طلب تسعير أوكتافيا a5 2006

[tidfos]

السلام عليكم سكودا تيم أنا عايز أبيع عربيتي و كنت عايز أعرف هي ممكن تجبلي كام؟

العربية فابريكة A5 2006 و عاملة 163000 كيلو مركبلها جنوط سبور و KENWOOD ساوند سيستم (usb W aux) و 3 سماعات JBL و لسة مغيرلها طقم مساعدين و عاملها الصيانة من 3000 كيلو.

المشكلة انها محتاجة تغيير valve body للفتيس و شكرا لمساعدتكم و تحياتي لسكودا تيم.

[omar-saad]

بلاش العربية دى
البودى فالف دة عيب فيها كدة
ولو الفتيس اتفك عمره ماهيرجع تانى زى الاول
شوف حالة تانية احسن

[mo3tazanas]

بالكتير 85 الف

[alawizo]

تخلص على 85000 جم

لأن ال valve body ب 15000 في التوكيل

يعنى تقف عليك ب 100.000جم

[طارق _عبد السلام]

اعمل الفالف الاول علشان تمسك فيها سعر ومتسمعش تحطيم من اللى هيشترى

[tidfos]

أنا نزلت التوكيل علشان أعمل الفالف بادي فألي أنها محتاجة خرائط و تغيير كرتيرة الفتيس بس المشكلة مكنش فيه خرائط في التوكيل .فهستني عملولي أوردر هيجي كمان 10 أيام بس الموضوع كدة هيكلف 18900 . بس المعاملة في التوكيل تكره الواحد في العربية و بعدين لئيت ناس معاهم فانتازيا 2013 عاملة 20,000 كم و يؤلهم جايبة فالف بادي مش عارف اه الهزار ده , أنا عربيتي جايبة فالف بادي من 70,000 كم بس بعرف أسايسها , أنا كنت بفكر أبيعها عشان زهئت من العربية عشان مبعرفش أءرس عليها بس انشاء الله بعد مغير الفالف هطلع عينها و أنا اسف لو كنت طولت عليكم.

[طارق _عبد السلام]

فيه ناس كتير بره التوكيل محترمه ولهم خبره ممكن يظبطوا لك العربيه وانتظر الاخوه من القاهره يدلوك وهيبقى ارخص من كده كتيييير
يافندم توكيل ايه دول كبيرهم يشتغلوا عجلاتيه مش فى عربيات ناس

وبعدين لو عربيه 2013 عملت فالف هيبقى على قلب التوكيل لانها هتكون فى ضمانها

[tidfos]

أنا بروح للبشمهندس خالد راجل محترم جدا و فاهم في شغله هو ألي روح أعملو في التوكيل علشان هيدوك ضمان سنتين بس أنا أبلت ناس في التوكيا كانوا في الضمان ألولهم الضمان لا يشمل سوء الاستعمال , هما بصراحة بيهزرواا..

[omaranes77]

اعمل الفالف بدي الاول وبيع وانشاء اللة تظبط بس معلش سبب ان valve body يبوز كان اية ولو عايز تصلحوا برة التوكيل المهندس خالد من الاخر برنس بس انا كنت بقلب في face book لقيت المركز الهندسي بيغير الفتيس بضمان 100.000 كيلو لو عايز اللينك اجيبهولك وحضرتك تعامل معاهم

[tidfos]

بس حضرتك هو الناس كلها بتقول انه عدم تغيير زيت الفتيس عند 60,000 كم ده سبب و الكلام ده مظبوط 100% و أنا غيرت زيت الفتيس علي 70,000 كم بس العربية بدأت تنتش علي 90,000 كم , أنا كنت ممكن ألحق الموضوع في الأول و ده بيكون عن طريق تغيير زيت الفتيس و وتنظيف الرايش اللي بيسبب النتش أو لما رحت لأحمد زاهر ألي هيغيرلي النقلات اللي بايزة في الفالف بادي اللي هما غالبا بيكونوا النقلة ال3 و 4 و r بس اللي الموضوع هيكلف 9000 جنية , ناس كتير شكرت فيه علي المنتدي بس أنا مكنتش مقتنع خالص و شايف انه غالي , بعديها رحت لبشمهندس خالد بعد ما العربية عملت 115,000 كم و كانت سعتها ظروفي مش سمحالي اني أضيع وقت و العربية بتتصلح خالص و نصحني بشمهندس خالد ألي لو تعرف تسايس النقلات أمشي بيها كدة بس هيجي الوقت و لازم تغيره (مسايسة النقلات بيكون عن طريق انك بتسوق علي التربيونك و تعامل العربية كأنها مانوال بمعني أنك تنقل النقلة و تشيل رجلك من علي البنزين لغايت متحس ان النقلة اتنقلت بعد كده تدوس بنزين عادي).و طبعا الموضوع في الأول كان بنسبالي و لا كأن فيه حاجة في العربية بس مع الكيك داون الكثير و الشد بالعربية بدل م أنا كنت بستني كسر ثانية علشان أنقل بقيت أستني ثانية و ثانيتين و الكلام ده العربية كانت عاملة 150,000 كم , مشيت بيها كده و بطلت أشد بالعربية خالص لحد ما رحت لبشمهندس خالد و كانت عاملة 160,000 كم و نصحني اني أعمله في التوكيل و أنا انشاء الله كمان 10 أيام هعمله بس أنا من خبرتي مع العربية أنا شايف أن الشد و الكيك داون كتير من العوامل اللي بتساعد ان الفالف بادي يبوز أنا اسف يا بشمهندس عمر لو كنت طولت عليك بس أنا قولت علشان اللي يقرا الموضوع يستفيد و يا ريت لو حضرتك تديني اللينك أخد فكرة بس.

[Moratoz]

ممكن ترجع للمهندس هاني في جسر السويس ويشوف لك الموضوع استيراد لو ناوي تبيع

[omaranes77]

بس حضرتك هو الناس كلها بتقول انه عدم تغيير زيت الفتيس عند 60,000 كم ده سبب و الكلام ده مظبوط 100% و أنا غيرت زيت الفتيس علي 70,000 كم بس العربية بدأت تنتش علي 90,000 كم , أنا كنت ممكن ألحق الموضوع في الأول و ده بيكون عن طريق تغيير زيت الفتيس و وتنظيف الرايش اللي بيسبب النتش أو لما رحت لأحمد زاهر ألي هيغيرلي النقلات اللي بايزة في الفالف بادي اللي هما غالبا بيكونوا النقلة ال3 و 4 و r بس اللي الموضوع هيكلف 9000 جنية , ناس كتير شكرت فيه علي المنتدي بس أنا مكنتش مقتنع خالص و شايف انه غالي , بعديها رحت لبشمهندس خالد بعد ما العربية عملت 115,000 كم و كانت سعتها ظروفي مش سمحالي اني أضيع وقت و العربية بتتصلح خالص و نصحني بشمهندس خالد ألي لو تعرف تسايس النقلات أمشي بيها كدة بس هيجي الوقت و لازم تغيره (مسايسة النقلات بيكون عن طريق انك بتسوق علي التربيونك و تعامل العربية كأنها مانوال بمعني أنك تنقل النقلة و تشيل رجلك من علي البنزين لغايت متحس ان النقلة اتنقلت بعد كده تدوس بنزين عادي).و طبعا الموضوع في الأول كان بنسبالي و لا كأن فيه حاجة في العربية بس مع الكيك داون الكثير و الشد بالعربية بدل م أنا كنت بستني كسر ثانية علشان أنقل بقيت أستني ثانية و ثانيتين و الكلام ده العربية كانت عاملة 150,000 كم , مشيت بيها كده و بطلت أشد بالعربية خالص لحد ما رحت لبشمهندس خالد و كانت عاملة 160,000 كم و نصحني اني أعمله في التوكيل و أنا انشاء الله كمان 10 أيام هعمله بس أنا من خبرتي مع العربية أنا شايف أن الشد و الكيك داون كتير من العوامل اللي بتساعد ان الفالف بادي يبوز أنا اسف يا بشمهندس عمر لو كنت طولت عليك بس أنا قولت علشان اللي يقرا الموضوع يستفيد و يا ريت لو حضرتك تديني اللينك أخد فكرة بس.

لا يا باشا عادي حاضر هاجبلك الينك حاضر ثواني

[omaranes77]

اهو يا باشا

https://www.facebook.com/pages/%D8%A7%D9%84%D9%85%D8%B1%D9%83%D8%B2-%D8%A7%D9%84%D9%87%D9%86%D8%AF%D8%B3%D9%8A-%D9%84%D8%B5%D9%8A%D8%A7%D9%86%D8%A9-%D8%A7%D9%84%D8%B3%D9%8A%D8%A7%D8%B1%D8%A7%D8%AA/512485905464132?ref=hl

[tidfos]

شكرا يا بشمهندس عمر, أنا كلمتو ألي تكلفه طقم اصلاح valve body بتكون 2700+ زيت الفتيس لتر ب230 , بس أنا مش عارف الفرق ده ازاي من 18,000 ل 4000 جنيه , يا ريت لو أي حد جربوا يفيدنا من فضلكم.

[Fadi Ezzat]

سعر العربية بالحالة دى 80000 الف ولو عملت الفتيس تبقى 85
بالنسبة لاصلاح البادى فالف فسعر 2700 دة كويس
بالنسبة للزيت العلبة الاصلية ب 150 atf