قررت اغير الفنتازيا الي a7

[montary]

السلام عليكم
اولا بقدم التحيه لكل شخص موجود في المنتدي و خصوصا قسم الاسكودا .
والف مبروك للقسم و اعضاءه الحصول علي لقب افضل قسم صاعد و ان شاء الله نبقي افضل قسم في المنتدي .

ان شاء الله قررت اغير الفنتازيا بعد ما بدأت تفتح بقها , انا اسمي محمد اسكندراني مقيم في قطر
بصراحه انا كنت مرتاح جدا مع الفنتازيا لكن اخر 3 اشهر فتحت بقها وهنا في قطر اسعار قطع غيارها نااااااار كفايه اقولكو اني لسه مغير سربنتينة التكييف ب 3800 ريال ( حوالي 7500 جنيه ) المهم مش عايز اطول عليكم وان شاء الله هعمل زياره للوكيل عشان اشوف ال a7 ايه نظامها و هشارككم معايا التجربه
ده طبعا لو حبيتو :) بس اكبر مشكله عندي دلوقتي هي بيع الفنتازيا لان السوق هنا عكس مصر تماما بس سمعت ان الوكيل ممكن يشتريها تاني خلينا نشوف ايه النظام :)

[hossam_elwani]

بالتوفيق احسنلك بس مش خايف من الفتيس dsg

[Adnfalcon]

dsg دا فاشل واعطاله مميته تمنه يعدي 70000

[mo7a_mo7a]

للاعضاء اللي قلقانين من الفتيس
الضمان في قطر غير مصر احنا عندنا الضمان سنتين فقط وهو ده اللي بيخلي القرار صعب جدا

ده اولا

ثانيا ممكن الاخ الفاضل يشوف لو متوفر هناك الاكتافيا 1800 تربو دي اولا مالتي لينك مش تورشن بيم
ثانيا الفتيس بتاعها مفيش منه مشاكل وهو مش جاف لا ده عايم في الزيت


تحياتي

[Adnfalcon]

كده كده يقلق منه حتي فأي دوله تانيه لأن بعد فتره الضمان هيلبسه
ومعاك ف حوار 1800 تربو

[hossam_elwani]

للاعضاء اللي قلقانين من الفتيس
الضمان في قطر غير مصر احنا عندنا الضمان سنتين فقط وهو ده اللي بيخلي القرار صعب جدا

ده اولا

ثانيا ممكن الاخ الفاضل يشوف لو متوفر هناك الاكتافيا 1800 تربو دي اولا مالتي لينك مش تورشن بيم
ثانيا الفتيس بتاعها مفيش منه مشاكل وهو مش جاف لا ده عايم في الزيت


تحياتي

وهو اdsg فيه منه جاف وبزيت !!!!!

[inspiron]

علي البركة يا ريس ويا ريت بتقرير فاجر كده مصور نشوف في فرق في المواصفات بين هنا وقطر ولا لا

[Adnfalcon]

مهندس اثق فيه خبير سكودا حكالي عن عربيه a7 غيرت فتيس فالتوكيل بعد 2500 km تقريبا

[inspiron]

مهندس اثق فيه خبير سكودا حكالي عن عربيه a7 غيرت فتيس فالتوكيل بعد 2500 km تقريبا

والله كل شئ جايز في البلد دي

بس اللي عايز أقوله الكلام ده منطقياً مستحيل ومحصلش علي مستوي العالم كله..ويوم ما بيظهر حاجة في الفتيس بيبدأ برعشة في الطلعة تستدعي تغيير الكلاتش فقط ومش بيكون علي كيلو متر قليل زي اللي حضرتك ذكرته ده :)

regards

[Sout_Sout]

نصيحة
بلاش تبيع الفانتازيا
الفانتازيا بجد تحفة سكودا
لو حابب تبدل هات اما اوبل انسيجينيا او فولفو س60 او CC
لاكن لا باسات الجديدة ولا الجيتا ولا الa7 حلوة وده من وجهه نظرى ان الفانتازيا برقبتهم التلاتة
ودى مجرد وجهه نظر

[Adnfalcon]

والله كل شئ جايز في البلد دي

بس اللي عايز أقوله الكلام ده منطقياً مستحيل ومحصلش علي مستوي العالم كله..ويوم ما بيظهر حاجة في الفتيس بيبدأ برعشة في الطلعة تستدعي تغيير الكلاتش فقط ومش بيكون علي كيلو متر قليل زي اللي حضرتك ذكرته ده :)

regards

التوكيل بيغير الفتيس كامل ع فكره انت عارف الغشامه بتاعتهم مش بيصلحوا حاجه .. شيل قديم وحط جديد
بس انا اللي قالي كده مهندس شغال ف سكودا نفسها .. وممكن يكون عيب صناعه وبتحصل ف احسن السيارات ع مستوي العالم أكيد حضرتك فاهم

[inspiron]

التوكيل بيغير الفتيس كامل ع فكره انت عارف الغشامه بتاعتهم مش بيصلحوا حاجه .. شيل قديم وحط جديد
بس انا اللي قالي كده مهندس شغال ف سكودا نفسها .. وممكن يكون عيب صناعه وبتحصل ف احسن السيارات ع مستوي العالم أكيد حضرتك فاهم

يا باشا في توكيل فولكس لما بيحصل حاجة مش بيغير الفتيس كامل ولا حاجة إلا لما يكون الأمر يتطلب هذا..والموضوع مش بيحصل عند 2500 كيلو متر دي محصلتش علي مستوي العالم.

[inspiron]

لا باسات الجديدة ولا الجيتا ولا الa7 حلوة وده من وجهه نظرى ان الفانتازيا برقبتهم التلاتة
ودى مجرد وجهه نظر

حضرتك أنا ركبت الفانتازيا 3 سنين..وحالياً الباسات الجديدة...ممكن حضرتك تقولي برقبتها في ايه بالظبط :)) يمكن أكون مش واخد بالي..بالنسبة للجيتا متفق معاك لفقر تجهيزاتها..وبالنسبة للـ a7 فقطط عشان موضوع التورشن بيم.

يا ريت حضرتك تعملي مقارنة كده بين الفانتازيا والباسات الجديدة أخد فكرة برقبتها في ايه :)

شكراً.

[Sout_Sout]

بص يا باشا
فى ساعات موديلات لما بتنزل بتبقى طفرة فى فئتها
يعنى انا لو قدامى باسات الشكل القديم والشكل الجيد بصراحة هاخد القديمة
بحس انها واخدة حقها فى التصميم الراقى
اما الباسات الجديدة بحس انها على الرغم من مميزاتها الجبارة طبعاً ان التصميم بتاعها مش واخد حقة
طبعاً دى وجهات نظر
بس بحس ان ماينفعش انك تركب فانتازيا وراها باسات او a7
ممكن تركب bmw
mercedes
audi
لاكن الباسات تصميمها مش متقن
ولو حابب اوصلك الفكرة
هات باسات الشكل القديم والشكل الجديد وهات جنبهم CC
هاتحس فعلاً ان الشكل القديم كان اعلى فئة فى الفولكس ساعتها وهاتحس انك راكب عربية غالية ودة هاتلاقية برضة فى ال CC
لاكن الباسات بحس انها مش عربية غالية
وده مايمنعش انى بحترمها جداً
بس حسيت ان فولكس رجعت كل موديلاتها درجة للخلف
يعنى CC هى التطور بتاع الباسات القديمة
والباسات الجديدة تطور الجيتا القديمة
والجيتاالجديدة تطور البولو سيدان
دى وجههة نظر
وانا بحب لما انزل من عربية اعلى فى الفئة
مش احس ان الموديل مساوى لنفس موديل عربيتى
وبما ان حضرتك كان معاك فانتازيا
ايه الجديد اللى انضافلك غير الموتور والفتيس؟؟؟؟؟؟؟؟

[Adnfalcon]

يا باشا في توكيل فولكس لما بيحصل حاجة مش بيغير الفتيس كامل ولا حاجة إلا لما يكون الأمر يتطلب هذا..والموضوع مش بيحصل عند 2500 كيلو متر دي محصلتش علي مستوي العالم.

حبيبي .. اتمني مشكله فتيس dsg تنتهي عند ال a7 طبعا لأني من عشاق سكودا .. بس الكلام دا من مهندس سكودا اعرفه معتقدش انه هيقصد يسود سمعه الشركه .. ولو علي عربيه واحده كل ألف عربيه يبقي ممتاز
بالنسبه انه محصلش فالعالم أتوقع ف طرق مصر الفاضيه و جوها الرائع "بهزر طبعا" مش بعيد الفتيس يتخنق و يحصلوا حاجه