وخلص الموضوع. تروح على الساعة 11 او 12 بالكتير. اخر رخصة مطلعها في يوليو 2013.
قول انت عايز تروح تعمل اية واحاول اقولك تعمل اية واية الى بيأخر الوقت.
والسلام ختام

لو قصدك على الراجل الملتحى اللى هناك دة راجل محترم جدا جدا واخر مرة مكنش معاهم فى الشبابيك كان قاعد فى غرفة على ايدك الشمال وراجل اخلاق وزوق و محترم بجد

[SAMEH_FOUAD]

انا لسة مرخص يوم السبت اللى فات فى مرور عين الصيرة

وعادى انت ومزاجك , عايز تخلص بدرى بدرى , حطلها 10 جنية فى ورقك , وانت هتلاقى كل حاجة بتتعمل لوحدها , محطتش العشرة جنية استنى واقف وخلص ورقك عادى جدااا, مش هتلاقى حد بيقولك هات حاجة

بس فية 10 جنية لازم تدفعهم ( هية للواد بتاع الارشيف هتديلة 5 جنية - والراجل بتاع الفحص هتديلة خمسة جنية

والمهندس اللى بيشوف العربية مخدش منى حاجة خالص بص على العربية من بعيد كدة لاقى الدنيا تمام راح خاتم وشكرا

[madridy1001]

متشكر ليكم يا جماعه بس انا هرخص للعربيه أول مره لان انا مطلعها من الجمرك ...فهل هتبقي نفس الاجراءات ولا الدنيا هتختلف"؟

[Ahmed_Rahem]

متشكر ليكم يا جماعه بس انا هرخص للعربيه أول مره لان انا مطلعها من الجمرك ...فهل هتبقي نفس الاجراءات ولا الدنيا هتختلف"؟

هيبقى معاك ورق الافراج الجمركى وهتكشف فحص فنى وطبعاً رفع بصمة موتور وشاسية (اديلة 5 او 10 جنية) وهتفتح ملف - نفس الخطوات الى فاتت. وممكن طبعاً تسأل في الشباك بتاع المرور (بتاع المرور فقط)

وربنا يوفقك

[madridy1001]

الف شكر يا باشا.