استفسار علي السريع يا رجالة

[omaranes77]

السلام عليكم عربيتي الحمد للة من يومين غيرتلها زيت وزي الفل 100 100 بعد ماغيرت زيت بظبط نص ساعة لمبة الزيت نورت قولت ايدة بقة المهم ركنت ونزلت بصيت علي العربية من تحت الحمد للة تمام مفيش حاجة بتنزل 100 100 المهم اشوف مقاس الزيت تمام امال نورت لية الحاجة دي كلمت المهندس خالد وحكتلوا قالي مايكمن الطرمبة باظت قالي انا مش موجود دلوقت قالي حاول تروح لمكانيكي يشوفلك الحساس وانا بكرة اظباطهالك المهم كنت في العباسية فرحت للمكانيكي القديم كشفاي وكدة قالي الحساس علية زيت فنضفة وكبة تمام 100 100 واللمبة مانورتش بس قبل مارحلوا وبعد مارحلوا كان في حاجة هاموت واعرف اية المشكلة الي فيها لما بنقل تالت مثلا او رابع القي rbm. يعلي لغاية 6 بسرعة وينزل تاني وصوت الموتور يعلي طبعا وترجع طبيعي تاني ارجو الرد

[Amr_Azab]

حضرتك بعد متغير الزيت مباشرة
لازم تفتح كونتاكت وتبص علي لمبة الزيت وتدور وتبص عليها برده
لو لاقيتها بترعش او فضلت منورة مطفتش او بعد مدورت راحت منورة تاني
يبقي كده فلتر الزيت اللي انت مركبه مش كويس ( مضروب أو مكتوم وبايظ )
واللمبة بتنور لان دورة الزيت مش بتكمل نتيجة لوجود سدد في فلتر الزيت

[omaranes77]

حضرتك بعد متغير الزيت مباشرة
لازم تفتح كونتاكت وتبص علي لمبة الزيت وتدور وتبص عليها برده
لو لاقيتها بترعش او فضلت منورة مطفتش او بعد مدورت راحت منورة تاني
يبقي كده فلتر الزيت اللي انت مركبه مش كويس ( مضروب أو مكتوم وبايظ )
واللمبة بتنور لان دورة الزيت مش بتكمل نتيجة لوجود سدد في فلتر الزيت

كلام جميل وانا كنت شاكك في كدة بس المشكلة طلعت في الحساس كان هو الي بيقرئ انا كانت اللمبة كل شوية تنور وانا مش عارف اية دة فروحت للمكانيكي وشالي الحساس ونضفة كان علية زيت وبعدها اللمبة مانورتش خالص بس انا بردو مش مطمن وهاروح للمهندس خالد انشاء اللة في اقرب فرصة شكرا ياباشا