تقييم لسيارة سكودا 2006 مانوال

[master_sami_sm]

كانت لدي سيارة نوبيرا 2 و بعتها .. و ابحث الان عن سيارة مستعمله في حدود 90000 جنيه .. من ضمن السيارات المعروضة علي النترا 2009 اوتوماتيك .. او ماتريكس اتوماتيك .. و سكودا اوكتافيا 2006 a5 عامله عداد 95000كم راشه اكصدامين و رفرفين خلفيين .. حالتها نضيفه و جيده بالمنظر العام .. صاحبها بيقول لسه مغير 4 كاوتش جديد و الصيانه بالتوكيل بالفواتير و هو ثاني يد مشتريها من 2010 .. سعر العربيه من 90 الي 95 الف.. انا خايف اشتري العربيه دي و ما اكملش حاجه و تبدا تطلب صيانه ..و معروف ان صيانتها مكلفه .. يا تري دا سعرها كدا كويس و لا اختار ايه انا محتار يا ريت اصحاب الخبرة يفيدوني و شكرا ...

[amrelsaqqa]

a4 ولا a5

[master_sami_sm]

a4 ولا a5

السيارة a5

[amrelsaqqa]

بالنسبة للسعر انا مش متابع السوق من فترة فما اقدرش احكم

بالنسبة للعربية اكشف في التوكيل وهيقولك الكبيرة والصغيرة فيها وعامة اغلب مشاكل الموديل ده في الفتيس الاوتوماتيك فكونها مانيوال دى ميزة فيها ، لو التوكيل اداك الاوك ما تقلقش وطبعا انت ليك برضه نظرة في الاول قبل ما تروح التوكيل تقدر تخمن العربية متصانة ولا متهانة عشان ما تروحش تكشف على عربية ما تستاهلش يتبص لها .. ربنا معاك ..

[kokowasfy]

اهم حاجة الكشف مبروك مقدما

[Moratoz]

كانت لدي سيارة نوبيرا 2 و بعتها .. و ابحث الان عن سيارة مستعمله في حدود 90000 جنيه .. من ضمن السيارات المعروضة علي النترا 2009 اوتوماتيك .. او ماتريكس اتوماتيك .. و سكودا اوكتافيا 2006 a5 عامله عداد 95000كم راشه اكصدامين و رفرفين خلفيين .. حالتها نضيفه و جيده بالمنظر العام .. صاحبها بيقول لسه مغير 4 كاوتش جديد و الصيانه بالتوكيل بالفواتير و هو ثاني يد مشتريها من 2010 .. سعر العربيه من 90 الي 95 الف.. انا خايف اشتري العربيه دي و ما اكملش حاجه و تبدا تطلب صيانه ..و معروف ان صيانتها مكلفه .. يا تري دا سعرها كدا كويس و لا اختار ايه انا محتار يا ريت اصحاب الخبرة يفيدوني و شكرا ...

لو أنتا من اسيوط شوف الاول عندك مراكز خدمه لأسكودا ولت لأ علشان متتعبش لو لأ خليك في الالنترا

[master_sami_sm]

هو فعلا في اسيوط مفيش مركز خدمه بس فيه ناس كتير خالص في اسيوط معاها سكودا بيقولوا ان اعطالها قليله و بيرحوا يعملوها في القاهره .. للعلم انا كانت معايا النوبيرا من 2008 حتي 2014 الشهر الماضي عملت بيها 49000 كيلو متر فقط خلال الخمس سنين ..ايه رايك

[طارق _عبد السلام]

رفرفين خلفين ؟ من غير شنطه ! ممكن بردوا بس ركز جدا بقى فى حوض العربيه من عند الاستبن
العربيه بجد اكثر من رائعه لكن اعتقد سعرها بالنسبه للاوتو عالى لان الاوتو بنفس المواصفات بتعمل نفس السعر
وكما قال لك الاستاذ عمرو المهم يكون عندكم حد بيشتغل فى سكودالانها عربيه مش اى ميكانيكى يفتى فيها

[master_sami_sm]

شكرا علي مشاركتكم و ردودكم .. خلاص انا قررت لو هاشتري اي عربيه اوكتافيا هاروح بيها التوكيل او لو صاحبها معاه تقرير من التوكيل ..و اثق فيه .. عشان اعرف كل حاجه عن العربية بس تكلفة الفحص فعلا 240 جنيه .. حد قاللي كدا .. و يوجد عندنا ميكانيكيه بيفهموا فيها و كهربائيه و عفشه ..و يوجد قطع غيار بس تقريبا جديد بس مفيش استيراد .. و لو تقرير التوكيل كويس و استخدماتي البسيطه اعتقد عربية زي دي ممكن تقعد معايا فترة من غير مشاكل او مصاريف .. ايه رايكم في الكلام ده..

[master_sami_sm]

ايه يا جماعه خلص الكلام و لا ايه فين المشاركات عايز رايكم ..

[J A G U A R]

شايفها غاليه شويه بس لو نظيفه يبقى سعرها معقول

[master_sami_sm]

شايفها غاليه شويه بس لو نظيفه يبقى سعرها معقول

فيه ناس تقول تمنها في التمانينات وناس تقول سبعينات بس محتاج حد يكون عنده خبره في سعر السوق يقولي رقم تقريبي لانه بدون معاينه العربية ما ينفعش نقول كلام نهائي وكمان عايز اعرف عنوان التوكيل و تكلفه الفحص