الزجاج الامامي مكسور

[yadak_it]

الزملاء الافاضل
الزجاج الامامي اتكسر تنصحوني باني اغيره فين يا جماعه في التوكيل عامل بالتركيب حوالي 1900 جنيه وبره في اسعار كتير وانا محتار

[amr011111]

غيره بزجاج دكتور جريش لو انت قريب من مصنع العاشر غيره هناك. لو مش قريب منه اسمع انه له منافذ توزيع وتركيب فى كل المناطق
او عند اى حد بتاع زجاج بس هات ماركة دكتور جريش

[omaranes77]

دي a4
!!!!!!!!!!!!!؟؟؟؟؟!!!!

[yadak_it]

اوكتافيا a5 فانتزيا

[elpasha1]

لو قريب من اكتوبر
في مصنع اسمة امان سيفتي في المنطقة الصناعية امام مصنع جبنه االمصريين
ارخص زجاج في مصر وزي الاصلي بالضبط

[Sout_Sout]

التوكيل
برة مش هايبقى الفنش حلو وعن تجربة فى عربيتى الفورد
التوكيل بيبقى عنده ادوات نضيفة وبيغير الزجاج وجوان معاه عشان فبرة المساحات تركب كويس
ودى نصيحة
انته بتضحى بمبلغ اكبر عشان عربيتك ترجع زى الاول
انا واحد غيرلى الزجاج الامامى وجودة الزجاج معقولة
بس فيه تمويجة بسيطة بس مش مشكلة
لاكن يكفى ان لما بغسل العربية فى مية بتدخل جوة الصالون
وده عشان بيستخدم الجوان القديم
لكن الجوان لازم يتغير وسيليكون نضيف

[sakr_skoda]

بدون تفكير بجد دكتور جريش فى العاشر من رمضان ومش حتندم***

[mohmok]

دكتور جريش محترمين من حيث الجودة و التقفيل وذلك عن تجربة

[taaaaaaaaaa7]

اوكتافيا a5 فانتزيا

نصيحة استغني عن ال 2000 جنيه وركبه في التوكيل
الموضوع يا جماعه مش نضافة ادوات ... الموضوع في نوعية الزجاج نفسه دكتور جريش استثماري وبعد شهر بتلاقيه البلورات الكريستال اللي جوة الازاز بانت وبيضايق في المشي
الاصلي في التوكيل مفيش الكلام ده
انا بقول الكلام عن تجربة لأني غيرت الازار بتاع دكتور جريش ب 380 جنيه ويادوب شهر وحصل اللي قلت عليه
تاني حاجه مهمه جداااااااااااا السيليكون اللي بيتلزق بيه الازاز في التوكيل اصلي غير اللي برة .. السيليكون اللي برة رخيص وبيعمل بارومة في الصاج اللي شايل الازاز ... يعني لاقدر الله بعد فترة حتلاقي الشتا بيغرق التابلوه من جوة وبعدها بشوية تلاقي الازاز واقع جوة
رغم اتني مش من هواه التعامل مع التوكيل بس في حاجات لازم تتعمل في التوكيل منها الازاز
واخيرا عربية حضرتك عربية قيمة ... لو عملت الازاز برة حتنزل من قيمة العربية

[madridy1001]

نصيحة استغني عن ال 2000 جنيه وركبه في التوكيل
الموضوع يا جماعه مش نضافة ادوات ... الموضوع في نوعية الزجاج نفسه دكتور جريش استثماري وبعد شهر بتلاقيه البلورات الكريستال اللي جوة الازاز بانت وبيضايق في المشي
الاصلي في التوكيل مفيش الكلام ده
انا بقول الكلام عن تجربة لأني غيرت الازار بتاع دكتور جريش ب 380 جنيه ويادوب شهر وحصل اللي قلت عليه
تاني حاجه مهمه جداااااااااااا السيليكون اللي بيتلزق بيه الازاز في التوكيل اصلي غير اللي برة .. السيليكون اللي برة رخيص وبيعمل بارومة في الصاج اللي شايل الازاز ... يعني لاقدر الله بعد فترة حتلاقي الشتا بيغرق التابلوه من جوة وبعدها بشوية تلاقي الازاز واقع جوة
رغم اتني مش من هواه التعامل مع التوكيل بس في حاجات لازم تتعمل في التوكيل منها الازاز
واخيرا عربية حضرتك عربية قيمة ... لو عملت الازاز برة حتنزل من قيمة العربية

كلام سليم ومحترم جدا.

[samoreception]

نصيحة اوووووووووووووووووووووعى تغيره فى اى مكان غير التوكيل لانى زجاج الفانتازيا ملوش جوان جارجى والجوان الداخلى بتاعه بيجى مع الزجاج الاصلى فقط ولما بتفك الزجاج القديم بيتقطع ومهما تحط سيلكون هيدخلك ميه فى الصالون ويبهدلك الدنيا والسقف فنصيحة اخوية غيرة فى التوكيل لانه بيبقى اصلى زى اللى بينزل فيها بالملى وسيلكون الفابريقة ومفيش تسريب ميه ولا هواء لو فى نوع عربية تانى هقولك جريش او امان انما الفانتازيا لالالالالالالالا لانه ملوش جوان خارجى

[ابو ابراهيم]

غيرة برة التوكيل ( سيبك منهم )
برا مش هايزيد عن 500 جنية لية 2000 جنية يعني



عن تجربة

[wisenada]

الغريب فى هذا الموضوع إن اللى موافق على برة التوكيل ... بيقول عن تجربة.
واللى مصمم على تغيير الزجاج جوه التوكيل برضـــــة ....... بيقول عن تجربة.

طيب الراجل يعمل ايه دلوقتى ... ويسمع كلام أى تجربة فيهم ... ؟؟؟
عالعموم .. بالنسبة للفانتازيا ـ ربنا يحرسها لك ـ ألفين جنيه مش خسارة فيها علشان تفضل فى المضمون.
تحياتى
محمد ندا

[taaaaaaaaaa7]

الغريب فى هذا الموضوع إن اللى موافق على برة التوكيل ... بيقول عن تجربة.
واللى مصمم على تغيير الزجاج جوه التوكيل برضـــــة ....... بيقول عن تجربة.

طيب الراجل يعمل ايه دلوقتى ... ويسمع كلام أى تجربة فيهم ... ؟؟؟
عالعموم .. بالنسبة للفانتازيا ـ ربنا يحرسها لك ـ ألفين جنيه مش خسارة فيها علشان تفضل فى المضمون.
تحياتى
محمد ندا

انا قلتله اعمله في التوكيل بالرغم من اني مش من هواه التعامل مع التوكيل وتجربتي مع تغيير الزجاج كانت برة التوكيل عشان كده بنصحه بالتعامل مع التوكيل لأن العربية قيمة ولازم يتعمل فيها الصح وهو لو ( سابه مننا ) زي ما الاستاذ بيقول براحته بس اكيد الاستاذ كان بيسوق ومش شايف قدامه النقط اللي جوا الازاز اللي ظهرت بعد اقل من شهر بسبب انه استرخص
علي فكرة انا غيرت الازاز برة التوكيل وحصل اللي قلت عليه واحنا بننصح وعليه الاختيار بعد توفيق ربنا

[yadak_it]

انا فعلا قبل ما اكتب الموضوع ده كان حيران بين اتنين د جريش والتوكيل ، بس انا قلت اصبر واقري آراء الناس والخبرات السابقة في موضوع تغيير الزجاج .
بس انا كده اقتنعت بان أغيره في التوكيل
شكرًا لمساعدتكم