ارجو المشاورة من رجالةواهل الخبرة لسكودا الاوكتافيا a5

[ebrahim_mh]

باختصار انا اقدامى عربية اوكتافيا a5 موديل 2006للبيع سعرها 110المهم العربية نظيفة اوى وفابريكه وحالة الصالون ممتازة جدا والتكييف تمام وفرشها نظيف اوى من الاخر العربية فابريقة بره وجوة الغريب فى الموضوع انها عاملة
52الف كيلو هتقولو ديه لقطة بس الاغرب ان طاره الدركسيون بايظة ومشققة والكلاكس مقطوع عند علامة الاوكتافيا والطارة كأ ن وكلها فأر
السوال هنا ممكن يكون اللى عايز يبعها لاعب فى العداد وﻻ ايه وهل التوكيل ممكن بكتشف ده مع العلم ان الراجل بياكدلى انه العداد سليم وهو تانى جديد
نرجو النصح من اهل الخبرة وشكرى للجميع حتى يستفيد الكل

[omaranes77]

دركسيون متششق
دي كدة فاتحة ايرباج يعني
المهم يفضل الكشف في التوكيل عشان تتاكد

[ebrahim_mh]

هل التوكيل يقدر يكشف انها ملعوب فى عدادها وﻻ ﻵ

[ebrahim_mh]

مع العلم ان تاره الديركسيزن مقطوعة نتيجة الضغط على الكلاكس

[taaaaaaaaaa7]

العداد بيتقلب عادي جدا في الاسكودا . ومن كلامك ممكن جدا يكون العداد مقلوب .. انا بايع عربيتي عاملة 316000 كيلو موديل 2003 بعدها بيومين قابلته عشان اديله التوكيل لقيت عدادها 108000 كيلو . العداد بيتقلب ب 150 جنيه ... نصيحه خد الراجل والعربية واطلعوا ع التوكيل واشترط عليه ان العداد لو مقلوب مش حتشتري ...
نصيحه كمان حاول تنزل 3 او 4 الاف جنيه
انا حمايا معاه واحده 2007 زيروووووووووووووووووووووووو وعايز ال 110 دول حاول تكسر شوية في السعر

[omaranes77]

مع العلم ان تاره الديركسيزن مقطوعة نتيجة الضغط على الكلاكس

مستحيل تتقطع
واحد اعرفة معاة a5 ماشية 210 الطارة مش مشققة ولا فيها الهوا
المهم لو عايز تتاكد من العداد
الموتور والغتيس هما الي هابينولك في الكشف في التوكيل

[طارق _عبد السلام]

لا كده لازم كمان تتاكد من موضوع الفابريكه ده يعنى لازم تكشف كويس
وموضوه الشرخ اللى فى الدريكسيون ده تحته كبسوله الايرباج وممكن يتشرخ عادى بس ازاى مع العداد ده
شوف المهم جدا الاول تتاكد من دهان الفبريكا ولو الدريكسيون مشقق لازم هتلاقى انتفاخات فى التابلوه وفرش الابواب من ناحيه الزجاج (الجلد)
وتأكد من الفتيس ولو كله تمام العب معاه فى السعر من خمسه لتلاته تحت السعر
ولو هى حاله فعلا متسيبهاش بس كده اعمل حسابك على 5 الاف اقل واجب صيانه 60 الف كيلو

[MAHMOUD MOHAMD]

100% فيها حاجه ومش تتعب نفسك وتكمل انت بتدفع مبلغ مش صغير دور على حاجه احسن
ومنظر الطاره دا معناه ان العربيه مستهلكه ولو هوا بيفهم كان وهوا بينزل العداد كان غيرها بس تلاقيه استغلاها
حسبى الله ونعم الوكيل فيهم دى مش شطاره
اصلها حصلت مع واحد صاحبى ونفس الموديل وبعد ما اشترا والله صرف عليها 70 الف وباعها لما قرف بخساره كبيره

[ebrahim_mh]

شكرا لردود الجميلة
انا بفكر اصرف نظر عشان القصة ديه شكلها كلها حاحات مش مظبوطة
ازاى عربية عامله العداد والطاره كده ايه يا رجالة اسكودا
هى طاره عربية دايو ازاى بعد 50الف كبلو تتمسح كده استحالة مع كامل خبرتى فى العربيات
انا شوفت عربيات كيلوهات اعلى والطاره زى الفل ومافيش قطع
اكييد الراجل ده لاعب فيها هو للاسف هيخلينى اشك فيها وهدخل فى حورات كشف وتوكيل وفلوس
هتتدفع والله واعلم

[omaranes77]

ﻷ سسيبك منها يا باشا

[kamanana44]

سيبك منها وتعالي خد عربيتي