عشان تركب سماعتين خلفي لاسكودا a5

[madridy1001]

هو انا عشان اركب سماعتين خلفي للعربيه هفك الفرش بتاع الباب كله ولا الوش فقط؟

[طارق _عبد السلام]

لازم الفرش

[wisenada]

هتفك الفرش كله .. لأن السماعة بتكون راكبة فى الباب نفسه ... الواجهة المخرمة هى بس اللى بتكون فى الوش.
.

[madridy1001]

تمام..طب التوصيل بيتم ازاي؟

[wisenada]

ده شغل الكهربائى علشان متعملش حاجة تحمل جهد زيادة على سلك السماعات لأنه حساس وقوته محدودة.
فلازم الكهربائى يبقى عارف جهد السماعة اللى هتركبها إنه مناسب للضفيرة.

تحياتى
محمد

[madridy1001]

للاسف صدمت واانا بفك الفرش الخلفي للباب...طبعا كنت فاكر هلاقي فيشه واربط السماعه والحياه هتبقا جميله..لكن الي حصل اني فكيت فرش الباب وملقتش الفيشه ولا حته سلكه توحد ربنا يا مسلم....فطبعا مردتش افتي اني اوصل علي اي سلك موجود...وهستني لما انزل ان شاء الله لكهربائي يعملهم...وهبقا ابلغكم بالنتيجه ^_^

[madridy1001]

وان شاء الله لو قدرت اصورهم وارفعهم هعمل موضوع بكده.