مياه التبريد والاوكتافيا a5

[mazgangy]

بما ان الصيف قرب واول صيف ليا بالاوكتافيا وقبلها لانسر فى مدخل كل صيف كنت بغسل الدوره واحط مياه موبيل وطبعا ناس كتير قالتلى لا الخضرا اللى مزرقا شويه الموبيل اللى كنت بتحطها فى الانسر دى متنفعش دى لازم مياه حمرا وفى منها موبيل برضوا بس حمرا طيب ايه الفرق ؟؟؟ محدش عارف يرد وبسمع اى تاليف دورت لقيت فعلا فى بنزينه موبيل الشيخ زيد جركن 5 لتر مياه حمرا ب 100 جنيه اسال واحد معرفه عنده ورشه صيانه عليها يقولى لا دى مفيهاش زيت هات الهيبو الالمانى او ال g12 الالمانى علبتين العلبه لتر ونص والباقى مياه مقطره وانا اتعملت مع المهندس خالد بتاع العاشر مدينه نصر سالته قال لا هى الهيبو لتر ونص والباقى مياه مقطره علبه واحده هيبو والباقى مياه مقطره مش علبتين فانا دلوقتى توهت بقى ومش عارف اعمل ايه وامشى ورا كلام مين؟!!
1- 5 لتر موبيل مياه حمرا ب 100 جنيه ومش ححتاج مياه مقطره
2- 2 علبه هيبو او g12 كل علبه لتر ونص والباقى مياه مقطره
3- 1 علبه هيبو او g12 لتر ونص والباقى مياه مقطره
بس اللى فهمتو ان الهيبو وال g12 دول احسن لان فيهم ماده زيتيه بتزيت طرمبه المياه وتحافظ عليها ومش عارف الكلام ده صح والا اشتغاله بس عايز اعرف علبه والا علبتين وصح اكمل بمياه مقطره والا ايه وكام سعر العلبه العيبو وكام ال g 12 وايه الفرق بينهم وايه افضل؟؟؟
اسف للاطاله بس انا ديما بحب اخد الخبره من المنتدى هنا وتجارب الاعضاء فى اى حاجه تخص العربيه خصوصا لو الحاجه سمعت فيها فتى من ناس كتير وانا معنديش خبره فيها

[toyota_corolla]

هات فيبي لتر و نص دي انضف ميه حمرا جربتها و التر و نص ب 90 جنيه و حط الباقي ميه مقطره لان مينفعش نسبة الايثلين تزيد عن 50% عشان الماتور ليه درجة حراره معينه بيشتغل عندها الي هيا 90 فلو زودت الميه الحمرا المركزه عن كده او زودت نسبة الايثلين عن كده بيبقى نسبة التبريد زياده عن الزوم وده غلط على الماتور

[Moratoz]

هيبوا علبه واحده والباقي مياه مقطره وسعر ألعلبه من ٥٠ الي ٦٠ جم

[mazgangy]

هات فيبي لتر و نص دي انضف ميه حمرا جربتها و التر و نص ب 90 جنيه و حط الباقي ميه مقطره لان مينفعش نسبة الايثلين تزيد عن 50% عشان الماتور ليه درجة حراره معينه بيشتغل عندها الي هيا 90 فلو زودت الميه الحمرا المركزه عن كده او زودت نسبة الايثلين عن كده بيبقى نسبة التبريد زياده عن الزوم وده غلط على الماتور

تسلم يا باشا على ردك بس اجيبها منين فيبى دى وياريت معلومات اكتر عنها صناعه ايه او شكل العلبه او كده لان المياه الحمرا اللى اعرفها او شوفتها الموبيل او الهيبو او ال g12 الموصى عليها فولكس وتحياتى

[mazgangy]

هيبوا علبه واحده والباقي مياه مقطره وسعر ألعلبه من ٥٠ الي ٦٠ جم

تسلم يا باشا بس اعتقد هى سعرها غالى عن كده شويه بس مش فارقه المهم ان اللى بيعملى الصيانه مصمم على علبتين وبيقولى ده الصح ومش تسمع كلام حد وهات علبتين زى ما بقولك وهو راجل ثقه بصراحه فانا مش عارف ده مكن يضر الموتور والا ده الافضل والا ايه ومحتار وكل ما اقولو قريت او حد قالى يقولى اسمع الكلام ياعم وهات علبتين وهو راجل معرفه وثقه ومحترف فى الالمانى بصراحه ومش عارف بقى :(

[Amr_Azab]

علبة واحدة Hepu G12 وسعرها من 65 - 75 جنيه
وكمل الباقي مياه مقطرة
هو ده الصح

[Moratoz]

تسلم يا باشا بس اعتقد هى سعرها غالى عن كده شويه بس مش فارقه المهم ان اللى بيعملى الصيانه مصمم على علبتين وبيقولى ده الصح ومش تسمع كلام حد وهات علبتين زى ما بقولك وهو راجل ثقه بصراحه فانا مش عارف ده مكن يضر الموتور والا ده الافضل والا ايه ومحتار وكل ما اقولو قريت او حد قالى يقولى اسمع الكلام ياعم وهات علبتين وهو راجل معرفه وثقه ومحترف فى الالمانى بصراحه ومش عارف بقى :(:copy of rfds:

أنا تعاملت مع كذا مركز صيانه وناس ثقه وكلهم علبه واحده والباقي مقطره والسعر دا كان أخر مره اشتريتها

[mazgangy]

الحمدلله انا جبت علبه واحده هيبو ب 75 جنيه وكملت الباقى مياه مقطره وشكرا لكل الردود

[ahmad fattoh]

جبت الهيبو منين والاهم جبت المياه المقطرة منين لان دي اللي فيها اللعب

[mazgangy]

جبت الهيبو منين والاهم جبت المياه المقطرة منين لان دي اللي فيها اللعب

الهيبو من الهاشميه والمياه المقطره من بنزينه تعاون بس ازاى فيها لعب؟ هى العلب كانت متبرشمه ومكتوب عليها مياه مقطره للبطاريات والعلبه لتر الا ربع ب 2 جنيه ونص هى ممكن تكون مياه من الحنفيه برضوا؟؟!! يبقى مش عملنا حاجه ويتوب عليهم ربنا اللى علشان يسرق جنيه يبوظ للناس حاجات تتكلف كتيير :)

[Amr_Azab]

الفكرة من المياه المقطرة انها تبقي خالية من الأملاح
لكن في بعض البنزينات بتبقي المياه مضروبة يعني بتحتوي علي أملاح

[mazgangy]

الفكرة من المياه المقطرة انها تبقي خالية من الأملاح
لكن في بعض البنزينات بتبقي المياه مضروبة يعني بتحتوي علي أملاح

طيب انا اعمل ايه دلوقتى واتاكد ازاى انا عملت الهيبو لتر ونص وكملت بالمياه المقطره دى الباقى يارب توب علينا من الغش والمضروب اللى فى مصر ده بقى

[aw2100]

احسن مية مقطرة تحطها وانت مطمئن مية التكييف وبس !!!