مشكلة فى السنتر بتاع الاسكودا a4 2004

[tiger]

السلام عليكم اعضاء المنتدى الكرام

انا الحمد لله ربنا كرمنى ورزقنى بعربية اسكودا a4 2004

لاحظت ان السنتر بتاع الباب الخلفى يمين لما السنتر بيقفل وانا ماشى او انا افلتة من المفتاح الى فى

الباب بتاع السواق بيروح قافل وفاتح تانى لوحدة وبقية العربية بتفل مش عارف دة عيب اية

فارجو من اعضاء المنتدى الكرام افاداتى بخصوص هذا الموضوع لعدم خبرتى فى هذة السيارة

وجزاكم الله عنا خير اخوكم فى الله محمد

[hamisa08]

المكنة بتاعتة دخل فيها تراب و عايزة تتنضف ومبروك عليك يا باشا

[tiger]

الله يبارك فيك يا ريس بس ممكن التراب يعمل كدة

بيتهيالى مش سهل انو شوية تراب يخلى السنتر بتاع الباب يفقل ويفتح تانى مع العلم انى لما بقفل بالمفتاح بيقفل عادى

[mo3tazanas]

غير الكالون بواحد استيراد هيعمل 200ج

[tiger20102010]

شكرا على الرددود يا جماعة والله

يعنى المشكلة فى الكالون وهل لما اغيرة هيحتاج تكويد ولا ممكن اجيبة واركبة من غير تكويد

[mo3tazanas]

لا بيركب فى 5 دقايق وشكرا على كدة وممكن تتاكد ان هو فى مشكلة بالكشف بالكمبوتر وهيبين ان هو فى مشكلة والـلا وفى حالة تغيرة ما بيحتجش يتكود ولا اى حاجة

[tiger20102010]

شكرا يا باشا على الاهتمام بالرد انت بجد زوق جدا ومحترم وشكرا تانى يا رياسة

[mo3tazanas]

شكرا يا باشا على الاهتمام بالرد انت بجد زوق جدا ومحترم وشكرا تانى يا رياسة

دة واجب احنا هنا اخوات كلنا بنحاول نساعد بعض

[Honda_lover]

غير الكالون بواحد استيراد هيعمل 200ج

+1111111111

[tiger20102010]

الحمد لله يا جماعة انا صلحت الكالون بصراحة انا بحب موضوع الصيانة جدا وقلت قبل اما اروح لاى حد واسال على الكالون واشترية قلت احاول وفعلا فكيت الكالون ستين حتة ولقيت جوا الميكانزم الكهربا الى فية سويتش صغير مش فى مكانة المهم عملتلة تعديل بسيط وقلت اجرب فشتغل معايا 100100 وقفلت الكالون ومشيت بية يومين وليتة علق تانى ورجع اشتغل تانى فعرفت ان التعديل الى عملتة نفع بس عاوز تثبيت كويس لان اى مادة لحام من الداخل مش هتمسك علشان الشحم الى على التروس واول ماوصل لتعديل نهائى هبلغكم به واسف على الاطالة وشكرا لكل واحد قام بالرد على الموضوع واى استفصار انا تحت امركم اخوكم فى الله محمد ماهر