تسعير سيارتى فانتازيا 2010 هاى لاين وكيل

[طارق _عبد السلام]

حياكم الرحمن احبتى

قررت وبكل اسف ابيع عربيتى الفانتازيا نظرا لبعض الظروف الاقتصاديه الخاصه ولتحركاتى القليله بها لان مكان العمل يعتبر تحت البيت

فلو تسمحوا نتشاور فى تسعيرها انا سمعت سعر كان ممتاز بس فين الزبون بقى الكلام ده كان من كام شهر
العربيه 2010 هاى لاين وكيل اللون فيرانى فتحه سقف مريات ضم وتعتيم جنوط سبور 16 سينسور بارك- زينون فرش جلد طبيعى -كاسيت عريض تاتش
فيها رخصه سنه باسمى
ماشيه 63 الف كيلو يعنى صيانه ال60 لسه بخيرها طبعا اكبر صيانه فى العربيه يعنى العربيه مش محتاجه اى سيرفس نهائى من زيوت وفلاتر وسيور بلى وتيل فرامل وزيت فتيس
البطاريه لسه جديده فى الضمان اظن مكملتش شهر
العربيه فيها شرخ فى الزجاج الامامى من طوبه ومغيرتش الزجاج وماشى بيه

ممكن تسعيرها مع بعض لعرضها للبيع
وشكرا مقدما

[hmhmmam]

زعلتنى بالخبر ده
لانك يا طارق باشا منور المنتدى وبعد كده احنا بنعتبرك مرجع لينا
طبعا موفق فى البيع بس ياريت تفضل فى المنتدى

[طارق _عبد السلام]

زعلتنى بالخبر ده
لانك يا طارق باشا منور المنتدى وبعد كده احنا بنعتبرك مرجع لينا
طبعا موفق فى البيع بس ياريت تفضل فى المنتدى

ربنا يبارك فيك
يافندم انا خدامكم على طول ان شاء الله
والله لسه الفكره جايه لى من ساعه وكتبت الموضوع على طول انا لسه حتى ماعرضتها للبيع
قلت نتشاور مع بعض فى التسعير
وبجد بشكرك على شعورك النبيل
تقديرى لحضرتك

[omaranes77]

لية ياباشا زعلتني بس موفق انشاء اللة

[haitham.hesham]

I am intersted in the car and i have a question does it have bluetooth

[طارق _عبد السلام]

لية ياباشا زعلتني بس موفق إن شاء الله

ربنا يبارك فيك

[طارق _عبد السلام]

i am intersted in the car and i have a question does it have bluetooth

اكيد طبعا فيها بلوتوث وكار كيت كامل والاسماء فى الموبايل بتظهر لك على شاشه العدادات وبتتحكم فيها وتجرى الاتصال من تحكم الطاره والتحدث فرى وتتحكم فى رفع وخفض صوت السماعات للعربيه اثناء المكالمه

[haitham.hesham]

Thanx mate just checking cause i saw one before without bluetooth
Can u plz send me your number to talk more about yhe car

[abofandy]

اعتقد تعمل 165 الى 170 فى الحدود دى تقل او تزيد بمقدار بسيط
موفق فى البيع ان شاء الله

[omar-saad]

اعتقد تعمل 165 الى 170 فى الحدود دى تقل او تزيد بمقدار بسيط
موفق فى البيع ان شاء الله

حرام عليك ياباشا
دى هاى لاين
انا فى تقديرى تعمل من 190 ل 195
موفق ان شاء الله

[medosalah]

حرام عليك ياباشا
دى هاى لاين
انا فى تقديرى تعمل من 190 ل 195
موفق ان شاء الله

مع احترامي لرايك بس مين يشتري عربيه مستعمله ب 190 الف حتي لو كانت فانتازيا

ده لو باسات هاي لاين مش هتجيب السعر ده

[samoreception]

انهاردة شوفت عربية اخت عربيتك يا استاذ طارق بالظبط بس الفرق انها موديل 2012 وانها خليجى ومطلوب فيها 195 الف نهائى
فاعتقد عربيتك تجيب 170 او 175 وعلى فكرة اكتر موديل مطلوب موديل عربيتك لانها هاى لاين وكيل مش خليجى لانى الابانوس اللى فى الطابلوة بيعمل شكل جميل جدا ما شاء الله

[Moratoz]

موفق ان شاء الله في البيع واعتقد ان المناسب فعلا من ١٦٥ الي ١٧٠
وربنا يعوض عليك بأحسن منها

[svneleven]

ال 195 دول أجيب بيهم 316 2010 مش فانتازيا و ممكن أزود 20 أو 25 و أجيب 320 كمان.

[M.ADEL KAMEL]

السلام عليكم و رحمة الله

يا استاذة الراجل بيتشاور مع الزملاء عن السعر اللى هو يطلبه و اصدقاؤه بيردوا عليه اللى عنده كلمة كويسه يقولها اللى معندوش يدعى للراجل بالتوفيق ... و بعدين يااستاذ طارق انا تحت أمرك فى اى حاجة و ماتبعش عربيتك مدام انتا بتحبها كده