ليدات leds لسكودا فانتازيا drl

[Sout_Sout]

السلام عليكم يا رجالة الاسكودا
حبيت النهاردة انى ابدأ اشاركم بتقييماتى ومعلوماتى عن الاسكواد فانتازيا
عربيتى 2010 لونها باذنجانى - وكيل - جنوط 16 - حساسات خلفية فقط - GPS - AFS - فرش جلد طبيعى بيج

انا بحب اعدل فى عربيتى بس التعديلات الاصلية بس لأن بصراحة بعشق رونق الاوروبى وبالذات الالمانى وبصراحة مش بيليق عليها غير الاصلى
زى ما قلت للناس فى موضوعى بتاع الفوانيس بتاعتى (اللى بشتكى من انها مسرطنة) انى هعمل تقييم عن
ليدات DRL
انا بحب جداً شكل الليدات بس اللى بتنزل بتاعت العربيه (الاصلية)
وانا بعمل صيانة ال 100 طلبت منهم ليدات عربيتى الاصلية من نور الدين الشريف وكيل سكودا فى الاسكندرية
طلبتة وجالى علطول
المهم
روحت وركبته
اولا هو بيركب مكان الطبتين اللى جنب الشبكة (غطاء الهوك ) والناحية التانيه
زى فى الصورة
دى قبل


ودى بعد التركيب
















اظن على الرغم ان حجمة صغير حبة بس برضة الاصلى اصلى بتتشال الطبات دى وبيجى طبتين بالليدات
يعنى بتاع الفنتازيا فقط
الليدات دى 2 درجة
درجة مع الكونتكت DRL وبتبقى قويه جداً
ودرجة مع النور الواطى ودى بتبقى اضعف شويه عشان متبقاش حادة قوى وممكن تتلغى بفصل وصلة النور الصغير (كنت عاملها الاول كدة و وصلتها لما لاقيت اللى فى المرسيدس كده)
وبيبقة معاه موديول ال Control
بجد شغل نضيف
كل اللى يشوفه يفتكر العربيه بتنزل بيه

وبجد نوره جميل جداً وفوق الوصف بالزبط وزى اى عربية المانى بتنزل بليدات ومفيش لمبة منورة فى الطابلوه ولا error على الكمبيوتر
(على فكره انا عندى كابل ال VAG -VCDS) ومسجلش اى خطأ
نيجى للسعر
هو غالى حبه بس بصراحة يستاهل وانا مش ندمان نهائياَ بالرغم ان فى كتير صينى بس بصراحة شغل عك جداً

السعر 1200 جنيه

أى استفسار انا فى الخدمة

د.أحمد اسماعيل

[omaranes77]

بسم اللة ماشاء اللة

ربنا يبارك لك فيها باذن اللة

[Sout_Sout]

ربنا يخليك يا عمر

[samoreception]

ما شاء الله جميل جدا ومفيش احلى من الاصلى وفى قاعدة انا ماشى عليها فى حياتى (الغالى رخيص )

[Moratoz]

ما شاء الله جميله

[EngAhmedSayed]

اية الحلاوة دى
ماشاء الله
ربنا يكفيك شرها و يستر عليك و علينا

بالتوفيق ان شاء الله

[Sout_Sout]

الف شكر يا رجالة
انتو كدة هاتشجعونى انى اعمل مواضيع كتير