قررت اغير الفنتازيا الي a7

[المنسي]

ربنا يوفقك والفانتازيا لولا انك بتقول فتحت بقها كنت هاقولك اعمل صيانة خفيفة ليها

[inspiron]

لا معلش بقا خدني علي الهادي كده وقولي العربية دي فتحت بقها بمعني ايييييه !!! محتاجة إيه !!!

العربية شكلها بسم الله ما شاء الله زيرو

[montary]

لا معلش بقا خدني علي الهادي كده وقولي العربية دي فتحت بقها بمعني ايييييه !!! محتاجة إيه !!!

العربية شكلها بسم الله ما شاء الله زيرو

ياباشا مشكلة الخليج هنا الحر الفظيع و المسافات الطويله بيهلكو العربيه .
الحمد لله العربيه زيرو لان ايدي كانت علي طول فيها يكفي اقولك ان اخر 3 شهور صرفت عليها 20000 جنيه مابين صيانه و تصليحات في العفشه و التكييف في شغل لو اتعمل في مصر اخره 7000 جنيه .
تعرف حضرتك سربنتينة التكييف عامله كام ؟؟؟؟ انا مشتريها ب 4500 جنيه و اخدو في تركيبها 3000 جنيه لان ماحدش بيمد ايده فيها الا الوكاله فبصراحه انا كان لازم ابيعها دلوقي و الا بعد كده جدخل في دوامة تصليحات هي في مصر عاديه و بسيطه لكن هنا نار ياحبيبي نار .

[montary]

النهارده زرت الوكاله
و دي الصور للعربيات اللي هناك ان شاء الله حكتبلكم تقرير مفصل

[montary]

بصراحه العربيه كشكل تحفه

- اللي موجود حاليا هو امبيشن 3 فئات و اليجنس الفئه الاولي

- طبعا محرك 1.4 tsi , و 140 hp
ان شاء الله ناوي علي امبيشت الفئه التالته :

المواصفات :-
- جنوط سبور
- مرايات كهربا
-فتحة سقف
- كراسي جلد في قماش
-مثبت سرعه
-كاسيت تاتش مع تشغيل كامل للتليفون بلوتوث
-مثبت سرعه
-باك باركينج سنسورس
-كشافات اماميه زينون مع اوتو كلين
-كروز كنترول

للاسف في اوبشنات كتير مش موجوده هنا منها اللي مهم و منها اللي شايف انه مش هيستخدم .

[inspiron]

كام ايرباج ؟
تورشن ولا مالتي ؟
كاسيت كلومبس ولا ايه ؟
فيها بارك اسيست ولا لا
فرش جلد ولا لا؟
تكييف تاتش وسخانات كراسي ولا لا

يا ريت حضرتك تعرفنا كامل مواصفات الهاي لاين بالتفصيل المستفز

[montary]

كام ايرباج ؟
تورشن ولا مالتي ؟
كاسيت كلومبس ولا ايه ؟
فيها بارك اسيست ولا لا
فرش جلد ولا لا؟
تكييف تاتش وسخانات كراسي ولا لا

يا ريت حضرتك تعرفنا كامل مواصفات الهاي لاين بالتفصيل المستفز

ههههههههههه انت تأمر يا باشا بس بصراحه انا اتعكننت من قلة الاوبشنز اللي فيها لكن حاضر انت تأمر

-الامبيشن التوب 4 ايرباج واعتقد ال اليجانس التوب تزيد عليها اتنين بس انا ماركزتش معاه في الاليجانس التوب لأنها مش موجوده


بصراحه ما سالتوش تورشن ولا مالتي بس اللي قريته في كذا مكان انها مالتي لينك


ده موقع

Suspensions
Front Suspension McPherson suspension with lower triangular links and torsion stabiliser
Rear Suspension Compound link crank axle



و كتالوج سكودا الرئيسي




الكاسيت bolero بشاشه تاتش و عملت pair مع ايفون و اشتغلت تمام و فيها voice control بصراحه عجبتني و علي فكره مفيش فرق بينها و بين الكولمبوس الا gbs وده كده كده مش شغال في الشرق الاوسط



للاسف مفيش غير سينسورز خلفيه و بالتالي مفيش بارك اسيست وده عموما انا شايف انه مش عملي لان بصراحه انا مش هعتمد علي عربيه انها تركن نفسها طب وانا رحت فين :)


الفرش جلد في قماش ( نفس فرش فانتازيتي ) و الابواب جلد


الامبيشن مابينزلش فيه مساحه خلفيه لكن موجوده في الاليجانس



التكييف اعتقد كله واحد في كل الفئات تاتش مع شاشه ديجيتال بتعرض درجة الحراره و اخرك فيه 15 و تحفه بكل معاني الكلمه و بصراحه دي احلي حاجه في الخليجي التبريد اشد مليون مره عن المصري (علي ما اعتقد )


للاسف كل اللي نازل الدوحه وكيل مفيش فيه ليدات اماميه لكن الزينون بتاعها حدوته و كمان الكشافات بتظبط نفسها اتوماتيك و طبعا بتلف معاك في المنحنيات .


فتحة السقف عجبتني و مديه شكل سبور للعربيه جامد .


الاليجانس التوب فيها كراسي كهربه و سخان ( مش حاسس انها مهما انا مش حظبط الكرسي كل يوم و تكييف العربيه كافي جدا انه يسخن العربيه و يخليها تغلي لو حبيت غير كده انا طول عمري اسمع ان الكراسي الكهربا مع الوقت بيحصلها مشاكل .

مفيش Drive mode

ضمان العربيه سنتين مفتوح الكيلو متر + حاجه اسمها ضمان ممدد 3 سنين مش عارف ده موجود في مصر ولا لأ بس هو قالي ان الضمان الممدد ساري في مصر وده تبع شركه علي ما اعتقد اسمها تريبل ايه او حاجه كده ( ياريت اللي عنده معلومات عن الموضوع ده يعرفني )


العربيه اجمالا شكلها تحفه و اعتقد هي اجمل عربيه موجوده علي الساحه حاليا كشكل سبور و خصوصا اللون السماوي و اعتقد مع حبة حركات هتبقي تمام .


سألته علي الجير dsg قالي كان في مشاكل كتير معاه في الجيتا القديم لكن كل اللي نازل 2014 سواء فولكس او سكودا ما حدش اشتكي منه و لو فيه حاجه حصلت الضمان موجود ( طبعا ممكن يكون كلام لاقناع الزبون لكن بصراحه الراجل محترم )

ده اللي وصلتله لحد دلوقتي

[samoreception]

لو سمحت ممكن استفسار هوه الكاوتش اللى راكب عندك فى الفانتازيا ده بريجستون تورنزا gr90
هوه رن فلات ولا عادى

[montary]

لو سمحت ممكن استفسار هوه الكاوتش اللى راكب عندك فى الفانتازيا ده بريجستون تورنزا gr90
هوه رن فلات ولا عادى

لا ياباشا ده العادي بس بصراحه مع النيتروجين مريح جدا وعلي فكره اريح من الكونتيننتال اللي كان نازل مع العربيه

[mahmoudysf]

لا ياباشا ده العادي بس بصراحه مع النيتروجين مريح جدا وعلي فكره اريح من الكونتيننتال اللي كان نازل مع العربيه

باشا ربنا يوفقك في a7
حضرتك عارض الفنتازيا على كام في قطر
وايه المشاكل الموجودة في العربية وعاملة كام كيلو

[Mohamedjetta]

حضرتك اتكل علي الله وروح اشتريها الاوكتافيا عربية روعه عيبها عدم انتشارها في الخليج نهائيا حتي كان اخويا عنده a4 وعمل حادثه جامده سمع اسعار خياليه من التوكيل راح جابها استيراد من محل وقعدت شهر ونص علي ما توصل ف سلطنه عمان ويقارب تمنها يجي ( عشرين الف جنيه)
ندخل ف حكايه الفتيس انا معايا الجيتا طبعا بتاعت الوالد بس سيبهاالي المهم اشتريناها من 25/1/2011 الشكل القديم ..... الفتيس عشره علي عشره تسارعه روعه تحس انك راكب مانويل وعلي ما افتكر كان مغير كلتشات اعتقد علي الستين الف كيلو او اكتر مش فاكر لاني كنت ف مصر والوالد هو اللي عمل السيرفس

انا ملاحظ الاعضاء بيشتكو ف الاوكتافيا موضوع الثبات والعزل فخليك في الجيتا احنا عندنا في سلطنه عمان نازل الموتور اللي 2000cc وطبعا ده استحيل اعرف انزلها مصر ف شوف توكيلك اللي ف قطر ممكن تكون نفس مصر 1.4 tsi

بما اننا احنا الاتنين قاعدين في الخليج فانا شايف السيرفس غالي نار نار ومش منتشره خالص الاوكتافيا فحاول روح للياباني زي نيسان سنترا بس حتخسر راحه وثبات لو بتحب الجري

[Mohamedjetta]

ياباشا مشكلة الخليج هنا الحر الفظيع و المسافات الطويله بيهلكو العربيه .
الحمد لله العربيه زيرو لان ايدي كانت علي طول فيها يكفي اقولك ان اخر 3 شهور صرفت عليها 20000 جنيه مابين صيانه و تصليحات في العفشه و التكييف في شغل لو اتعمل في مصر اخره 7000 جنيه .
تعرف حضرتك سربنتينة التكييف عامله كام ؟؟؟؟ انا مشتريها ب 4500 جنيه و اخدو في تركيبها 3000 جنيه لان ماحدش بيمد ايده فيها الا الوكاله فبصراحه انا كان لازم ابيعها دلوقي و الا بعد كده جدخل في دوامة تصليحات هي في مصر عاديه و بسيطه لكن هنا نار ياحبيبي نار .

هي ايه حكايه سربنتينه التكيف برضو عاملها الصيف اللي فات ف التوكيل ع الضمان

[montary]

باشا ربنا يوفقك في a7
حضرتك عارض الفنتازيا على كام في قطر
وايه المشاكل الموجودة في العربية وعاملة كام كيلو

تم بحمد الله بيع الفنتازيا اليوم

[montary]

حضرتك اتكل علي الله وروح اشتريها الاوكتافيا عربية روعه عيبها عدم انتشارها في الخليج نهائيا حتي كان اخويا عنده a4 وعمل حادثه جامده سمع اسعار خياليه من التوكيل راح جابها استيراد من محل وقعدت شهر ونص علي ما توصل ف سلطنه عمان ويقارب تمنها يجي ( عشرين الف جنيه)
ندخل ف حكايه الفتيس انا معايا الجيتا طبعا بتاعت الوالد بس سيبهاالي المهم اشتريناها من 25/1/2011 الشكل القديم ..... الفتيس عشره علي عشره تسارعه روعه تحس انك راكب مانويل وعلي ما افتكر كان مغير كلتشات اعتقد علي الستين الف كيلو او اكتر مش فاكر لاني كنت ف مصر والوالد هو اللي عمل السيرفس

انا ملاحظ الاعضاء بيشتكو ف الاوكتافيا موضوع الثبات والعزل فخليك في الجيتا احنا عندنا في سلطنه عمان نازل الموتور اللي 2000cc وطبعا ده استحيل اعرف انزلها مصر ف شوف توكيلك اللي ف قطر ممكن تكون نفس مصر 1.4 tsi

بما اننا احنا الاتنين قاعدين في الخليج فانا شايف السيرفس غالي نار نار ومش منتشره خالص الاوكتافيا فحاول روح للياباني زي نيسان سنترا بس حتخسر راحه وثبات لو بتحب الجري

المشكله في الفولكس ان مفيش اقل من 1600 و مع كل احترامي للياباني لكن حضرتك عارف و مجرب الالماني الموضوع مختلف تماما .

[montary]

هي ايه حكايه سربنتينه التكيف برضو عاملها الصيف اللي فات ف التوكيل ع الضمان

والله الناس اللي اعرفها ماحدش اشتكي من الموضوع ده الا انا و بصراحه انا كنت بهلكه لاني ببقي ساعات فاتح الازاز بشرب سيجاره مثلا و التكييف بيبقي شغال .