هسافر وعايز ارفع العربية

[dramr40]

السلام عليكم

عربيتى A4 وانا مسافر بره ان شاء الله وقت طويل (ممكن 3 سنين او اكتر) ومش عايز ابيعها وكان عندى استفسار فى 3 نقط :

1 - كنت عايز اعرف ارفع العربية ازاى علما بانى هاسيبها فى مكان مكشوف (جنينة البيت لصعوبة انى احطها فى جراج )

2 - وهل العربية عمرها ما هاتفضل على حالتها زى ما سيبتها ولا حالتها هاتسوء

3 - واخيرا الكاوتشات جديدة للاسف اشتريتها من شهر ونص ككنت بسأل كدا هاتبوظ ولا احافظ عليها ازاى

شكرا مقدما

[Amr_Azab]

طالما حضرتك حتسيب العربية فترة كبيرة يبقي يفضل تسيبها في جراج مقفول
وتشيل طبعا البطارية
وبالنسبة للكاوتش فممكن حضرتك تبيعه لان مهما حافظت عليه فهو ليه عمر أفتراضي
حتي لو منزلش علي الآرض وبيبقي في حدود 3 سنوات علي حسب طريقة التخزين
ولما ترجع ان شاء الله لازم حيتعمل للعربية صيانة نتيجة للركنة مده طويلة
بالتوفيق ان شاء الله

[EngAhmedSayed]

اتفضل
دة موضوع عن رفع العربية للسفر

http://www.nilemotors.net/Nile/156758-4.html

تروح و ترجع بالسلامة

بالتوفيق ان شاء الله

[omaranes77]

الافضل انك تحطها في جراج للامان اكتر وتشيل البطارية زي ما الخبراء قالوا

[mo3tazanas]

بص ياسيدى الفاضل
لو العربية حالتها ممتازة !!!!! ممتازة بمعنى الكلمة تبقى ترفعها وعاندك الخطوات بتاعتها زى ما الاعضاء ذكروا سابقا والكاوتش طبعا لازم تبيعة
اما لو العربية حالتها شغالة راى الشخصى بعها احسن لان ركنة العربية المدة الطويلة دى لما تجى تشغلها تانى فى حاجات فيها كتييييييييير هتتغير لانها هتكون باظت من الركنة وطب كمان العربية حالتها مش حلوة قوى يبقى الموضوع كدة مخسر يبقى تبعها احسن ولما تنزل هاتلك واحدة تانية

[المنسي]

من رايي الشخصى لو هتسافر مدة طويلة يا تبيعها وتشيل فلوسها ولما ترجع تجيب واحدة زيرو يا اما تسيبها لحد ثقة اخوك مثلا والدك كده يعنى

[AhmedBahgat]

يا تبيعها يا حد حبيبك يدورها ويمشيها شوية ويشغل التكييف مرة كل اسبوع

ركن اي جهاز او ألة بعد استخدامها لفترة عيوبه اكثر من نفعة

[dramr40]

شكرا جزيلا لكل الردود المفيدة

غالبا هاسيبها لأخويا زى ما الزملاء قالو