استفسارعن الاوكتافيا الa5 - تعاطفك مش كفاية اتبرع ولو بمشاركة

[digital_joe]

يا جماعة انا كنت عايز اعرف الاجابة على كام سؤال بخصوص الاوكتافيا A5

1. ما هى الفروق فى المواصفات فى الاليجانس بتاعت الوكيل؟ انا معلوماتى ان فى 3 فئات اسعارها 196 و 203 و 229 الف عند الوكيل بس كل ماكلم ارتوك اوتو يقولولى حاجة شكل لو حد فاهم الفرق بالتفصيل يا ريت يوضحه؟
2. ما هى الفئات(عند الوكيل) التى فها خاصية ُESP)) Electronic Stability Program؟ و هل الخاصية دى موجودة فى الخليجى؟
3. هل ينفع اشترى الخليجى و اروح التوكيل ادفع مبلغ و ادخلها ضمان الوكيل؟ و لو ينفع المبلغ ده كام؟
4. ممكن حد يشترى العربية من الوكيل و يروح يزود اوبشن؟ يعنى انا لو جبت العادية مش الاليجانس (سعرها 174900) و طلبت اركب حساسات الركن و الرشاشات اللى بتنضف الفوانيس ينفع ادفع تمنهم و تمن التركيب عند الوكيل ولا العربية مش هاتكون مجهزة و مش هاينفع؟

انا بصراحة محتار شوية بين الوكيل و الخليجى (معلوماتى ان الفرق فى المواصفات و السعر لمصلحة الخليجى بس عيوب الخليجى ان مفيش تصفيح من تحت و اوطى شوية ده غير القلق بسبب موضوع انه مفيش ضمان)

و لو جبتها من الوكيل مش هاقدر ادفع 230 الف خصوصا انى مش عايز كل الاوبشن الزيادة انا بس عايز ESP وحساسات الركن و الرشاشات اللى بتنضف الفوانيس

بصراحة فى مصر موضوع الشراء ده متعب : لخبطة وغموض فى السعر و المواصفات و قلة ضميرمن المعارض و الوكيل ده غير انهم (الوكيل او المعارض اللى بتبيع الخليجى) بيلزموك بفئات هما اللى محددينها. بره تخش على موقع الوكيل تجيب سعرها و مواصفاتها بالتفصيل و تقدر تزود اوبشن و تدفع فرق فيما يسمى Build your car

لو حد يقدر يساعدنى يبقى كتر خيره و الاجر و الثواب عند الله

و كل عام و انتوا بخير

[mahmoud_nov1985]

بص يا سيدى انا وقعت فى نفس الحيرة اللى انت وقعت فيها بالظبت وقررت انى اشترى قريبا ان شاء الله الخليجى من عند ناشيونال موتورز الطيران
انا اولى ب التلاتين الف الفرق
وماعتقدش انى انا نحس اوى انه يطلع فيها عيب صناعة
وبفرض انى نحس اكيد عيب الصناعة مش هايكلفنى اكتر من تلاتين الف

[digital_joe]

انا معاك ان الفرق فى السعر كبير بس برضة الضمان ليه مزايا....لولاقدر الله طلع في الخليجى عيب فى الصناعة و محتاج مبلغ كبير لتصليحة هاتتسوح عشان تلاقى حد يفهم فيه و يصلحه و هاتتسوح اكتر لانك هاتتحمل تمن التصليح لوحدك و ممكن العربية ماتبقاش زى و هى خارجة من المصنع

ده غير ان الخليجى مفيش فيه تصفيح زى بتاعت الوكيل واوطى منها شوية

يا ريت لوحد عنده خليجى يقولنا جابها منين و مشاكلها معاه ايه

[islamaboelnaga]

اعتقد كل الاوكتافيا فيها Esp

[mahmoud_nov1985]

انا معاك ان الفرق فى السعر كبير بس برضة الضمان ليه مزايا....لولاقدر الله طلع في الخليجى عيب فى الصناعة و محتاج مبلغ كبير لتصليحة عتتسوح عشات تلاقى حد يفهم فيه و يصلحه و هاتتسوح اكتر لانك هاتتحمل تمن التصليح لوحدك و ممكن العربية ماتبقاش زى و هى خارجة من المصنع

ده غير ان الخليجى مفيش فيه تصفيح زى بتاعت الوكيل واوطى منها شوية

انا معايا opel vectra 97 عومرى مادخلتها التوكيل لانهم من الآخر حرامية وبينهبوا الزبون ووهم
فيه ورش كتير فى كل مكان زيهم زى التوكيل
وال a5 منتشرة يعنى فى ناس كتير بتفهم فيها وتعرف تصلحها زى وهدان مثلا وطالماهى منتشرة اكيد محلات كتير هاتشترى قطع غيارها وده طبيعى
التوكيل بيخوف الناش انها تشترى خليجى عشان مكسبه منها خراااافى
وانا حتى لو اشتريت a5 بضمان الوكيل مش هاصلحها عنده


والاهم من كده؟
ان فكرة ضمان السلعة بفلوس حررراااام(نفس فكرة التامين على السيارات والحياة)
لان فى واحد اكيييد خسران اما الوكيل او الزبون وغالبا هو الزبون لانه مابياخدش خدمة قيمة الفلوس الللى دافعها
وده اسمه فى الدين غرر

الكلام ده رأيى فى موضوع الضمان بس فى موضوع التامين على السيارات ده حرام باجماع العلماء
والله اعلم

___________
العضو الفاضل، إن استخدام اللون الأحمر في الكتابة مخصص

فقط للمشاركات الادارية واستخدامك لة مخالف لقواعد المنتدى،

لذا نرجوا منكم عدم استخدام اللون الأحمر مرة اخرى.

شكراً، ادارة المنتدى.

[شاهين - بنز]

ناشونال موتورز بيدي ضمان على الخليجي سنة ضد عيوب الصناعة
وفي حاجة مهمة أوي إوعوا تنسوها إن العربية ماتطلعش من المصنع ويا صابت ياخابت في حاجة إسمها كواليتي كنترول على كل عربية

[Ahmed Samy]

في اوكتافيا خليجي
و عالية عن الأرض و مصفحة من اسفل

موضوع الضمان ...ليا صديق اشترى من التوكيل و الكمبرسور بتاعه ضرب
و راح في الضمان يصلحه (طلعوا عينه) وقضى بيها شهور الصيف يركب سيارة زوجته .... و ما غيروش المومبريسور ..صلحوه

و لما الضمان خلص راح اشترى واحد استيراد و باع العربية من قرفه

و اشترى واحدة خليجي بمواصفات أعلى لأنه بيحب العربية جدا

و بيضرب نفسه بالـ....

[digital_joe]

شكرا يا جماعة على الردود و كل سنة و انتوا طيبين

اعتقد كل الاوكتافيا فيها Esp

انا معلوماتى انه مش كله...... انا رحت المصرية للسيارات اللى فى المعادى العربية اللى هناك مفيهاش و برضه اللى فى ارتك اوتو اللى ورا مسرح البالون مفيهاش
العربيات اللى فيها ESP هتلاقى فيه زرار تحت الكاست مكتوب فيه ESP OFF اللى مفيهاش هتلاقى فيه زرار تحت الكاست مكتوب فيه ASR OFF
لو حد عنده معلومة فى الموضوع ده ياريت يفيدنا

ناشونال موتورز بيدي ضمان على الخليجي سنة ضد عيوب الصناعة

هو مش ناشوتال موتورز ده معرض؟ هايدى ضمان ازاى؟و مضمون يعنى ولا ساعت الجد هايقولى معرفكش؟ لو هايصلحها هايوديها التوكيل ولا مركز معتمد؟ و ايه المركز المعتمد ده؟

في اوكتافيا خليجي و عالية عن الأرض و مصفحة من اسفل

ممكن حضرتك تقولى اجبها منين؟ هل ناشونال موتورز ده بيبيعها؟

[digital_joe]

ن فكرة ضمان السلعة بفلوس حررراااام(نفس فكرة التامين على السيارات والحياة)
لان فى واحد اكيييد خسران اما الوكيل او الزبون وغالبا هو الزبون لانه مابياخدش خدمة قيمة الفلوس الللى دافعها

يا باشا ما هو ده من الاسباب اللى تخلى الواحد عايز يجيبها من الوكيل لان ساعتها حاجة من اتنين:
ياما يحصل لها حاجة و ساعتها الوكيل بيتحمل عيوب الصناعة و الواحد يضمن انها تتعمل صح و مش هيبقى حاسس انه فى حاجة حرام ده حقك
يا اما و مايحصلهاش حاجة بسبب عيوب صناعة يبقى يا دار ما دخلك شر

وفي حاجة مهمة أوي إوعوا تنسوها إن العربية ماتطلعش من المصنع ويا صابت ياخابت في حاجة إسمها كواليتي كنترول على كل عربية

انا معاك طبعا بس ده لا يمنع انه ممكن يحصل حاجة. مثال : فى واحد صاحبى كان شارى الايه 4 من الوكيل و الكمبرسور باظ بعد 3 شهور و صلحهالو فى التوكيل. ما هى العربية دى عدت من الكواليتى كونترول بس برضه باظت امال مصنعى السيارات فى العالم كله بتدى ضمان ليه عشان لو حاجة عدت من الكواليتى كونترول الضمان ينفع العميل و يحافظ على سمعة الشركة.

[mahmoud_nov1985]

يا باشا ما هو ده من الاسباب اللى تخلى الواحد عايز يجيبها من الوكيل لان ساعتها حاجة من اتنين:
ياما يحصل لها حاجة و ساعتها الوكيل بيتحمل عيوب الصناعة و الواحد يضمن انها تتعمل صح و مش هيبقى حاسس انه فى حاجة حرام ده حقك
يا اما و مايحصلهاش حاجة بسبب عيوب صناعة يبقى يا دار ما دخلك شر



انا معاك طبعا بس ده لا يمنع انه ممكن يحصل حاجة. مثال : فى واحد صاحبى كان شارى الايه 4 من الوكيل و الكمبرسور باظ بعد 3 شهور و صلحهالو فى التوكيل. ما هى العربية دى عدت من الكواليتى كونترول بس برضه باظت امال مصنعى السيارات فى العالم كله بتدى ضمان ليه عشان لو حاجة عدت من الكواليتى كونترول الضمان ينفع العميل و يحافظ على سمعة الشركة.

هو اه يا دار ما دخلك شر لكن يا جيبى طلع منك فلوس على الارض
الفرق لو صغير اقولك ماشى لكن الفرق كبير مش اقل من تلاتين الف

الكومبيرسور بكام يعنى؟ اااخره 5000 يوم ما يطنطط
فكرة الضمان دى فكرة جميلة بس لو فى حدود اربع خمس تلاف زى مابيحصل برا
لكن الوكيل الله يسامحه بيكسب فى لعبة الضمان دى اكتر مابيكسب فى العربية نفسها كسلعة
وبعدين لو عندك اى مشكلة فى العربية التوكيل هايعد يزاولك وعدى علينا بكره اصل الحتة دى مش عندنا واكيد هيطلعوا عينيك على مايصلحوها
لكن لو صلحتها فى اى حتة هتصلحها فى ساعتين زمن

انا احب فلووسي فى جييبى وماحدش يدحك عليا ولا يقرطسنى ولا اشترى الهواااااااااااااااااااااااااااااااااااااااااااااا ااااااااااااااااااااااااااااا

[digital_joe]

هو اه يا دار ما دخلك شر لكن يا جيبى طلع منك فلوس على الارض
الفرق لو صغير اقولك ماشى لكن الفرق كبير مش اقل من تلاتين الف

الكومبيرسور بكام يعنى؟ اااخره 5000 يوم ما يطنطط
فكرة الضمان دى فكرة جميلة بس لو فى حدود اربع خمس تلاف زى مابيحصل برا
لكن الوكيل الله يسامحه بيكسب فى لعبة الضمان دى اكتر مابيكسب فى العربية نفسها كسلعة
وبعدين لو عندك اى مشكلة فى العربية التوكيل هايعد يزاولك وعدى علينا بكره اصل الحتة دى مش عندنا واكيد هيطلعوا عينيك على مايصلحوها
لكن لو صلحتها فى اى حتة هتصلحها فى ساعتين زمن

انا احب فلووسي فى جييبى وماحدش يدحك عليا ولا يقرطسنى ولا اشترى الهواااااااااااااااااااااااااااااااااااااااااااااا ااااااااااااااااااااااااااااا

بص يا باشا هى وجهات نظر....انا فعلا محتار جدا و الاختيار مش سهل....


يا جماعة ممكن حد يقولى ضمان ناشوتال موتورز حقيقى ولا ساعت الجد هايقولى معرفكش؟ لو هايصلحها هايوديها التوكيل ولا مركز معتمد؟ و ايه المركز المعتمد ده؟ و هل عنده اوكتافيا خليجي عالية عن الأرض و مصفحة من تحت؟

شكرا و كل سنة و انتوا طيبين

[islamaboelnaga]

انا شفت اقل فئه فى ال a5 الضمان فيها esp و جايز اللى انت شوفتها فيها النظام بس مش ممكن فصله .....ياريت يا جماعه حد يقولى مواصفات اعلى فئه فى الكتافيا الخليجى و سعرها

[NaderNabil]

ال Esp مش متوافر في الفئات العادية....الاليجانس بس هي اللي بيبقى فيها....ده بالنسبة للسيارات الخاصة التوكيل

جايز يكون الخليجي نازل بيه في الفئات الأقل بس معنديش فكرة الصراحة...

الesp لازم يكون له زرار أمام الفتيس لفصله...و ده أساسي...ماينفعش مايبقاش فيه الزرار ده...

[islamaboelnaga]

عربيه واحد صاحبى ضمان و فيها esp و بزرار و اقل فئه

[digital_joe]

عربيه واحد صاحبى ضمان و فيها esp و بزرار و اقل فئه

هى وكيل ولا خليجى