شوية مشاكل فى اوكتافيا a4

[moataz1313]

السﻻم عليكم اخوانى اﻻعزاء
انا عربيتى اوكتافيا ايه 4 موديل 2000 وعاملة 150 الف كيلو وحاليا فى بعض المشاكل اول مره اواجهها وتتلخص فى انى بسمع صوت خبطه عند الكوتشات اﻻمامية فى اى مطب زى ما يكون حاجه مفكوكه مع انى لسه مربط العافشة من اسبوعين وساعات لما اطلع مطب صناعى اسمع صوت حاجه بتحف من الناحية الفردة الشمال اﻻمامية.
الحاجه التانية ان العريية على طريق السفر بقى مؤشر السرعة بينزل عن 90 ودى عمرى ماشفتها ابدا كان دايما صيف شتا فى المنتصف تماما،
الحاجة الثالثة ان العربية ساعات قليله مش بتدور من اول مرة
برجاء قلولى الحاجات دى خطيرة وﻻ ﻻ ولو تتعمل تتكلف كام تقريبا ولكم جزيل الشكر

[Sherif Mandoor]

الكشف على جلب المقصات وبعدبن تقصد مؤشر الحراره الكشف على الترموستات ممكن تكون مفتوحه

[mezo73]

طبعا لازم تكشف علي العغشة وغالبا جلب مقصات او شداد ميزان او بطاحات
الحاجة الثانية غالبا انت تقصد الحرارة ودة عيب ترموستات غالبا
ثالث حاجة غير فلتر البنزين غالبا مسدود من الوساخة ومش بيعدي البنزين بالضغط الكافي
وبالتوفيق

[Abu Ahmed]

تاخير العربية فى التدوير
ممكن يبقى الفلتر كما سبق أو بوابة البنزين عايزة تتنضف

[moataz1313]

الف شكر ليكم عموما ان هبدا فى العربية عشان عندى فحص للرخصة نهاية مارس ان شاء الله واتعشم تكون تكلفه التصليح بسيطة ان شاء الله

[Moratoz]

جلب مقصات وشدادات ميزان
تورمستات الكوعه مفتوحه ( مفيش مشكله قوي )
فلتر بنزين او ضعف في طرمبه البنزين او او بوجيهات وسلكها

[mohamedbook]

بص ياسيدي ترمثتات الكوعة كده خلاص مفتوحة مش شغالة
ولاصلي بتاع ترمثتات الكوعة بيتباع مع الشجرة ومؤشر الحرارة كلها ب 800ج تقريبا في الهاشمية
وفية تقليد صيني للشجرة كلها مع الكوعة ب 500ج وفية الثرمثتات لوحدها تقليد صيني عاملة حوالي 200ج الي 350 جنية
افضل حاجة تجيب الاصلي عشان مووع الحرارة ودورة التبريد دي مفهياش لعب
بالنسبة للعفشة روح لعفشجي كويس وهو هيكشفلك عليها ويقلك اذا كانت جلب المقصات عايزة تتغير ولا لا وكنان بيض المقصات كمان ممن يكون خلاص عايز يتغير
وبما ان الحجات دي غالية
حاول تنزل الحرفيين وتستنضف مقصيين نضاف كده وياريت فيهام كل حاجة عشان تريح دماغك لان بيض المقصات سعرة تقريبا 500ج وجلب حوالي 220ج الاسعار زادت زيادات رهيبة عشان الجنية مبقاش ليه قيمة

[moataz1313]

جلب مقصات وشدادات ميزان
تورمستات الكوعه مفتوحه ( مفيش مشكله قوي )
فلتر بنزين او ضعف في طرمبه البنزين او او بوجيهات وسلكها

يعنى سعدتك ممكن اكبردماغى مؤقتا من تورمستات الكوعة لو هى غالية

[moataz1313]

بص ياسيدي ترمثتات الكوعة كده خلاص مفتوحة مش شغالة
ولاصلي بتاع ترمثتات الكوعة بيتباع مع الشجرة ومؤشر الحرارة كلها ب 800ج تقريبا في الهاشمية
وفية تقليد صيني للشجرة كلها مع الكوعة ب 500ج وفية الثرمثتات لوحدها تقليد صيني عاملة حوالي 200ج الي 350 جنية
افضل حاجة تجيب الاصلي عشان مووع الحرارة ودورة التبريد دي مفهياش لعب
بالنسبة للعفشة روح لعفشجي كويس وهو هيكشفلك عليها ويقلك اذا كانت جلب المقصات عايزة تتغير ولا لا وكنان بيض المقصات كمان ممن يكون خلاص عايز يتغير
وبما ان الحجات دي غالية
حاول تنزل الحرفيين وتستنضف مقصيين نضاف كده وياريت فيهام كل حاجة عشان تريح دماغك لان بيض المقصات سعرة تقريبا 500ج وجلب حوالي 220ج الاسعار زادت زيادات رهيبة عشان الجنية مبقاش ليه قيمة

تسلم ايدك ..لو هى دى اﻻسعار يبقى خير ان شاء الله وبعدين انا كمان ليه سكه مع واحد فى بورسعيد اعتقد انها كمان تبقى ارخص ...كل الشكر ليكم طمنتونى والله

[Moratoz]

يعنى سعدتك ممكن اكبردماغى مؤقتا من تورمستات الكوعة لو هى غالية

المشكله هتبقي في الشتاء القادم لأن العربيه مش هتسخن بسرعه وتجيب درجه الحرارة المطلوبه و

[abou-yahia]

صوت الخبط ده في الاغلب مساعدين