سؤال غريب حبتين تلاته اربعه

[unisman]

السلام عليكم و رحمة الله
احب الأول امسي علي رجاله احلي منتدي اللي مبيخلوش الواحد نفسه في حاجه الصراحه :d

انا كنت ناوي اتكل علي الله بأذنه و اجيب a4 و بعد كده شوفت المواصفات اللي بتنزل من المانيا المجهزه طبيا اتهوست

فقولت يا واد ما تيجي نشتري واحده من واحد و بعد كده سمعت كلام كتير اوي و بلاش و لو اتمسكت هتتاخد منك و الخ الخ الخ

جت في دماغي فكره مجنونه (الصراحه هم سؤالين اغرب من بعض)
السؤال الأول
هو انا ينفع اروح بور سعيد و اخلص في واحده موديل 2003 او 2004 بالمواصفات العظيمه دي و ادفع جماركها و تبقي خالصة الجمارك و ساعتها كمواطن عادي اقدر امشي بيها عادي جدا ؟

ولا لازم تكون مع واحد عنده اعاقة و شاريها و اخلصها منه

السؤال الثاني
ايه موضوع الرخصه المفتوحه اللي انا عمال اسمع عنه بقالي شهرين ده هل حقيقي ينفع واحد عنده اعاقه بدنيه يشتريها و اثناء فتره الحظر يطلع (ما يطلق عليه) رخصه مفتوحه و ساعتها ينفع اي مواطن عادي يشتريها و يمشي بيها و لا ده كلام نصابين

شكرا مقدما و دمتم للنضاااااااال

[omaranes77]

الصراحة مش عارف في الموضوع دة بس طبعا مواصفات الاوربي وهمية
بعد موديل 2000 المواصفات بتبقي
4ايرباج
abs +ebd

موتور يوجد منة تربو ويوجد منة عادي بس حضرتك ممكن تشتري واحدة فكة حظر ودة يبقي احسن وممكن استاذ احمد مجدي ( inspirion )
يفيدك لانو كان شاري واحدة من بورسعيد
تحياتي

[unisman]

تسلم يا غالي

ينفع كده يا عم احمد inspirion

تبقي شاري واحده من بور سعيد و متقوليش :) مستني ردك علي ناار

[exact]

السؤال الاول ده في الجون

[mo3tazanas]

عربيات المعاقين ما ينفعش حد يشتيريها من بورسعيد الا المعاق او تروح تخلص فى عربية من هناك بس لازم تتطلع باسم المعاق والعربية مش هتترخص الا باسم المعاق ولازم يكون معاة رخصة سواقة والا مش هتعلق نمر خالص.. وما ينفعش تدفع الجمارك بتاعتها الا بعد مرور 3 سنين علشان تفك حظرها بعد ما تدفع 9600ج او بعد 5 سنين وتفك حظرها ببلاش .... ولا رخصة مفتوحة ولا رخصة مقفولة كل دة اى كلام السيارة لا يقودها الا مالكها الى هو المعاق ولو اتقشت فى كمين هيخدوا منك العربية واى كلام تانى فى الموضوع دة يبقى حمادة بالجنزبيل

[unisman]

متشكر لحضرتك
بس معقوله مينفعش ؟
ده حتي يبقي غريبه علي الجمارك
مع ان دي سبوبه حلوه
اخر كلام :(

[lenasam]

فكرة رهيبة

[FAR!D]

عربيات المعاقين ما ينفعش حد يشتيريها من بورسعيد الا المعاق او تروح تخلص فى عربية من هناك بس لازم تتطلع باسم المعاق والعربية مش هتترخص الا باسم المعاق ولازم يكون معاة رخصة سواقة والا مش هتعلق نمر خالص.. وما ينفعش تدفع الجمارك بتاعتها الا بعد مرور 3 سنين علشان تفك حظرها بعد ما تدفع 9600ج او بعد 5 سنين وتفك حظرها ببلاش .... ولا رخصة مفتوحة ولا رخصة مقفولة كل دة اى كلام السيارة لا يقودها الا مالكها الى هو المعاق ولو اتقشت فى كمين هيخدوا منك العربية واى كلام تانى فى الموضوع دة يبقى حمادة بالجنزبيل

الكلام ده صح جدا 1000% و محدش يفكر عشان ميلبسش اسود مقلم بعد كده ههههه
اضافه بس لو اتقفشت اول مره حتدفع 3600 جنيه و تعمل تصالح مع الجمارك و حيستلمها المعاق اللي على اسمه و طبعا العربيه كل ده محجوزه و انت و حظك لو لقتها مش متقلبه
تاني مره بتتعمل قضيه للمعاق و تتلزم بدفع مبلغ 9600 جنيه و تستلمها ملاكي او ترجع تاني للجمارك و كأنك يا زيد ماغزيت
و العربيه المعاقين مبيسوقهاش الا المعاق و ممنوع التعامل عليها لا بيع ولا شراء اثناء وجود الحظر عليها والتعامل عليها امام القانون ولا ليه اي لازمه يعني في الاخر بتاعته بجانب المخالفه لقوانين الاستثمار
وموضوع انك تجيبها و تدفع جماركها مش متاح قبل 3 سنين
و في النهايه حتلاقي التجار في الاستثمار اخر استهباللللللللل واسعار هببببببل و يقولك ديه حاله يابيه حاله اه بس مش بتمنها ملاكي

[mido102]

بيتهيالي ممكن تجبها من بره استيراد وتدفع جماركها وتدخلها ملاكي بس جماركها بتبقي ضعف تمنها تقريبا ومعلومه مش متاكد منها

[FAR!D]

بيتهيالي ممكن تجبها من بره استيراد وتدفع جماركها وتدخلها ملاكي بس جماركها بتبقي ضعف تمنها تقريبا ومعلومه مش متاكد منها

الكلام ده ممكن في حاله انه المالك الاول ليها و جماركها حتكون خزعبليه

[mostafa magdy]

حاولت أعمل الموضوع ده من سنين أو تلاته .. و كان واحد من قريبي ..
بس زي ما الناس المحترمه إتكلمت .. فعلا العربيه مينفش يتدفع لها جمارك .. لازم تتكتب بإسم واحد معاق ..
و لو أتفقشت مش هتبقي مبسوط :d
ربنا يكرمك بحاجه كويسه تتمتع بيها و محدش يضايقك ولا يسحبها منك .. قادر يا كريم هههههه

[inspiron]

عربيات المعاقين ما ينفعش حد يشتيريها من بورسعيد الا المعاق او تروح تخلص فى عربية من هناك بس لازم تتطلع باسم المعاق والعربية مش هتترخص الا باسم المعاق ولازم يكون معاة رخصة سواقة والا مش هتعلق نمر خالص.. وما ينفعش تدفع الجمارك بتاعتها الا بعد مرور 3 سنين علشان تفك حظرها بعد ما تدفع 9600ج او بعد 5 سنين وتفك حظرها ببلاش .... ولا رخصة مفتوحة ولا رخصة مقفولة كل دة اى كلام السيارة لا يقودها الا مالكها الى هو المعاق ولو اتقشت فى كمين هيخدوا منك العربية واى كلام تانى فى الموضوع دة يبقى حمادة بالجنزبيل

+1111111111111111111111111111111111111111111111111 1111

كلام لذيذ لذاذة التنين

لما اشتريت أنا العربية معاقين من كام سنة كده مكنش فيه القلق بتاع دلوقتي لأن دلوقتي الموضوع بقا صعب جداً..وهي فعلاً كانت بمواصفات رهيبة

وقتها اشترتها بـ 57000 جنيه ودفعت 9600 جنيه فك حظر علي طول وبعد الحبشتكنات وقفت عليا بـ 69000 جنيه..وبعد إستخدام سنة ونص تقريباً قبل ما اشتري الفانتازيا بيعتها بـ 78000 جنيه :)

بس اللي عايز أقوله في الأول وفي الآخر الموضوع ده كله ( شِمال ).

ودمتم

[unisman]

متشكر جدل لأحسن رجاله و متشكر يا بشمهندس احمد انك دخلت حطيت ال تاتش بتاعك :)

انا هعمل موضوع بعد أذنكم طبعا هطلب فيه عربيه a4 و يا ريت تساعدوني و شكرا جزيلا

[unisman]

الكلام ده صح جدا 1000% و محدش يفكر عشان ميلبسش اسود مقلم بعد كده ههههه
اضافه بس لو اتقفشت اول مره حتدفع 3600 جنيه و تعمل تصالح مع الجمارك و حيستلمها المعاق اللي على اسمه و طبعا العربيه كل ده محجوزه و انت و حظك لو لقتها مش متقلبه
تاني مره بتتعمل قضيه للمعاق و تتلزم بدفع مبلغ 9600 جنيه و تستلمها ملاكي او ترجع تاني للجمارك و كأنك يا زيد ماغزيت
و العربيه المعاقين مبيسوقهاش الا المعاق و ممنوع التعامل عليها لا بيع ولا شراء اثناء وجود الحظر عليها والتعامل عليها امام القانون ولا ليه اي لازمه يعني في الاخر بتاعته بجانب المخالفه لقوانين الاستثمار
وموضوع انك تجيبها و تدفع جماركها مش متاح قبل 3 سنين
و في النهايه حتلاقي التجار في الاستثمار اخر استهباللللللللل واسعار هببببببل و يقولك ديه حاله يابيه حاله اه بس مش بتمنها ملاكي

كنت بمخمخ كده من كام يوم

طيب ايه رأيك لو خدت واحد صاحبي معاق مع شوية كوسه و روحنا اشترينا العربيه بحوالي 57000 بالحبشتكنات و بعدها بالكوسه عملنلها احني اول مخالفه و روحنا عملنا المصالحه مع الجمارك و دفعنا ال 3600 ج و بعدها روحنا ماسكين نفسنا تاني و عملنا القضيه و دفعنا ال 9600 ج و رخصناها ملاكي بأسمي في الأخر بإجمالي تكلفة 70200 يعني لوز اللوز

ما رأي سعادتكم

[FAR!D]

كنت بمخمخ كده من كام يوم

طيب ايه رأيك لو خدت واحد صاحبي معاق مع شوية كوسه و روحنا اشترينا العربيه بحوالي 57000 بالحبشتكنات و بعدها بالكوسه عملنلها احني اول مخالفه و روحنا عملنا المصالحه مع الجمارك و دفعنا ال 3600 ج و بعدها روحنا ماسكين نفسنا تاني و عملنا القضيه و دفعنا ال 9600 ج و رخصناها ملاكي بأسمي في الأخر بإجمالي تكلفة 70200 يعني لوز اللوز

ما رأي سعادتكم

ماليش دعوه يا عم انت حر ههههههههه