اوكتافيا a4 2003 اوروبي . مطلوب تسعير

[taaaaaaaaaa7]

السلام عليكم ورحمة الله وبركاته
شباب انا اشتريت العربية دي خلاص هيا معاقين والمستورد عم المدام عندي مش حد غريب بس انا لسه ماخلصتش معاه في الفلوس يعني هو اخد 30 الف وقاللي الباقي لما ترخص عربيتك انا فعلا رحت المينا اتفرجت عليها وهيا ماشاء الله زي ماهو باين كده في الصور وحستلمها السبت ان شاء الله من المينا وقدامها ممكن اسبوعين علي ماترخص بأذن الله ...
كنت عايز اعرف من حضراتكم لو عندكم فكرة العربية دي يكون سعرها في رينج كام .. هيا لو عربية وكيل كنت عرفت اقيمها بس انا مش بفهم في الاوروبي واليكم الصور

[magdy_c_c]

متاااااااااااااااااااااااااااااااااااااااااااااااا بع

[taaaaaaaaaa7]

وانا كماااااااااااااااااااااااااااااااااااااااااااااااا ااااااان

[unisman]

والنبي و النبي و النبي هاتها لفه :d

ما شاء الله ربنا يباركلك فيها و تاخد خيرها و يكفيك شرها

انا متابع معاهم :)

[islam_gamal50]

ربنا يبارك لك فيها ويعطيك خيرها ويكفيك شرها...
انا عندي ملحوظة صغيرة انا معايا موديل 99 اوروبي فيها سخانات كراسي ومسند لليد انا مش شايف من الصور ان فيها سخانات كراسي ولا مسند اليد بالنسبة للسعر الصراحه مش هقدر افيدك بس العربية شكلها نظيف والف مبروك يا باشا

[taaaaaaaaaa7]

علي فكرة يا استاذ يونس اللي قلتلك عليها العصر اخت دي في الحالة بس الشكل القديم من برة وزيها من جوة
بس زي ماقلت انا مشكلتي اني مش عارف اسعارها كام انا لما دخلت علي دوبيزل لقيت عربيات المعاقين اللي نفس الحالة بيطلبوا فيها 85 الف وحاجات كده
فمش عارف بصراحه
هو بيتكلم معايا في 75 بتمن المعاق مش عارف بأه بصراحه انا دفعت منها 30 الف وقاللي الباقي لما ترخص العربية لأني زي ماقلت هو مش غريب هو عم المدام فعايز اعرف العربية دي سعرها في السوق كام وهل بعد خمس سنين حخسر فيها كتير ولا لأ

[taaaaaaaaaa7]

الله يبارك فيك يا استاذ اسلام
هيا مش فيها مسند يد بس سئلت عليه قالو الاستعمال بحوالي 250 جنيه ومش فيها سخانات كراسي هيا تقريبا الهاف اوبشنز
بس برضه تقريبا معدل السعر ممكن يكون كام ؟؟؟

[mo3tazanas]

العربية دى فى بورسعيد من التجار بحوالى 60 الف من غير حساب الراجل المعاق + 10 الف معاق يعنى بالكتير 70 الف من التجار والتاجر اقل واجب كسبان من 8 الى 10 الف مكسب فى العربية الواحدة

[taaaaaaaaaa7]

هو انا رحت المنطقة الحرة عندنا في اسكندرية بس سمعت اسعار عبيطة والحالات اللي هناك مش زي دي بس فعلا اعتقد ان بورسعيد اسعارها احسن وانا عارف ده
بس انا مش عايز اروح بورسعيد وقلت حتي لو اغلي شوية بس من حد مني لأن الموضوع يقلق فمحتاج حد يكون ثقة وزي ماقلت المستورد عم المدام مش حد غريب وده اللي مريحني جدا ومش مخوفني وزي مانت شايف العربية نوعا ما حالتها كويسة

[mo3tazanas]

انا شايف انة عم المدام عاندك ممصلح عليك تمام وواخد حقة بذيادة كمان

[FAR!D]

انا شايف انة عم المدام عاندك ممصلح عليك تمام وواخد حقة بذيادة كمان

متولعهاش ههههههههه

[FAR!D]

اولا الف الف مبروك و ربنا يجلب عليك خيرها و يبعد عنك شرها
بص انا تقريبا قاليك انت ان بورسعيد اسعارها هبل و اسكندريه هبل الهبل ( بصراحه مش فاكر انت او حد تاني )
لكن اللي بتخده فعلا من العربيه المعاقين الحاله لو فعلا حاله و العربيه زي ماهيا واضحه حاله
لكن بخصوص السعر السعر حلو و ممكن يقل 2-3 الاف جنيه بس عديها عشان المدام ( ههههه) بس خلي بالك ان ده السعر لواحد عادي شاري من المنطقه الحره من تاجر ميعرفهوش ( لكن التاجر نفسه بيجبها اقل من كده بشويه حلويين )
بس بما انه تاجر او مستورد ويعرف تجار الاستفاده باه في طقم جنوط 16 و فرد كاوتش 215 حالتهم زيرو و مسند لليد و ياسلام لو يعرف يسقطلك مكنه 1800 مكان ال 1600 ( متقوليش مينفعش انا اعرف واحد مشتريها 1800 و مثبوته 1600 و بالحب )

[omaranes77]

اولا الف الف مبروك و ربنا يجلب عليك خيرها و يبعد عنك شرها
بص انا تقريبا قاليك انت ان بورسعيد اسعارها هبل و اسكندريه هبل الهبل ( بصراحه مش فاكر انت او حد تاني )
لكن اللي بتخده فعلا من العربيه المعاقين الحاله لو فعلا حاله و العربيه زي ماهيا واضحه حاله
لكن بخصوص السعر السعر حلو و ممكن يقل 2-3 الاف جنيه بس عديها عشان المدام ( ههههه) بس خلي بالك ان ده السعر لواحد عادي شاري من المنطقه الحره من تاجر ميعرفهوش ( لكن التاجر نفسه بيجبها اقل من كده بشويه حلويين )
بس بما انه تاجر او مستورد ويعرف تجار الاستفاده باه في طقم جنوط 16 و فرد كاوتش 215 حالتهم زيرو و مسند لليد و ياسلام لو يعرف يسقطلك مكنه 1800 مكان ال 1600 ( متقوليش مينفعش انا اعرف واحد مشتريها 1800 و مثبوته 1600 و بالحب )

باشا المكنة الي في العربية دي sr تيربو

[omaranes77]

مبروك وانا زي ماقولت لحضرتك 75 حلو اوي

[taaaaaaaaaa7]

انا شايف انة عم المدام عاندك ممصلح عليك تمام وواخد حقة بذيادة كمان

طيب يعني لو اخدتها ب سبعين يبقي تمام ولا ايه ؟؟؟؟
وزي ماقلتلك انا ممكن اكون دافع زيادة حبة بس فلوسي مضمونة وحقي محفوظ غير ما اشتري عربية من بورسعيد زي البطيخه وبختك يا ابو بخيت