استخدام wd 40 بالنسبة للعفشة وغيرها

[midoabokhadra]

اية الاماكن اللي ممكن استخدم فيها wd40 بالنسبة للعفشة ؟؟
وايه كمان ممكن استخدم فيه ال wd40 ؟؟

[Ahmed.Essam]

متااااابع

[hossam_elwani]

الجلب والبيض اى شىء فيه مفصل بيتحرك

[midoabokhadra]

تماااام
منتظرين المزيد

[Ahmed Amin]

ال WD 40 غير مناسب للعفشة وضار جداً بيها,,

ال WD40 معمول أصلاً لتزيت المفصلات الحديد المصدية والمسامير اللي قافشة ومش بتتحرك إلا بصعوبة,
يعني مش معمول للعفشة ولا البيض ولا الجلب وتأثيرة علي الكاوتش اللي في البيض والجلب سئ جداً لأنه هياكل الكاوتش بتاع الجلب والبيض وهيتحلل ومش هتلاقي عفشة بعد كدا.

راجع الموضوع دا.

http://www.nilemotors.net/Nile/334205-a-4.html

بالتوفيق

[ahmed sa3ed]

لا دا بيسهل حركه حديد * حديد انما مينفعش مع الكاوتش والجلد الشحم احسن

[EngAhmedSayed]

ال wd 40 غير مناسب للعفشة وضار جداً بيها,,

ال wd40 معمول أصلاً لتزيت المفصلات الحديد المصدية والمسامير اللي قافشة ومش بتتحرك إلا بصعوبة,
يعني مش معمول للعفشة ولا البيض ولا الجلب وتأثيرة علي الكاوتش اللي في البيض والجلب سئ جداً لأنه هياكل الكاوتش بتاع الجلب والبيض وهيتحلل ومش هتلاقي عفشة بعد كدا.

راجع الموضوع دا.

http://www.nilemotors.net/nile/334205-a-4.html

بالتوفيق

أحمد امين
هنا
منور قسم سكودا
و خطر جداااااا يوضع على اى مكان فى دهان العربية سواء من الداخل او الخارج لانه بيعمل عملية ازلة لدهان
ربك المستعان

[hossam_elwani]

الشحم الابيض هو بديله مع الكاوتش

[Ahmed Amin]

أحمد امين
هنا
منور قسم سكودا
و خطر جداااااا يوضع على اى مكان فى دهان العربية سواء من الداخل او الخارج لانه بيعمل عملية ازلة لدهان
ربك المستعان

بشمهندس أحمد, أخبارك أيه ؟
يارب تكون بخير,,
والقسم منور بينك وبأعضاء أسكودا المحترمين.

وفعلا ال wd-40 مذيب للصدأ وممكن يذيب الدهان كمان
وتأثيره سئ علي الكاوتش والجلود لأنها بياكل فيهم وبيؤدي لتحللهم وبيخليهم ينشفو,

والعربيات الجديدة عموماً مش بتتزيت ولا بتحتاج تشحيم زي العربيات القديمة,
العربيات القديمة هيا اللي بيتشحم فيها أماكن البيض والجلب مع غسيل العربية.

[midoabokhadra]

شكرا على الاهتمام

[Amr_Azab]

فعلا هو مضر جدا للكاوتش ومينفعش
لكن ممكن ينفع علي سوست اليايات مثلا أو أجزاء المساعد المعدنية
أو طبل الباب بأستخدام الانبوب الرفيع أو مساعدين الشنطة

الكلام ده برده ياريت لو حد يأكدهولنا لان انا بتكلم مثلا عن تجربة معاية
كان عندي صوت من اليايات والمساعدين ورا حيجنني ومرحش غير لما رشيت wd40 والكلام ده من فترة كبيرة وحتي الآن مفيش اي ضرر من اي نوع