ارجو المساعدة في حل مشكلة الحرارة جولف 4 1600 sr

[Honda_lover]

كان عندي مشكلة في نقص مياة التبريد فغيرت طقم التبريد استيراد ارخص من تغيير الريدياتير بجديد وهو عبارة عن ريدياتير و سربنتينة وقميص بمراوحه المهم بعد التركيب اكتشفت ان الحرارة داخل المدينة ثابتة علي 90 ولما طلعت علي طريق الصحراوي لاحظت نزول مؤشر الحرارة لحد الصفر كانها مبطلة ودي مشكلة مبتحصلش غير لما بيكون ال thermostat تالف بس الغريب انها كانت قبل التغيير مظبوطة علي 90 وبعد التغيير مباشرة ظهرت المشكلة دي ومجتش ناحية ال thermostat نهائيا المتحكم في ضبط حرارة التشغيل لانه عما اظن بعيد عن مجموعة التبريد فهل ممكن يكون في سبب تاني يؤدي لنفس المشكلة ولا هو باظ وصدفت المشكلة في نفس وقت تغيير طقم التبريد؟

[طارق _عبد السلام]

ثرموثتات الكوعه هو اللى يعمل المشكله دى وتقريبا باظ على اتجاه الفتح وليس الغلق

[Honda_lover]

ثرموثتات الكوعه هو اللى يعمل المشكله دى وتقريبا باظ على اتجاه الفتح وليس الغلق

شكرا للرد بس ازاي يبوظ بمجرد تغيير اجزاء بعيدة عنه اكيد في سبب تاني ومعلش هتقل عليك عايز صوره للثيرموثتات بتاعي ومكانه بالضبط

[طارق _عبد السلام]

الموضوع ده بالظبط كان حصل معايا فى عربيه بولو
مره عطل على المقفول معرفتش امشى بالعربيه لان العربيه كانت بتسخن جدا والراديتير بارد وغيرته والعربيه ظبطت
وبعد فتره باظ تانى بس على الفتح وكانت العربيه فى البلد والمشى القصير تظبط على 90 وعلى الطريق الحراره تنزل
علشان كده قلت لحضرتك ان الثرمو هو المشكله دى
هو بيبقى فى كوعه بين الراديتير والموتور
لكن فين بالظبط بصراحه مركبتش جولف :)

[Honda_lover]

الموضوع ده بالظبط كان حصل معايا فى عربيه بولو
مره عطل على المقفول معرفتش امشى بالعربيه لان العربيه كانت بتسخن جدا والراديتير بارد وغيرته والعربيه ظبطت
وبعد فتره باظ تانى بس على الفتح وكانت العربيه فى البلد والمشى القصير تظبط على 90 وعلى الطريق الحراره تنزل
علشان كده قلت لحضرتك ان الثرمو هو المشكله دى
هو بيبقى فى كوعه بين الراديتير والموتور
لكن فين بالظبط بصراحه مركبتش جولف :)

الف شكر لحضرتك تعبتك معايا بس معلش قولت اتاكد برضه قبل مغير حاجة ومتطلعش هي.
تحياتي لك

[svneleven]

واضح أنه معلق علي الفتح و المشكلة مش كانت بتظهر علي الطوالي لأن كان فيه عيب تاني في دورة التبريد اللي حضرتك غيرتها و بالتالي العربية كانت بتسخن بسبب هذا العيب دلوقتي انت صلحت دورة التبريد فالعيب اختفي و بالتالي ما فيش حاجة بتسخن العربية و طبعا عيب الثرموستات ظهر.

[mo3tazanas]

اقولك انا بقى اية اللى حصل
انت الردياتير عاندك كان رايح فى داهية وكان مسدود علشان كدة الحرارة كانت عالية فى العربية او واصلة لـ90 ودة الطبيعى بتاعها اول ما غيرت الردياتير الدنيا بقت سالكة والماية بقت بتاخد دورتها الطبيعية مع عدم وجود الثرموثتات او تلفة على الوضع مفتوح العربية بقت بتبرد

[Honda_lover]

للاسف تم تغيير الثرموستات وما زالت المشكلة قائمة العربية مش عايزة تسخن خالص

[mo3tazanas]

للاسف تم تغيير الثرموستات وما زالت المشكلة قائمة العربية مش عايزة تسخن خالص

انت جبت الثرمثتات نوعة اية ؟؟؟ بص انا هقولك على تجربتى انا الثرمثتات اساسا اول ما اشتريت العربية مكنش متركب اساسا ومع ذالك الحرارة كانت ثابتة على ال90 على طول ولما سربنتينة التكيف اتخرمت فافكتها وفكيت الردياتير طبعا بالمرة وقولت اسلكة وديتة لواحد بتاع ردياتيرات وسلكة وجيت اركبة لقيت الحرارة بقت بتنزل عن ال90 ولو جريت بالعربية تنزل ل50 فرحت اشتريت ثرمثتات اصلى من التوكيل ب285 ج وركبتة ولقيتة بيعلق وكان بيفتح متاخر والعربية بتسخن فغيرتة بنوع تانى المانى بس مش اصلى ب170 ج ومن ساعة ما ركبتة ودرجة الحرارة ثابتة على الـ90 على طول فاغالبا الثرمثتات اللى انت جايبة بايظ غيرة

[Amr_Azab]

حضرتك ممكن تتأكد من ترموستات الكوعة وتجربة بره في حوض مياه سوخنة مرة وبارده مرة وشوفه حيشتغل تمام ولا لآ
وبرده أتأكد من ترموستات المراوح ايه ظروفه كويس ولا لآ لانه برده ممكن يكون بيقرأ غلط وبيخلي المروحة شغالة بأستمرار وبأقصي سرعة
واخيرا اتأكد برده من حساس الحرارة ممكن يكون بيهيس ولا حاجة

[Honda_lover]

انت جبت الثرمثتات نوعة اية ؟؟؟ بص انا هقولك على تجربتى انا الثرمثتات اساسا اول ما اشتريت العربية مكنش متركب اساسا ومع ذالك الحرارة كانت ثابتة على ال90 على طول ولما سربنتينة التكيف اتخرمت فافكتها وفكيت الردياتير طبعا بالمرة وقولت اسلكة وديتة لواحد بتاع ردياتيرات وسلكة وجيت اركبة لقيت الحرارة بقت بتنزل عن ال90 ولو جريت بالعربية تنزل ل50 فرحت اشتريت ثرمثتات اصلى من التوكيل ب285 ج وركبتة ولقيتة بيعلق وكان بيفتح متاخر والعربية بتسخن فغيرتة بنوع تانى المانى بس مش اصلى ب170 ج ومن ساعة ما ركبتة ودرجة الحرارة ثابتة على الـ90 على طول فاغالبا الثرمثتات اللى انت جايبة بايظ غيرة

الف شكر لحضرتك علي الشرح الوافي والمفصل فعلا انا لما غيرته قولت اجيب الكوعة كاملة بالثرموستات لانه بنفس التمن استيراد وللاسف ظهر نفس العيب وقمت بفكه اليوم وجدته مكسور قولت الحمد لله انه مكسور لانه لو كان سليم هتبقا مشكلة كهرباء لانه بيعمل عندي بالكهربا وليس ميكانيكي فقمت بشراء واحد اخر جديد ماركة بير الالمانية ب 450 جنيه وركبته وكل حاجة بقت تمام الحمد لله الف شكر لمساعدة حضرتك

[Honda_lover]

حضرتك ممكن تتأكد من ترموستات الكوعة وتجربة بره في حوض مياه سوخنة مرة وبارده مرة وشوفه حيشتغل تمام ولا لآ
وبرده أتأكد من ترموستات المراوح ايه ظروفه كويس ولا لآ لانه برده ممكن يكون بيقرأ غلط وبيخلي المروحة شغالة بأستمرار وبأقصي سرعة
واخيرا اتأكد برده من حساس الحرارة ممكن يكون بيهيس ولا حاجة

جزاك الله كل خير تم حل المشكلة شكرا لتعارنك

[Amr_Azab]

طيب الحمدلله
والف مبروك علي حل المشكلة