تسعير اوكتافيا a4 من اهل الخبره

[walidadel81]

السلام عليكم
بعد اذن وحشوش الاسكودا
واحد صاحبي معاه اوكتافيا 2003 اتوماتيك الصالون بتاعها كويس جدااا مشاء الله والعربيه سليمه بس للاسف مش عارف اذا كانت رشه بره ولا لاء هي عامله عداد 107 الف
العربيه التكيف والكاوتش والحاله الخارجيه كويسه الجنط العادي مش الاسبور
هو مركب فيها حاسس بركنج
العربيه دي تعمل كام
ولو عايز اكشف عليها اكشف عليها فين؟
انا معاي لانسر 2007 اتوماتيك هاف اسبور ياترا انزل منها واركب الاوكتافيا2003 ولا خليني باللانسر وخلاص

[mohamedbook]

خليك في اللانسر ومتفتحش علي نفسك فاتحة
عشان انت مش فاهم في العربية دي والي مش بيفهم فيها بيصرف مصاريف العبط فيها

[kokowasfy]

الواحد بيطلع لفوق مش بينزل يعنى لو هتنزل من لانسر و عاوز المانى اركب اوكتافية 2008 هتحس بفرق

[ahmedteam]

مش هتحس انك عليت و لا حاجه خصوصا لو كانت عربيه ملعوب فيها

بلاش منها احسن و حاول تدور على حاجه موديل بدايه من 2008

[mahmoudysf]

عايز تعرف انت هتتنقل لاعلى ولا لا
اركبها وجربها وانت هتعرف كنت راكب ايه ودلوقتي راكب ايه
مع احترامات بعض المشاركات السابقة
بس اهم حاجة الحالة ثم الحالة

[omaranes77]

عايز تعرف انت هتتنقل لاعلى ولا لا
اركبها وجربها وانت هتعرف كنت راكب ايه ودلوقتي راكب ايه
مع احترامات بعض المشاركات السابقة
بس اهم حاجة الحالة ثم الحالة

+1111111111111111

[mo3tazanas]

خليك في اللانسر ومتفتحش علي نفسك فاتحة
عشان انت مش فاهم في العربية دي والي مش بيفهم فيها بيصرف مصاريف العبط فيها

+1111111111

[walidadel81]

هي العربيه مش ملعوب بيها وتقريبا سليمه بس القصه ان اللانسر اتخبطت مني في الشنطه وعملتها وشبه اني اديقت من ركوب العربيه تاني مع انها لسه ماكملت ال 100 الف كيلو وتقريبا ماصرفت عليها شي من يوم ماجبتها غير سيور وفلاتر فقط لاغير يعني اصرف نظر عن العربيه دي ؟

[omaranes77]

باشأ هاجيبلك من الاخر اركب العربية من اي حد وشوف وانا هاجيبلك من الاخر ثبات ...اكتافيا
عزل ....اوكتافيا
تسارع من 0-100....لانسر بس بعد 100 ولا لانسر ولا اي حاجة
تكييف ....اكتافيا بس اول ماتشغلة شوية كدة هاتلاقي العربية تلج
قطع الغيار غالية بس مش اوي يعني واي سؤال تحت امرك

[Moratoz]

الأوكتافيا بشكل عام من وجه نظري أفضل وخاصة أنه لا فروق بين موديل 2003 حتي 2009 حتي الجميع نفس الشكل والكماليات والفيصل هو الحالة الجيدة للسيارة

[walidadel81]

معلش ياجماعه انا شايف الناس بتقول قطع الغيار غاليه ايه الغالي يعني انا عرفت ان الفتيس بتاع a4 الاتوماتيك بحدود 4000 الي 4500 يعني تقريبا نفس سعر الانسر الماتور بتاعها شوفت ناس كاتبه انه بحدود 4000 الي 5000 يعني نفس قصه الانسر سيور الكاتينه والمجموعه نفس الانسر الفلتر الانسر اغلي ايه طيب الغالي بقطع الغيار وليه الناس بتقول ان الاكتافيا وجع دماغ معلش اني بطول عليكو بالاسئله بس انتم اكتر ناس تقدرو تفدوني بالقصه دي

[Survival]

اللانسر لو 1600 افضل بالاخص لو مش بتسافر
الاوكتافيا اكثر فخامة و ثبات ممتاز بس عفشة ناشفة صالون مش كبير بس شنطة وهمية

[walidadel81]

هي الانسر اعتماديه جدااا سواء بالسفر او جو البلد وده من خلال تجربتي ليها حوالي سنتين وبالفعل الانسر ماينفع تتركب غير 1600 بس للاسف ماجربت الاكتافيا وخايف من التجربه

[walidadel81]

بعدين محدش رد علي للاسف وقالي العربيه دي تعمل كام ؟؟؟

[elgohary10]

اخى العزيز
شوف ياسيدى ال a4 عربيه مالهاش حل وعمرك ماحتندم انك اشترتها طالما حالتها كويسه لكن انا اتفق مع الاخوه اللى قاللوك ماتنزلش لتحت وابحث عن حاجه موديل 2007 او 2008 واكشف عليها كويس فى التوكيل وربنا يبارك لك
اما بخصوص 2003 المذكوره فهى تساوىحوالى 70 الف جنيه والله الموفق