التوكيل و مراكز الخدمة - سكودا

[Sharky]

الوكيل الوحيد فى جمهورية مصر العربية

شركة أرتوك للسيارات
المقطم:
7 شارع حسن الأكبر متفرع من شارع 9
ت/ 5056262

العجوزة:
144 شرع 26 يوليو - خلف مسرح البالون
ت/ 3040193

مدينة نصر:
24 شارع عبد الرازق السنهورى
ت/ 2875514

مراكز الخدمة
المركز الرئيسى:
4شارع ترعة الجبل - دير الملاك - غمرة
ت/ 4830927

تم التثبيت بمعرفة الإدارة

[amf]

وبالنسبه للاسكندريه :- شركة نور الدين الشريف الكيلو 27 طريق اسكندريه الصحراوى( S3)

(معتمد)

مركز الخدمه : 4705678
المعرض : 4704849

[egawady]

هل فى حد يعرف ميكانيكى و كهربائى متخصص فى السكودا ؟
بس المهم طبعاً يكون شاطر

وشكراً

ايهاب الجوادى

[rania2000m]

وفي توكيل معتمد في زهراء المعادي
مركز الأقصى للسيارات
زهراء المعادي - المنطقة الصناعية - الشطر الخامس - قطعة 62/ع
بجوار بيتشو اميريكان سيتي
ت:60/59/58 / 57/29178356
موبيل:61/0100053860
المواعيد : كل أيام الأسبوع من الساعه 9 ص إلى الساعه
5 ونصف مساءاً
وطريقه سهل جدا من الدائري أو من الاوتوستوراد أو من عند كارفور

[mifs]

رمضان الميكانيكي متخصص اسكودا وكان شغال في التوكيل وجنبه محل قطع غيار 0121227101

[Ahmad Allawy]

في واحد كمان في الحلمية الجديدة..
قريب من السيدة زينب في الشارع اللي جنب مدرسة الخديوية..
اسمه حسين..
والله اعرفه انه كان اسطي كبير في التوكيل..
وانه راجل شغله نضيف جدا و محترم قوي في شغله..

[XPLod]

في واحد كمان في الحلمية الجديدة..
قريب من السيدة زينب في الشارع اللي جنب مدرسة الخديوية..
اسمه حسين..
والله اعرفه انه كان اسطي كبير في التوكيل..
وانه راجل شغله نضيف جدا و محترم قوي في شغله..

ممكن رقم تليفونه او عنوانه بالتفصيل لو سمحت ؟؟؟

[Ahmad Allawy]

التليفون بصراحة مش معايا.. بس هاحاول اجيبهولك..
العنوان هاقول لسعاتك بالتفصيل..
لو تعرف شارع بورسعيد.. وانت ماشي فيه متجه من السيدة زينب الي اتجاه باب الخلق و العتبة..
هتلاقي مدرسة الخديوية علي يمينك..
هتدخل في الشارع اللي قبلها علي طول..
هو شارع مكسر شوية كده.. و هتلاقي عربيات نقل كتير راكنه فيه..
اخر الشارع ده في ميدان صغير كده..
في الميدان ده في 3 شوارع.. واحد الطوالي و 2 يمين شوية كده..
ادخل الشارع اللي في النص بالظبط.. هتلاقي الورشة بتاعته علي الشمال اسمه حسين..
اسأل عن حسين سكودا..
ممكن تقولي انت ساكن فين و هاوصف ليك الطريق بالظبط..
اما فيما يخص الرقم اناهاجيبهولك من صاحبي اللي كان بيتعامل معاه.. بس اديني شوية وقت اوصل ليه بس.. وانا تحت امرك..

[XPLod]

شكرا اخى الكريم على الرد السريع ,, أنا ساكن فى غمره ممكن توصفلى ؟؟ واسف على الازعاج ..

[Ahmad Allawy]

بما انك ساكن في غمرة.. يبقي سهل انك توصل لشارع بورسعيد..
صح كده؟؟
هتمشي فيه في اتجاه الموسكي..
هتفضل ماشي فيه لحد ما توصل الموسكي و تكمل طوالي برضه..
هتقطع شارع الازهر و تفضل مكمل طوالي..
لغاية ما تلاقي مديرية امن القاهرة علي شمالك..
هتفضل ماشي طوالي زي مانت..
هتعدي علي ميدان باب الخلق.. تفضل ماشي طوالي..
لحد ما هتلاقي مدرسة كبيرة جدا جدا جدا علي شمالك.. المبني شكله قديم اثري..
مدرسة الخديوية.. هتلف من اول يو ترن بعدها..
و تدخل من الشارع اللي هي علي ناصيته.. اللي بيدخل علي ميدان الحلمية..
بس.. تفضل ماشي في الشارع ده لحد ما ترقي ميدان صغير كده فيه مداخل مدرستين علي اليمين و الشمال.. هترقي شارعين علي اليمين وواحد طوالي..
ادخل في الشاره الاوسط.. هتلاقيه داخل يمين كده شوية..وهتلاقي المحل علي الشمال..
تقريباحاطط يافطة سكودا كبيرة.. ولو مشوفتهاش اسأل علي حسين سكودا..
و قوله جايلك من طرف الاستاذ احمد حنفي اللي كان معاه الفابيا الكحلي اللي لسة بايعها..
بس كده يا باشا..
انا باحاول والله دلوقتي اجيبلك رقم التليفون بس مش عارف اوصل لصاحبي ده مؤقتا..
بس اول ما الاقي الرقم هابعتهولك علي طول..

[XPLod]

شكراً يا باشا وتعبتك معايا جدا . ان شاء الله اروح يوم الجمعه وربنا يسهل ..

[Ahmad Allawy]

يا باشا لا شكر علي واجب..
مفيش تعب ولا حاجة.. انا تحت امرك..
انا حاليا مش قاعد هناك قريب من حسين.. بس احتمال انزل هناك يوم الجمعه..
لو لقيت اني هانزل هاقولك قبلها ان شاء الله و نتقابل ...
اما فيما يخص الرقم انا باحاول اوصل ليه و اول ما الاقيه هابعتهولك..
وربنا يسهل و عربيتك تبقي تمام ان شاء الله..
ولو حبيت برضه المهندس اللي باعمل عنده عربيتي شغال حاليا في ارتوك اللي في غمرة..
لو حبيت ممكن تروحله و اوصيه عليك لما تروح.. ده اقرب للبيت عندك..

[XPLod]

يا باشا لا شكر علي واجب..
مفيش تعب ولا حاجة.. انا تحت امرك..
انا حاليا مش قاعد هناك قريب من حسين.. بس احتمال انزل هناك يوم الجمعه..
لو لقيت اني هانزل هاقولك قبلها ان شاء الله و نتقابل ...
اما فيما يخص الرقم انا باحاول اوصل ليه و اول ما الاقيه هابعتهولك..
وربنا يسهل و عربيتك تبقي تمام ان شاء الله..
ولو حبيت برضه المهندس اللي باعمل عنده عربيتي شغال حاليا في ارتوك اللي في غمرة..
لو حبيت ممكن تروحله و اوصيه عليك لما تروح.. ده اقرب للبيت عندك..

هو فعلا قريب منى جدا بس غالى قوى يا أخ أحمد , انا كنت بروح ارتوك اول ما اشتريت العربيه كانت لسه عامله 40 الف كيلو ولما حسيت انى هدفع حق عربيه جديده فى الصيانه بطلت اروح , هى العربيه دلوقتى عاملة 130 الف مش هروح بيها التوكيل يعنى , عشان كده بدور على حد متخصص بره التوكيل .

أنا اسمى هانى وتشرفت بمعرفتك أخ احمد.

[Ahmad Allawy]

الشرف ليا يا هاني بك..
و اشوفك قريب باذن الله..

[fakharany]

بالنسبة لرمضان أو حسين هما متخصصين سكودا بصورة عامة ولا فيليشيا يعني عربيتي أوكتافيا a4 موديل 2000 مين فيهم ليه في الموضوع كويس أصل العربية حاجات كتير فيها شغاله بالكمبيوتر ومش عايز حد يجرب فيه أنا مصدقت حوشت تمنها :)