حررررررررررررررارة الاوكتافيا a5

[عمرووحيد]

وانا رايح مشوار بعد ما وصلت ركنت العربية وفصلت ضفيتها كنت عايز افتح الازاز بدوار كونتك بابص لقيت موشر الحرارة عدى ال 90 دورت العربية لقيتة بينزل واحد واحدة لى 90 تانى مشيت بيها وهيا ماشية مظبوطة على 90
روحت وركنت العربية وطفتها قولت اما ادور كونتك كدا لقيت برضو عدى ال 90
دورت العربية راجع لى 90
شوفت المياة والزيت كلة تمام

[exact]

مش ممكن قفلة كهربا؟؟

[طارق _عبد السلام]

شوف الموضوع ده وانت بتدور والعربيه بارده اظن لو حصلت يبقى تهييسه لحساس الحراره

جرب وقول لنا

[windofchange]

مستوي المياه فالقربة؟min or max?

[mo3tazanas]

انت ترجع البيت وتسيب العربية شغالة وتفتح الكبوت وراقب المراوح شفها شغالين الــ 2 واللا جايز يكون فى واحدة مش شغالة ولما تطفى العربية المفروض المراوح فى اللحظة اللى العربية هتشغل فيها المراوح المفروض المراوح تفضل شغالة حتى والعربية مبطلة لحد ما توصل لدرجة الحرارة المطلوبة وبعدين بتطفى لوحدها

[المنسي]

الموضوع ده موجود عندى فى الفليشيا بس علشان انا لاغى ترموستات الكوعة فطبيعى ان المية فى المرحلة اللى عند خروجها من الموتور ومرورها على ترموستات الكوعة لو الموتور مبطل بعد مشوار وجيت ادور تانى هلاقى المؤشر فوق 90 بشرطة وبيرجع تانى المؤشر ينزل لغاية 90 والمروحة تشتغل فحضرتك شوف لو عندك ممكن يكون ترموستات الكوعة مهيسة

[محمد المصرى]

الموضوع ده عادى جدا وترفع لحظات بسيطة جدا وبترجع على طول على 90

واعتقادى انه يحدث تبريد للرداتير فقط بواسطة المراوح وعند تشغيل السيارة ودوران طرمبة المياه

يخرج الماء الساخن من الموتور وهذا سبب الرفع للحظات وتعود تانى الى وضعها الطبيعى

[aw2100]

ممكن تكون مية التبريد قديمه ومحتاجه تتغير ولما بتقدم درجة التبريد وتوصيل الحرارة للرادياتير بتقل
ممكن تكون محتاج تغير مية التبريد ؟؟

[Ahmed Saad]

علشان تريح دماغك وتطمن حطها على الاسكانر برنامج الفاج وهي دايره وسخنه بعد مشوار خليه يكشف على درجه الحرارة من البرنامج وهي شغاله وبالمره يكشف على العربيه كلها وان شاء الله توصل للخلل فين

[عمرووحيد]

شوف الموضوع ده وانت بتدور والعربيه بارده اظن لو حصلت يبقى تهييسه لحساس الحراره

جرب وقول لنا

انا جربتها الصبح وخدها مشوار كدا لوهدان فى اكتوبر قالى هكشفلك عليها كلها واعملك صيانة ال 60 هتكلف 4 الف بس من غير تغير زيت الفيتس ومجبليش سيرة عنة خالص

[عمرووحيد]

علشان تريح دماغك وتطمن حطها على الاسكانر برنامج الفاج وهي دايره وسخنه بعد مشوار خليه يكشف على درجه الحرارة من البرنامج وهي شغاله وبالمره يكشف على العربيه كلها وان شاء الله توصل للخلل فين

تمام اشكرك

[عمرووحيد]

انت ترجع البيت وتسيب العربية شغالة وتفتح الكبوت وراقب المراوح شفها شغالين الــ 2 واللا جايز يكون فى واحدة مش شغالة ولما تطفى العربية المفروض المراوح فى اللحظة اللى العربية هتشغل فيها المراوح المفروض المراوح تفضل شغالة حتى والعربية مبطلة لحد ما توصل لدرجة الحرارة المطلوبة وبعدين بتطفى لوحدها

رقبت الموضوع دا وشغالين الحمد الله بس ساعت تشتغل بعد ماطفى العربية ممكن تشتغل بعدها بشوية

[عمرووحيد]

ممكن تكون مية التبريد قديمه ومحتاجه تتغير ولما بتقدم درجة التبريد وتوصيل الحرارة للرادياتير بتقل
ممكن تكون محتاج تغير مية التبريد ؟؟

ممكن بردو جايز محتاجة تغير مية لان فعلا كنت بتنقص ساعات

[svneleven]

ده عادي عشان بطلت الموتور و طرمبة المياه وقفت. الحرارة هتنزل تاني بعد دقيقة و الا دقيقتين.