عفشة الرابيد ايه؟

[nagy wassef]

حد عارف عافشة الرابيد ايه؟
تورشن بيم ولا مالتى لينك؟
فى البروشور كاتبين كومباوند لينك اكزل
يعنى ايه؟
شكرا مقدما

[amrelsaqqa]

هى اكيد مش مالتى لينك لان الاوكتافيا الجديدة نفسها تورشن

عامة سيبك من كلام البروشورات لان ده كلام ناس عايزة تبيع وخلاص
بروشور النيسان صنى اللى في المعرض كان مكتوب فيه مالتى لينك ! ( بيعتمدوا في البيع على نظرية اسمها اعمل نفسك مش واخد بالك :d )

[omaranes77]

تورشن بيم تقريبا

[2CODE]

تورشن بيم هي والاوكتافيا الجديدة

وده طبعاً بيقلل التكلفة وبيرخص سعر العربية لأن المالتي لينك أغلى طبعاً من التورشن بيم

[M.Elwan]

Compound link crank-axle

Semi independent rear suspension featuring a specially adapted compoundcrank (torsion beam) with double -walled, U shaped profile at the rear

[M.Elwan]

وفكرة التورشن بيم انه مريح فى القيادة داخل المدينة والسفر فى السرعات المقبولة لان المالتى لينك بتعتبر عفشة ناشفة ومفضلة لكتير من الناس بيستحملو انها ناشفة فى مقابل الثبات العالى
وفى ناس بتفضل التورشن بيم لانها مريحة فى مقابل تخليهم عن ميزة الثبات العالى فى ظروف قيادة صعب انهم يتعرضولها
يعنى الفرق مش مجرد انها ارخص والتانية غالية لكن بيتم اختيار عفشة السيارة طبقا للسوق وطبيعة استخدام السيارة فى السوق ده

[SYD]

Rear suspension
Semi-rigid rear axle with coil springs and hydraulic dampers

[nagy wassef]

الف شكر على ردكم و اهتمامكم
انا كدة كدة حجزتها خلاص
بس معنى كده ان الثبات بتاعها على قده؟
انا اصلى كان معايا فيكرا سى و بعدها فانتازيا بس اتزنقت فى الفلوس و بعت الفانتازيا
فهل هحس بفرق كبييييير قوى فى الثبات؟
هل الثبات بتاعها يقلق؟
يعنى هبقى راكب سكودا و قلقان من الثبات؟
شكرا مقدما

[EngAhmedSayed]

الف شكر على ردكم و اهتمامكم
انا كدة كدة حجزتها خلاص
بس معنى كده ان الثبات بتاعها على قده؟
انا اصلى كان معايا فيكرا سى و بعدها فانتازيا بس اتزنقت فى الفلوس و بعت الفانتازيا
فهل هحس بفرق كبييييير قوى فى الثبات؟
هل الثبات بتاعها يقلق؟
يعنى هبقى راكب سكودا و قلقان من الثبات؟
شكرا مقدما

صديقى العزيز معروف عن شركة سكودا الثبات
و ان شاء الله مش هتحس بفرق
و بالتوفيق ان شاء
و تيبقى تقولنا اخبارها اول بأول
ربك المستعان

[nagy wassef]

صديقى العزيز معروف عن شركة سكودا الثبات
و ان شاء الله مش هتحس بفرق
و بالتوفيق ان شاء
و تيبقى تقولنا اخبارها اول بأول
ربك المستعان

ربنا يطمنك يا باشمهندس
متشكر جدا لردك

[abdo waly]

العفشة ناشفه صراحه

انا معايا رابيد 2013 صراحه العفشه ناشفه شويه بس الثبات فى السفر معقول
طبعا الطرق بتاعتنا زى الزفت وده عاملى ازعاج صراحه جدا لان العربيه خفيفه وسريعه فبحس بالمطبات
بالمقارنه ان كان معايا فولكس واجن بورا كانت تقيله ومكنتش بحس كده بالمطبات

[amrelsaqqa]

وفكرة التورشن بيم انه مريح فى القيادة داخل المدينة والسفر فى السرعات المقبولة لان المالتى لينك بتعتبر عفشة ناشفة ومفضلة لكتير من الناس بيستحملو انها ناشفة فى مقابل الثبات العالى
وفى ناس بتفضل التورشن بيم لانها مريحة فى مقابل تخليهم عن ميزة الثبات العالى فى ظروف قيادة صعب انهم يتعرضولها
يعنى الفرق مش مجرد انها ارخص والتانية غالية لكن بيتم اختيار عفشة السيارة طبقا للسوق وطبيعة استخدام السيارة فى السوق ده

انا مش مقتنع ان المالتى لينك انشف من التورشن بيم
ممكن تخلى ده انشف من ده ماشى حسب الـ setup
بس في المطلق المالتى المفروض انعم لانه fully independent يعنى كل عجلة مستقلة تماما في الحركة بالتالى تحكم اكتر ، مفيش هبد مفيش جانب هيتأثر بسبب تضاريس في الجانب الاخر . مفيش نط على فواصل الكبارى ، مفيش الحاجات دى كلها يبقى ازاى التورشن انعم ؟

المالتى لينك بيوفر كل حاجة النعومة والثبات وده المتوفر في البي ام والمرسيدس والماركات النضيفة مقارنة بالـ dual link زي اللى في الفيرنا اللى بيدي نعومة وثبات سيء والـ torsion beam اللى بيوفر موازنة معقولة ورخيصة بين الاتنين

ده رأيي مع انى معنديش معلومة قاطعة بخصوص الموضوع بس لو حضرتك عندك تفسير قاطع للكلام يبقى حاول تقنعنى :D

[nagy wassef]

يعنى معنى كده ان صيانة التورشن بيم فى تغير قطع و كده هيكون اوفر من المالتى لينك؟
ولا ثبات على قده و كمان مش ارخص فى الصيانة؟

[amrelsaqqa]

ارخص في الصيانة انت ماعندكش ﻻ مقصات وﻻ جلب ورا من الاخر هو حتة حديدة بيحصل لها التواء وبس
بس لو حصل للدونجل خبطة جامدة بتجيبه كامل استيراد

[nagy wassef]

الف شكر يا باشمهندس على ردك
على الاقل اهو الواحد استفاد حاجة:)
سؤال اخير: يعنى الثبات هيخلينى اندم انى اشتريتها؟ اصله لو زى السيراتو تبقى مقلب......الاسم سكودا والاداء كيا!!!!!!