ممكن المساعده من ملاك a7 ضرووووووووووورى؟؟!!!!!!

[mo7a_mo7a]

مازدا 107 hp و فتيس 4 نقﻻت تكنولوجيا قديمه مجرد شكل و متور قديم (عقيم)
البيجو سسعرها يدخلنى فى فئه اكبر مرسيدس مستعمل

المازدا مش تكنولوجيا قديمة اوي ولا حاجة عيبها الاساسي انها واطية جدا وصيانتها مكلفة زي الهوندا

بالنسبة للبيجو هي فرقها 15-20 الف عن الاكتافيا
لكن عيبها الاساسي انها مفيهاش اكسدامات
اي خبطة ورا حتبقي في الشنطة اللي هي فيبر
واي خبطة قدام حتبقي في الكبوت اللي تمنه عشروميت جنيه

[hany63]

المازدا مش تكنولوجيا قديمة اوي ولا حاجة عيبها الاساسي انها واطية جدا وصيانتها مكلفة زي الهوندا

بالنسبة للبيجو هي فرقها 15-20 الف عن الاكتافيا
لكن عيبها الاساسي انها مفيهاش اكسدامات
اي خبطة ورا حتبقي في الشنطة اللي هي فيبر
واي خبطة قدام حتبقي في الكبوت اللي تمنه عشروميت جنيه

بالنسبه لصيانة الهوندا احب اوضح ان اول 40 الف كيلو مفيش مليم غير زيت و فلتر بعد كده طقم تيول ورا و قدام يقعدوا ٣٠ الف تاني على الاقل بالاضافه لفلتر الهوا يعني تعمل ٧٠ الف بالعربيه و هما يدوب الف و ٢٠٠ جنيه فوق الزيت و الفلتر ده اولا
ثانيا الهوندا الشكل الجديد اعلى عربيه سيدان موجوده حاليا و بالنسبه للجيل اللي قبله رغم ان شكلها بيوحي انها واطيه الا انها و عن تجربه اعلى من الباسات و الجيتا و مبتحكش معايا نهائي

[mo7a_mo7a]

بالنسبه لصيانة الهوندا احب اوضح ان اول 40 الف كيلو مفيش مليم غير زيت و فلتر بعد كده طقم تيول ورا و قدام يقعدوا ٣٠ الف تاني على الاقل بالاضافه لفلتر الهوا يعني تعمل ٧٠ الف بالعربيه و هما يدوب الف و ٢٠٠ جنيه فوق الزيت و الفلتر ده اولا
ثانيا الهوندا الشكل الجديد اعلى عربيه سيدان موجوده حاليا و بالنسبه للجيل اللي قبله رغم ان شكلها بيوحي انها واطيه الا انها و عن تجربه اعلى من الباسات و الجيتا و مبتحكش معايا نهائي

الصيانة مقصدش بيها الصيانة الدورية
اقصد بيها قطع غيار ومصنعيات ومدى توافر قطع الغيار جوة وبرة التوكيل واسعارها

[mostafa_dreem]

السيارة جميلة وانصح بشرائها

انصح حضرتك بشرائها فهي بدون مشاكل معي حتي الان ومع الكثير من الاعضاء هنا بالمنتدي
وحتي الان لا يوجد شكوى منها من احد في المنتدي او خارجه
معلومة صغيرة لايوجد سيارة موديل ٢٠١٤ ليس بها مشاكل

[K.Ossama]

وربنا مش عارف حكايه مصر في dsg انا ولله العظيم عربيتي زي الفل ماشيه 101 الف كيلو وبعد 4 الاف كيلو هروح اعملها سيرفس

وبقووووول الفتيس مفهوش اي حاجه اطلاقا هي رزعه ونادرا

لما العربية فى خلال 60 ألف تغيير ميكاتروبيك مرتين وكلاتش مرتين يبقى فى حكاية كبيرة
ولما مرة فيهم بقى واقف فى الزحمة ولا فى أى مشكلة قبلها وفجأة تشيل رجلك من على الفرامل وتدوس بنزين وتلاقى العربية مش عاوزة تمشى اكنها ممورة ومش عاوزة تنقل واليوم يبوظ يبقى حرقة دم وعك وعدم اعتمادية هائلة

[K.Ossama]

انصح حضرتك بشرائها فهي بدون مشاكل معي حتي الان ومع الكثير من الاعضاء هنا بالمنتدي
وحتي الان لا يوجد شكوى منها من احد في المنتدي او خارجه
معلومة صغيرة لايوجد سيارة موديل ٢٠١٤ ليس بها مشاكل

ربنا يحفظها لك إن شاء الله
بس مشاكل الفتيس لما بتحصل غالباً مش قبل 20-25 ألف
وصحيح العربيات اليومين دول معظمها فيها مشكلة من نوع ما، بس مشكلة عن مشكلة تفرق.
يعنى لما تيجى فى الفتيس والعربية تقفش وما تتحركش وتقعد 5-7 أيام فى التوكيل، دى مش مشكلة عادية دى مشاكل جوهرية

[mostafa_dreem]

ربنا يحفظها لك إن شاء الله
بس مشاكل الفتيس لما بتحصل غالباً مش قبل 20-25 ألف
وصحيح العربيات اليومين دول معظمها فيها مشكلة من نوع ما، بس مشكلة عن مشكلة تفرق.
يعنى لما تيجى فى الفتيس والعربية تقفش وما تتحركش وتقعد 5-7 أيام فى التوكيل، دى مش مشكلة عادية دى مشاكل جوهرية

ربنا يكرمك يافندم

استاذي لا يوجد a7 قفشت ومتحركتش وقعدت في التوكيل انا مش سمعت ولا بتواصلي مع ملاك كتير ليها ولا من ملاكها بالمنتدي يمتلك a7 افاد بذلك

وادعي لينا يافندم ده مش يحصل

[K.Ossama]

ربنا يكرمك يافندم

استاذي لا يوجد a7 قفشت ومتحركتش وقعدت في التوكيل انا مش سمعت ولا بتواصلي مع ملاك كتير ليها ولا من ملاكها بالمنتدي يمتلك a7 افاد بذلك

وادعي لينا يافندم ده مش يحصل

أولاً ربنا يبعد عن حضرتك وعن عربيات كل الزملاء أى مشاكل
أنا ما قولتش إن إللى قفشت كانت A7 أنا كلامى عن الفتيس الDSG عامة، وده حصل مع والدى فى الباسات كان يوم لطيف جداً. مامشيتش فجأة، فجاب الفتيس على p قفشت والذراع مارضيش يتحرك تانى وكانت مشكلة انه يطلع العربية على الونش أصلا. وقعدت أسبوع فى التوكيل طلبوا وحدة الميكاترونكس برقم الموتور وعقبال ما جه وركب، أسبوع عذاب طبعاً

[walidaly9873]

العربية امكانياتها حلوة وكماليتها كتيرة بس من مهندسين جوه التوكيل قالولي ماجبهاش واعتقد ده برضه بسبب الفتيس

[Adnfalcon]

هكرر كلامي
انا معايا a5 ماشيه 100000 غيرت فتيس كامل ليه؟
عشان فتيس اختراع فاشل
ع فكره بعشق الاوكتافيا و بتمني اجيب احدث موديل بس لما يغيروا الشركه الفاشله المصنعه للفتيس من اصله
لما يتقالك العربيه محتاجه فتيس جديد ساعتها هتفهموا ان دي مشكله فظيعه ف عربيه مفروض مايعبهاش حاجه مهمه وجوهريه زي الفتيس
و شكرا

[Mohamedjetta]

لما العربية فى خلال 60 ألف تغيير ميكاتروبيك مرتين وكلاتش مرتين يبقى فى حكاية كبيرة
ولما مرة فيهم بقى واقف فى الزحمة ولا فى أى مشكلة قبلها وفجأة تشيل رجلك من على الفرامل وتدوس بنزين وتلاقى العربية مش عاوزة تمشى اكنها ممورة ومش عاوزة تنقل واليوم يبوظ يبقى حرقة دم وعك وعدم اعتمادية هائلة

انا نسيت اقول حاجه انا مغير كلتشات ع حاجه وسبعين الف او ستين مش فاكر بس هي الحاجه الوحيده اللي اتغيرت ف الجير وفالضمان
هي عربيه الوالد طبعا سواقته هاديه فالزحمه بيبقي هادي علي عالعربيه و ف الطرق السريعه 170 لو مستعجل
انا لما بسوقها طبعا كيك داون و فرك و غرز و لازم اجيب 190
فيعتبر العربيه حالتها متوسطه
وبالنسبه تغير كلتشات فقط كل 60 الف او 70 الف مش هتكرهني فالعربيه مش هتفرق معاك اوي لو عايز العربيه
الصراحه الشكاوي اللي سمعها ف المنتدي وملاحظها فمصر
هو حاجه من الاتنين يا اما فولكس واجن غيرت حاجه ف الجير و في مصر مطنش يعملها او بيجيلكم فتيسات معيوبه ودي مستبعدها
يا اما الزحمه ف مصر بتبوظ الجير

[K.Ossama]

انا نسيت اقول حاجه انا مغير كلتشات ع حاجه وسبعين الف او ستين مش فاكر بس هي الحاجه الوحيده اللي اتغيرت ف الجير وفالضمان
هي عربيه الوالد طبعا سواقته هاديه فالزحمه بيبقي هادي علي عالعربيه و ف الطرق السريعه 170 لو مستعجل
انا لما بسوقها طبعا كيك داون و فرك و غرز و لازم اجيب 190
فيعتبر العربيه حالتها متوسطه
وبالنسبه تغير كلتشات فقط كل 60 الف او 70 الف مش هتكرهني فالعربيه مش هتفرق معاك اوي لو عايز العربيه
الصراحه الشكاوي اللي سمعها ف المنتدي وملاحظها فمصر
هو حاجه من الاتنين يا اما فولكس واجن غيرت حاجه ف الجير و في مصر مطنش يعملها او بيجيلكم فتيسات معيوبه ودي مستبعدها
يا اما الزحمه ف مصر بتبوظ الجير

هى الزحمة غالباً مع الحرارة.
لأن المشاكل دى حاصلة فى بلاد تانية زحمة برضو زى الهند مثلاً.
نوفمبر إللى فات كان مكتوب فى مجلة بريطانية إن توكيل فولكس حيغير زبت الفتيس من تخليقى إلى معدنى وده معناه حاجتين
أولاً المشكلة بتحصل كمان فى حتت مش زحمة اوى ومش حر زى انجلترا
ثانياً إن التوكيل فى مصر مش عاوز يعمل حاجة يساعد بيها العملاء بتوعه
إللى غيظنى بقى ازاى فولكس لا ترغم التوكيل هنا يعمل الاستدعاء إللى هما بينصحوا بيه

[Mohamedjetta]

هى الزحمة غالباً مع الحرارة.
لأن المشاكل دى حاصلة فى بلاد تانية زحمة برضو زى الهند مثلاً.
نوفمبر إللى فات كان مكتوب فى مجلة بريطانية إن توكيل فولكس حيغير زبت الفتيس من تخليقى إلى معدنى وده معناه حاجتين
أولاً المشكلة بتحصل كمان فى حتت مش زحمة اوى ومش حر زى انجلترا
ثانياً إن التوكيل فى مصر مش عاوز يعمل حاجة يساعد بيها العملاء بتوعه
إللى غيظنى بقى ازاى فولكس لا ترغم التوكيل هنا يعمل الاستدعاء إللى هما بينصحوا بيه

بص حضرتك هو اكيد طبعا فيه لعب تحت الكراسي اما عندنا ف سلطنه عمان الشكاوي مختفيه من 2010 لحد الان
اما قبل 2010 فيه مشاكل وقضايا وحاجات كبيره اوي و اكترهم كانو الباسات fsi 2.0 طبعا توكيل فولكس محترم معاهم وبيغيرلهم الفتيس بس فيه ناس طمعت وطلبت بعربيه غيرها واخدو حقهم وادولهم عربيات تانيه وزدو ضمان الفتيس لحد 5 سنين
من ساعت 2011 اطبق ان يكون ضمان الفتيس خمس سنين ودي حاجه حلوه اوي ان تبقي معاك عربيه هتستعلمها خمس سنين وحاطط ف بطنك بطيخه صيفي
مفروض الناس تتصل بألمانيا تشتكي وتقول دول الخليج ضمنهم خمس سنين اشمعنا احنا وبرضو تبعت ايميلات

[K.Ossama]

بص حضرتك هو اكيد طبعا فيه لعب تحت الكراسي اما عندنا ف سلطنه عمان الشكاوي مختفيه من 2010 لحد الان
اما قبل 2010 فيه مشاكل وقضايا وحاجات كبيره اوي و اكترهم كانو الباسات fsi 2.0 طبعا توكيل فولكس محترم معاهم وبيغيرلهم الفتيس بس فيه ناس طمعت وطلبت بعربيه غيرها واخدو حقهم وادولهم عربيات تانيه وزدو ضمان الفتيس لحد 5 سنين
من ساعت 2011 اطبق ان يكون ضمان الفتيس خمس سنين ودي حاجه حلوه اوي ان تبقي معاك عربيه هتستعلمها خمس سنين وحاطط ف بطنك بطيخه صيفي
مفروض الناس تتصل بألمانيا تشتكي وتقول دول الخليج ضمنهم خمس سنين اشمعنا احنا وبرضو تبعت ايميلات

طيب حضرتك فى سلطنة عمان
يعنى مافيش الزحمة الرهيبة اللى عندنا فى القاهرة إللى بتزيد أسبوع عن أسبوع
رغم كدة برضو غيرت كلتشات.
ده مش طبيعى فى رأيى مقارنة بمستوى الماركة ومقارنة بالعربيات الأوتوماتيك عامة....

[K.Ossama]

طبعاً لا خلاف ان الفتيس أداءه رهيب وعزمه حلو أوى
وأعتقد ان التكنولوجيا دى حتبقى فى عربيات كتير كمان كام سنة لما الفتيس يستقر ومشاكله تتحل والناس تثق فيه أكتر
تحياتى