بالنسبة لصيانه سكودا اوكتافيا

[never mind]

انا ف الصيانه بكشف على ايه؟؟
انا غيرت التيل من شهرين وطقم دبرياج والبوجيهات من شهر وحطيت زيت الفتيس لما غيرت الدبرياج ركبت سير مجموعه وسير كاتينه من اسبوع وحطيت زيت ماتور موبيل امبارح وغيرت معاه فلتر الزيت الميكانيكي بيقولى فلتر البنزين والهواء عايزين يتغيروا ونظفهمولى وادانى سائل بينضف كده قالى ده يبقى معاكى علطول عشان تنظفى اى حاجه فيه حاجه تانية مفروض اعملها انا بعمل صيانه من غير ما اتقيد بعدد كيلومتر كل شوية العربية اكشف ع حاجه بتطلع معاها حاجه تانية اه المارش بيعمل صوت الراجل قالى عايزة تتنظف تفتكروا صوت المارش العالى ده وانا بفتح العربية بالكونتكت سببه ايه؟؟

[never mind]

العربية مستعملة عشان كده بشيك عليها علطول وبنفسي لما بكتشف حاجه غريبة او اسمع صوت بشوف فيها ايه
المهم دلوقتى انها بتترج منى ساعات لما اشيل رجلى من ع الدبراج فجاة وايد الفتيس مايع مش ثابت

[never mind]

وعايزة احافظ ع حياة الماتور اكبر فترة ممكنه لانه عدى 200 الف وده حاجة مخوفانى منها

[Sherif Mandoor]

فلتر البنزين بيتغير مش بيتنضف والرجه الديسك والاسطوانه
ومفيش حاجه اسمها سائل ينظف اى حاجه

[Fadi Ezzat]

انا ف الصيانه بكشف على ايه؟؟
انا غيرت التيل من شهرين وطقم دبرياج والبوجيهات من شهر وحطيت زيت الفتيس لما غيرت الدبرياج ركبت سير مجموعه وسير كاتينه من اسبوع وحطيت زيت ماتور موبيل امبارح وغيرت معاه فلتر الزيت الميكانيكي بيقولى فلتر البنزين والهواء عايزين يتغيروا ونظفهمولى وادانى سائل بينضف كده قالى ده يبقى معاكى علطول عشان تنظفى اى حاجه فيه حاجه تانية مفروض اعملها انا بعمل صيانه من غير ما اتقيد بعدد كيلومتر كل شوية العربية اكشف ع حاجه بتطلع معاها حاجه تانية اه المارش بيعمل صوت الراجل قالى عايزة تتنظف تفتكروا صوت المارش العالى ده وانا بفتح العربية بالكونتكت سببه ايه؟؟

فلتر الهواء ولنبزني بيتغيرو
ممكن فلتر الهواء كل فترة يتنضف بالكمبروسور
المفروض تنظمى وتكتبى عندكك فى ورقة لو انتى بتنسى بسرعة
يعنى الفلاتر والبوجيهات والسيور كل 20 الف عدا سير الكاتينة
والزيت كل 10000 الاف او على حسب انتى بتجبية اية انهى نوع موبيل فيهم
اما المارش روحى لكهربائى كويس كويس
هيفتحة يغير الحاجات البايظة فية وينضفة ويركبة تانى

[طارق _عبد السلام]

المارش محتاج صيانه ولو صرخه يبقى الترس
وتقريبا اكتمل السيرفس معاكى غيرى فلتر البنزين وفلتر الهواء وبكده اكتمل السيرفس
ومن ناحيه عصايه الفتيس ممكن ميكانيكى يرجلش عليها لكن مع التعود هتظبط معاكى
المفروض كتابه عدد الكيلومتر الحالى علشان كل عشر الاف تغيير فلتر وزيت

[Moratoz]

وبالمرة راجعي علي دورة المياه وشوفي فيها نقص او تسريب والمياه المفروض تبقي في العربيه بتبقي حمرا وممكن تجيب ماركة هيبو وبيتكمل الباقي بمياه مقطره