عندى مشكلة فى فوانيس فانتازيا

[Sout_Sout]

السلام عليكم
برجاء مساعدتى واعطائى حل للمشكلة دى
انا عربيتي الفانتازيا لاحظت من فترة ان الفوانيس زى مايكون مسرطنة
تمام
افتكرته اتصنفر من الشمس وعوامل الجو والجر والتراب وكده
روحت لواحد بوهيجى عشان يلمعهم وينضفهم
ولا اكن عملت اى حاجة
بس قالى ان السرطنة دى فى وش الفانوس كله مش الطبقة الخارجية
وهحط صور للفانوس للتوضيح
للعلم العربية 2010 توب لاين زينون متحرك (افقى ورأسى) (Auto-level)
وسألت على الفانوس سمعت ارقام فلكية الاصلى 3000 جنيه للواحد يعنى 6000 جنيه
وتايوانى ديبو 1600 للواحد 3200 جنيه
وصينة 800 جنيه
فى ناس قالتلى غير باغة (وش) فى مصنع الاهرام اللى فى التحرير
بس انا مش عارف اعمل ايه
هى شكلها سئ
ممكن ماتبقاش واضحة قوى فى الصور بس بجد على الطبيعه شكلة قذر
ياريت يا جماعه تقولولى احلها ازاى عشان انا صارف على العربيه 9200 جنية الايام اللى فاتت (ركبت ليدات اوريجنال + كاسيت RNS510 Columbus اصلى ) يعنى مستوى
وهحط موضوع لليدات ده والكاسيت عشان اوضح تجربتى
فى انتظار ردود الاعضاء

ياريت الحل بسرعه يا رجالة عشان شكلهم وحش قوى ومضايقنى جداً

[MuhamedNabil]

القشرة الشققت دى هى عبارة عن طبقة UV coating عشان يحمى الكشاف من الاصفرار.
لو مش مدايق من شكله سيبه و لة عايز تظبطه يبقى لازم يتصنفر و بعد كده يتلمع. بس لازم تنبه عليهم انهم يلمعوا من بره بس عشان سعات بيفكه و ممكن يبوظ جهاز الزينون او AFS

مع الركنة فى الشمس كتير حيصفر لان الطبقة الكانت بتحميه من الشمس حتكون اتشالت و يبقى لازم كل فترة تلمعه بالبوليش العادى من 8 - 10 اسابيع كده

[ahmedalaahosny]

بسم الله ماشاء الله ربنا يباركلك فيها

[Sout_Sout]

استاذ محمد متشكر لزوقك
بس انا صنفرته عند واحد واتلمع بالبولش والكمباوند كمان ومفيش فايدة
مش عارف اعمل ايه
بجد شكلها وحش جداً وبالذات لما بشغل النور
اولا بتضعفة
وكمان بيبان قوى انه فانوس قديم جداً
وعلى فكره العربيه مش بتتركن فى الشمس
دى بتتغطى بمشمع علطول
بس جت فتره اتركنت فتره طويلة ولما جيت اشيل المشمع لاقيت عليه زى زيت كده (غالبا فطريات )
فا مش عارف
اغير وش ولا مش كويس
فى ناس بتشكر فى بتوع الاهرام دول
ومش لاقيلها حل عدل

[Sout_Sout]

بسم الله ماشاء الله ربنا يباركلك فيها

الله يخليك ويبارك فى حضرتك

[Sout_Sout]

على فكره موديول الزينون وال afs بيتشالو من الفانوس عادى

[Eng.Tarek Eladwy]

جرب معجون السنان

[Sout_Sout]

ههههههههههههههه
انا صيدلى على فكره
وجربت جميع انواع معاجين السنان
هههههههههه

[omaranes77]

جرب معجون السنان

هههه معجون سنان
ههههه لية هو الفانوس مسوس
ههههعهععع
لصاحب الموضوع كان عندنا الموضوع دة بس a4
غيرنا لمبات وغسلنا الفوانيس

[Sout_Sout]

مش مشكلة غسيل
انا مجربتش
بس اعتقد انه ماينفعش عشان الفانوس عندى فيه كارته من جوه
والمايه مش صح على الكارته

[MuhamedNabil]

محتاجة تتصنفر اكتر لحد لما الطبقة دى تتشال خالص. بتتعمل فى الحرفيين.

الحل البديل بس تكلفته حتكون اعلى شوية انك تشترى كشفات استيراد بتاعت البيز لاين و تاخد الوش و تركبه مكان العندك.
الوشوش البتتعمل هما بصراحة بترخص شطل العربية قوى.

لو عايز تجرب بنفسك هات صنفرة 800 و سيبها فى الماية لحد ماتطرى و ابتدى فى حتة جانبية فى الكشاف و اول لما تلاقى العلامات دى راحت تبتدى تدرج صنفرة 1000 >> 1500 بنفس الطريقة برده
و فى الاخر تلمعه كومبون و بعدين بوليش
و اهم حاجة لو بتعمل الموضوع ده و الكشفات راكبة لازم حولين الكشاف بلزق يكن محمل شوية
الموضوع مرهق شوية .

[Sout_Sout]

جربت والله لحد صنفرة 200 كمان
ولا بتروح ولا بتقل ولا اى حاجة خالص

[Sout_Sout]

باشا هى الفوانيس بتاعت البيس لاين دى هتكلف قد ايه تقريبا؟؟؟
معلش تاعبكم معايا

[Sout_Sout]

ايه يا جماعة
مالهاش حل؟؟؟؟؟؟

[destaroser]

يؤسفني أني أقولك

ملهاة حل يا باشا
أنا كان عندي نفس المشكلة في عربيتي ٢.١١ روحت مركز الصيانة قالي عيب صناعه
حظي كان كوسي ان العربيه في الضمان غيرهملي
لو مش فارق معاك الشكل كبر دماغك هم مش حبيانو غير اللي يوقف قدام العربيه
مش مستاهلين مصاريف