هاشترى اوكتافيا من بورسعيد ان شاء الله

[esam_refaat]

السلام عليكم
الاخوة المحترمين اعضاء قسم سكودا الموقر

ناوى اشترى اوكتافيا a4 من بورسعيد موديلات من 98 حتى 2002

المطلوب من حضراتكم النصيحة فى الاتى :
1- اخللى بالى من ايه بالظبط وانا بافحص العربية
2- ازاى اطمن لحالة الموتور
3- اخد مانوال ولا اوتو مع العلم مش باحب الحاجة اللى مشاكلها كتير او غالية قوى
4- اخر حاجة اسعار السوق لهذه الموديلات لما تكون الحالة نظيفة
وشكرا لكل من يكتب حرفا او معلومة

[waleedrahmy]

1-لازم يكون ليك معرفة جامدة او قريب من بورسعيد
2-تاخد معاك بوهيجي وميكانيكي ثقة ثقة جامدة جدا وعندهم خبرة جامدة والا يبيعوك هناك بغمزة عين
3-تاخد من المركب علي طول او من الميناء وتشترط علي التاجر كده وتتعامل مع التجار المحترمين
وبالتوفيق

[esam_refaat]

waleedrahmy شكرا لسعادتك

بس انا عاوز نصائح فى فحص السيارة نفسها ونقط ضعفها مش نصائح عامة
مع العلم اننى بافهم فى العربيات كويس وبسوق من 15 سنة بس مش المانى
وشكرا مرة تانية

[shawke hamed]

كما قال الاستاذ وليدجزاة الله خيرا

[طارق _عبد السلام]

لانك فاهم فى العربيات كويس الموضوع هيكون سهل عليك
وبعدين حضرتك مكتوب فى معرفك الشخصى عربيه ابيزا وهى نفس الشركه :) يعنى مش هتستغربها
العربيه الاستيراد بنظره عين ولفه ايدك عليها هتكتشفها على طول واغلب العربيات دى بتكون لسه بخيرها واختيار موفق ان شاء الله وربنا يهديك الى مافيه الخير ان شاء الله

[FAR!D]

بص في معلومه عرفتها من واحد كان مشتري من بورسعيد انك لما تبص على الكابوت حتلاقي اختام فولكس على البطاحات و على كل جزء من حوض العربيه وكده ديه معناها صنع الماني و غير كده بتبقى برازيلي

[esam_refaat]

بص في معلومه عرفتها من واحد كان مشتري من بورسعيد انك لما تبص على الكابوت حتلاقي اختام فولكس على البطاحات و على كل جزء من حوض العربيه وكده ديه معناها صنع الماني و غير كده بتبقى برازيلي

تمام معلومة مفيدة
جزاكم الله خيرا واصلح بالكم
بس برده محدش اتكلم فى نقط ضعف العربية اللى لو مخدتش باللى منها ممكن اقع فى عربية تقرفنى
ومحدش جب سيرة عن كييفية فحص حالة الموتور هل زى العادى اشوف بخر الزيت ولا ازاى ؟
والفتيس الاوتو فحصه ازاى ؟

[EngAhmedSayed]

بورسعيد
نصيحة اتاكد من كل حاجة من العربية و لو نقصة حاجة خليه يجيبهالك و اتاكد من اجراءات الورق و دى مهمة جداااا علشان متكتشفش انى فى ورقة ناقصة تيجى ترجع لتاجر يقولك ادفع علشان تاخدها يعم من دفعت يقولك لا ادفع تانى دى نصيحة
و لو انتا مش عاوز تكليف يبقى خليك فى المنوال
و بالتوفيق ان شاء الله

[jannatravel]

اهم حاجة اياك اياك اياك تدفع ثمن السيارة وانت واقف فى الاول بقى حوالى 10000 جنية قولة بعد الظهر اما الورق يخلص وتخلصة من الخزينة, الحاجة الثانية افتح ضمان السيارة هتلاقية فى الكاتالوج ومكتوب فية الصيانة بتاعة العربية بالكامل وسيرتها الزاتية ووداها الصيانة امتى وكل حاجة,
الحاجة التانية 80 فى المية من العربيات اللى هناك ضاربة وش سلندر
لازم مش يكون فى طحينة على الغطاء بتاع الزيت
اياك تسمع كلام اى حد هناك خالص
انت داخل عش دبابير
ماتسترخصشى هات اعلى عربية هناك ممكن تجيب ال a4بحوالى 55000 موديل 2002 مانيوال اتاكد من الكاويتش والبطارية بيبقوا بايظين . هبعتلك رقمى على الخاص

[EngAhmedSayed]

اهم حاجة اياك اياك اياك تدفع ثمن السيارة وانت واقف فى الاول بقى حوالى 10000 جنية قولة بعد الظهر اما الورق يخلص وتخلصة من الخزينة, الحاجة الثانية افتح ضمان السيارة هتلاقية فى الكاتالوج ومكتوب فية الصيانة بتاعة العربية بالكامل وسيرتها الزاتية ووداها الصيانة امتى وكل حاجة,
الحاجة التانية 80 فى المية من العربيات اللى هناك ضاربة وش سلندر
لازم مش يكون فى طحينة على الغطاء بتاع الزيت
اياك تسمع كلام اى حد هناك خالص
انت داخل عش دبابير
ماتسترخصشى هات اعلى عربية هناك ممكن تجيب ال a4بحوالى 55000 موديل 2002 مانيوال اتاكد من الكاويتش والبطارية بيبقوا بايظين . هبعتلك رقمى على الخاص

و دة اللى بخاف منه
ربك يستر

[forti]

خد بالك اوى من الموتور ليكون جايب فعلا وش سلندر و ساعات بيبقى عايز يتغير كامن مش موضوع وش سلندر بس
بص على مياه التبريد و شوف المياة الى فيها حمرا ولا لا و مستوى المياه فى القربة .. المفروض القربة الميه بتاعتها متنقصش خالص .. لو بتنقص و لو بسيط يبقى فى مشكلة
افتح غطاء الزيت بتاع الموتور و بص فى ظهرة شوف فيه طحينة ولا لا ..
لو انت خلاص اخترت عربية معينة دورها و سيبها دايرة شوية .. لو فيها حاجه هتبان
يعنى ممكن يكون ماسح الطحينة مع على غطاء الزيت .. لو سبتها دايرة شوية بعدين بصيت ممكن تكتشفها
صوت الموتور نفسه .. دوسة البنزين و كبسة البنزين توريك العربية متلتة ولا لا
الخلاصة خد بالك اوى من الماتور .. و ماتخدش حاجه عاملة كيلو متر كتير يعنى 60 - 80 بالكتير .. و على فى الموديل على قد ما تقدر
لو عرفت تجيب الشكل الجديد بيبقى من اول موديل 2000 بالنسبة للطابلوه و من اول 2001 بالنسبة للشكل الخارجى
و بالتوفيق ان شاء الله لو افتكرت حاجه تانيه هبقى اكتبهالك

[esam_refaat]

اهم حاجة اياك اياك اياك تدفع ثمن السيارة وانت واقف فى الاول بقى حوالى 10000 جنية قولة بعد الظهر اما الورق يخلص وتخلصة من الخزينة, الحاجة الثانية افتح ضمان السيارة هتلاقية فى الكاتالوج ومكتوب فية الصيانة بتاعة العربية بالكامل وسيرتها الزاتية ووداها الصيانة امتى وكل حاجة,
الحاجة التانية 80 فى المية من العربيات اللى هناك ضاربة وش سلندر
لازم مش يكون فى طحينة على الغطاء بتاع الزيت
اياك تسمع كلام اى حد هناك خالص
انت داخل عش دبابير
ماتسترخصشى هات اعلى عربية هناك ممكن تجيب ال a4بحوالى 55000 موديل 2002 مانيوال اتاكد من الكاويتش والبطارية بيبقوا بايظين . هبعتلك رقمى على الخاص

خد بالك اوى من الموتور ليكون جايب فعلا وش سلندر و ساعات بيبقى عايز يتغير كامن مش موضوع وش سلندر بس
بص على مياه التبريد و شوف المياة الى فيها حمرا ولا لا و مستوى المياه فى القربة .. المفروض القربة الميه بتاعتها متنقصش خالص .. لو بتنقص و لو بسيط يبقى فى مشكلة
افتح غطاء الزيت بتاع الموتور و بص فى ظهرة شوف فيه طحينة ولا لا ..
لو انت خلاص اخترت عربية معينة دورها و سيبها دايرة شوية .. لو فيها حاجه هتبان
يعنى ممكن يكون ماسح الطحينة مع على غطاء الزيت .. لو سبتها دايرة شوية بعدين بصيت ممكن تكتشفها
صوت الموتور نفسه .. دوسة البنزين و كبسة البنزين توريك العربية متلتة ولا لا
الخلاصة خد بالك اوى من الماتور .. و ماتخدش حاجه عاملة كيلو متر كتير يعنى 60 - 80 بالكتير .. و على فى الموديل على قد ما تقدر
لو عرفت تجيب الشكل الجديد بيبقى من اول موديل 2000 بالنسبة للطابلوه و من اول 2001 بالنسبة للشكل الخارجى
و بالتوفيق ان شاء الله لو افتكرت حاجه تانيه هبقى اكتبهالك

لكم جميعا منى كل الشكر والتحية
اثابكم الله خيرا فى الدنيا والاخرة

[unisman]

أ/ عصام لو حضرتك عايزني اجي معاك انا عايز اشوف انا كمان واحده و اهو نسلي بعض

انا من المحلة الكبري و مستعد اجي معاك و انا زيي زيك يمكن انت تفهم عني بس اهو :)

[esam_refaat]

أ/ عصام لو حضرتك عايزني اجي معاك انا عايز اشوف انا كمان واحده و اهو نسلي بعض

انا من المحلة الكبري و مستعد اجي معاك و انا زيي زيك يمكن انت تفهم عني بس اهو :)

اتشرف بيك طبعا
بس انا لسه هابدأ فى تقديم ورقى فى القومسيون بعد شهرين
انا بسأل من دلوقتى عشان اعمل حسابى فى السعر من الان
لانى كنت مركز على الكورى وبعدين فكرت فى الاكتافيا

[wisenada]

الحقيقة الأخوة غطوا كل النقط ومش باقى حاجة.

موفق فى الشراء إن شاء الله وربنا يرزقك بعربية تسعد بيها .. ويكفيك شرها.

تحياتى
محمد ندا