زيت الموتور والاوكتافيا a5

[mazgangy]

ياريت كل ملاك الاوكتافيا يشاركونا تجاربهم بخصوص زيوت الموتور عايزين نوصل لانسب زيت للاوكتافيا من حيث السحب وصوت الموتور والتبريد ومش ينقص انا تجربتى كانت كاسترول ايدج وكان السحب معقول مش اوى بس يمكن علشان الاوكتافيا اصلا تقيله مش زى عربيتى اللى قبلها (الانسر ) بس بعد 6000 كيلو نقص شويه مع العلم قبلها جربت مع الانسر موبيل وان وكان سيء وشيل وكان كويس وزيت فيسكو وكان ممتاز وراضى عنه جدا دلوقتى عايز اغير زيت للاوكتافيا ومحتار بسس مستبعد موبيل وان نهائى ومحتار بين شيل بس مش عارف حلاقى والا لا بعد بيع شيل لتوتال ومش بحب اشترى الا من بنزينه مش من محل وفيسكو بفكر فيه جدا وكاسترول مش عجبنى حوار انه تاريخ قديم الانتاج ( حاجه نفسيه كده مع ان اعتقد مش حتفرق فى الزيت وكمان حوار نقص بعد 6000 كيلو ده مش عجبنى فيه مع االعلم العربيه مانويل وانا بحرق جامد وكمان سكودا موصيه بشيل فمعلش طولت عليكو ومستنى ارائكم وتجاربكم يا ملاك الاوكتافيا :b4_007:

[mido102]

عندي نفس المشكله مع a4 وافضل زيت كاسترول

[Eng_Moh.Dewair]

متابع باهتمام لانى قرفت من الموييل ون :(

[mazgangy]

عندي نفس المشكله مع a4 وافضل زيت كاسترول

حضرتك تقصد مشكله نقص الزيت؟؟ وياريت حضرتك تقولنا كاسترول افضل من انواع ايه ومن ناحيه ايه وتقصد ال ايدج والا الايدج سبورت والا المجنتك؟

[mazgangy]

متابع باهتمام لانى قرفت من الموييل ون :(

للاسف اى زيت حيكون احسن منه الموبيل وان ده بقى سيئ جدااا

[Amr_Azab]

في رأي المتواضع
أنصحك بزيت توتال الفرنسي
سواء الـ 5000 كم اللي بيتعبأ في مصر ( الزيت فرنسي ولكن معبأ فقط في مصر )
أو الـ 9000 المعبأ في فرنسا

انا بستخدمه بقالي 3 سنوات وزي الفل ونسبة بخره طبيعية جدا

[mido102]

ايوه نقص الزيت وكاسترول موصي به وعلي غطا الزيت اصلا انا كلمت التوكيل مره واللي فهمت ان لو حاله الماتور كويسه ماجناتيك 10 w 40 ولو عاديه يبقي gtx المستورد 20w 50 والايدج للعربيات الزيرو