صوت طقة واحدة مع المطبات او الحفر فانتازيا

[Sout_Sout]

السلام عليكم يا رجالة
من فترة كدة لاحظت ان عربيتى فيها صوت طقة واحدة مع المطبات (طقة واحدة بس)
المهم لفيت على الصنايعية والتوكيلات والحبشتكانات
التوكيل قالى على الحل بس حل منيل طبعاً
انه يغير طقم السوست والمساعدين اللى قدام
طبعاً تكلفة مرضيتش حتى انى اسأل على تمنهم
المهم
قعدت الف واسأل لحد الحمد لله لاقيت الحل
بصوا يا رجالة
عشان اللى عندة المشكلة دى يحلها
هاتروح لواحد عفشجى يكون نضيف فى شغلة
وتقولة اعزلى السوست
بيفك المساعد والسوسته برة العربية
ويجيب خرطوم اسود سميك
ويدخل السوستة فيه
ويركب كل حاجة تانى فى مكانها
طب ايه لازمة الموضوع ده
بصوا يا شباب
السوست بتركب بين البطاحة وكورسى المساعد
تمام
المفروض فيه جلدة بتتحط بينهم عشان احتكاك الحديد
وبما ان العربيات دى مش معموله للمرمطة بتاعت بلادنا
فا مش بيحطوا الجلدة دى
بس بيعزلوا السوست بطبقة دهان عازلة
ومهما كان نوع الدهان ده حديد بيحك فى حديد
بيتاكل طبعاً وتبدأ تسمع الصوت ده لما العربيه تنزل فى حفرة
انا جربت الموضوع ده واتحلت المشكلة تماماً ونهائياً
والناس ماتخافش من الموضوع ان فيه خطورة
انا كنت سألت الاستاذ خالد على الموضوع ده واكدلى ان مافيهوش اى خطورة
انا كتبت الحل عشان اوفر على الناس الحل لأن انا تعبت كتير على ما وصلت للحل ده
والحمد لله العربيه معايا تمام جداً مافيش اى صوت من اى نوع والحمد لله
واى استفسار انا فى الخدمة

[Mahmoud/Nabil]

نفس ال كان بيحصل في الكيا سيراتو الشكل القديم و نفس الحل .... احنا مينفعش نستورد عربيات زاي اي بلد تانيه احنا المواصفات مش موجوده في بلد تانيه

[ahmedhassan92]

نفس ال كان بيحصل في الكيا سيراتو الشكل القديم و نفس الحل .... احنا مينفعش نستورد عربيات زاي اي بلد تانيه احنا المواصفات مش موجوده في بلد تانيه

فكرة رائعة يا باشا بس يا ريت تقولنا عملتها فين و اتكلفت اد ايه؟؟ ده بعد اذنك طبعا لو مايضايقكش موضوع التكلفة :)

[fadi atef fayz]

فعلا الكلام دة صحييح حصل معايا فى لانسر بومة و عملت نفس الحركة دى بس برفع العربية بالكوريك لغايت لما الكاوتىش يبقى فى الهوا و بعدين بمفك جامد بنزل حتة السوسة الى لامسة البطاحة و احطلة حتة خرتوم بس عن خبرة اشترى خرطوم تقيل و يكون محمل بس كدة و بنزل العربية من غير فك و تربيط و كل 5 شهور كدة لاما تعمل الصوت تانى بغير الخرطوم

[Sout_Sout]

انا عملتها عند واحد فى مدينة السادات
اوكى
والتكلفة انا ساعهتا غيرلى بيضة مقص كانت فيها بداية بوش وركبلى جلد ل اتنين بيضة عندى وتربيط وزبط زوايا كله كلف 160 جنيه
وخلو بالكم يا جماعة
موضوع الجلد بتاعت البيض بتتاكل بعد فترة
لازم كل فترة يتشيك عليهم عشان لو محتاجة جلدة
ولو ماتعملتش هايدخل تراب والشحم هايسيح وتبوظ
وطبعاً لازم يحطلك شحم نضيف بيبقى معمول مخصوص للكبالن والبيض (شحم ناعم)

[amz2011]

متابع

[omaranes77]

اللة ينور عليك

[samoreception]

شكرا للموضوع وافادة الاعضاء
وشكل العربية اتحسدت لما ركبتلها الليدات ولا ايه ههههه
ممكن استقسار لما حضرتك كنت فى توكيل نور الدين مسالتهمش فيه ايه تانى كماليات للفانتازيا ؟

[Sout_Sout]

الحمد لله
امال هايحصل ايه لما الناس تعرف ان انا اشتريت جهاز rns510 اللى هو dvd navi أصلى سكودا موديل 2014
هههههههههههههههه

[Sout_Sout]

بص يا باشا
الكماليات اللى موجودة
- حلية شكمان عادية ؟؟؟ جنيه
- حلية شكمان عريضة 600 جنيه (بصراحة تستاهل لأنها بتركب مكان فتحة الشكمان والوش اللى جنبة وبتبقى عريضة جداً و نفس رسمة الاكصدام)




- طقم مساعد كبوت 580 جنيه (برضه كويس لان مكان تثبيت دراع الكبوت بلاستك وبيتكسر ) وهو دراع واحد وقطعة التثبيت والمسامير وبيساعد معاك
انا عملتها بطريقة موفرة هعمل عنها تقرير

- نيكل المرايا ؟؟؟
- نيكل شنطة ؟؟؟
- نيكل عتب داخلى مكتوب عليه سكودا ؟؟؟
- عندهم حساسات مضروبة (رغم عندهم الاصلى بس قطع غيار ومش بيعرفوا يركبوه ) ؟؟؟
بالرغم انى كنت لسه بفكر اعمل عربيتى حساسات اصلية امامية بالكنترول والزرار اللى فى الطابلوه واعملة زى الفابريقة بس بدرس الموضوع عشان قدامى ان اركبلها نظام ركن آلى كامل زى الباسات وبيجى معاه حساسات جانبية وامامية وكمان خلفيه بالاضافة لحساس ال abs وبرضه بتاع الفابريقة بتاعة اوروبا
- زينون مضروب 800
- جراب ريموت جلد طبيعى
- لباد كبوت (وده مهم جداً عشان بيحافظ على بوهية الكبوت بالاضافة لعزل الموتور) 400 جنيه
- وش موتور فبر (للى مش عنده--انا عندى) 350
- نيكل مقابض ( بكرهها وبحس انها فلح جداً) ؟؟؟ ومتستاهلش حتى ببلاش
- جنوط اصلية معظم الاشكال بس غاليه
تقريباً ده اللى فاكره دلوقتى

[Amr_Azab]

الله ينور علي نقل التجربة
موضوع بسيط بس بيضايق جدا وبيحير ناس كتير بصراحة

[samoreception]

بص يا باشا
الكماليات اللى موجودة
- حلية شكمان عادية ؟؟؟ جنيه
- حلية شكمان عريضة 600 جنيه (بصراحة تستاهل لأنها بتركب مكان فتحة الشكمان والوش اللى جنبة وبتبقى عريضة جداً و نفس رسمة الاكصدام)




- طقم مساعد كبوت 580 جنيه (برضه كويس لان مكان تثبيت دراع الكبوت بلاستك وبيتكسر ) وهو دراع واحد وقطعة التثبيت والمسامير وبيساعد معاك
انا عملتها بطريقة موفرة هعمل عنها تقرير

- نيكل المرايا ؟؟؟
- نيكل شنطة ؟؟؟
- نيكل عتب داخلى مكتوب عليه سكودا ؟؟؟
- عندهم حساسات مضروبة (رغم عندهم الاصلى بس قطع غيار ومش بيعرفوا يركبوه ) ؟؟؟
بالرغم انى كنت لسه بفكر اعمل عربيتى حساسات اصلية امامية بالكنترول والزرار اللى فى الطابلوه واعملة زى الفابريقة بس بدرس الموضوع عشان قدامى ان اركبلها نظام ركن آلى كامل زى الباسات وبيجى معاه حساسات جانبية وامامية وكمان خلفيه بالاضافة لحساس ال abs وبرضه بتاع الفابريقة بتاعة اوروبا
- زينون مضروب 800
- جراب ريموت جلد طبيعى
- لباد كبوت (وده مهم جداً عشان بيحافظ على بوهية الكبوت بالاضافة لعزل الموتور) 400 جنيه
- وش موتور فبر (للى مش عنده--انا عندى) 350
- نيكل مقابض ( بكرهها وبحس انها فلح جداً) ؟؟؟ ومتستاهلش حتى ببلاش
- جنوط اصلية معظم الاشكال بس غاليه
تقريباً ده اللى فاكره دلوقتى

ربنا يخليك يا باشا وشكرا للمعلومات والاسعار والحلية النيكل بصراحة تحفة
ولباد الكبوت مهم فعلا
وانا عندى العربية فيها حساسات ركن خلفى فقط ونفسى اركبلها حساسات ركن امامى بالزرار زى اللى بتنزل فى الخليجى بس مش واثق فى حد انه ممكن يعرفة يركبها زى شغل الفابريقة ياريت لو لقيت حد او حل تبلغنى