الاكتافيا والعب فى العداد

[moumen_hs]

ياجماعة ياريت الى مقبل على شراء سيارة أكتافيا a4- a5 زى حالاتى ياخد بالة من حالة العربية قبل العداد أنا شفعت عربيات بالهبل ومعظمهم ملعوب فى العداد بتاعة وطبعا دة بايت من والطارة والصالون والحالة العامة للعربية والتوكيل للاسف مش هيكشف الموضوع دة الا أذا كانت بتعمل صيانة دورية وشكرا

[Mohammmed]

ممكن تفاصيل

[zangry]

سيبك من العداد المهم الحالة

[omaranes77]

مشكور علي النصيحة
المهم حالة الموتور والفتيس منهم هاتعرف العداد

[Mo3aser]

كان في معرض عارض اوكتافيا 2007 حالتها مش توب وبيقولي عامله 27000 كيلو !!!!!

العداد بيتلعب فيه رسمي المهم حاله العربية

[mahmoud_ali]

طب مهو ممكن يكون صاحبها مهمل وسورى فى اللقظ معفن فبالتالى هتاخد عربيه معفنه

[EngAhmedSayed]

عند شراء عربية مستعملة
لا تتنظر للعداد
و يجب النظر الى الحالة العامة لسيارة و هترف عدادها من حالتها
بالتوفيق ان شاء الله

[Moratoz]

أنا حصل معايا بقي موقف غريب قوي وانا ببيع عربيتي a4 ئل اشتراها مني قلي أنا جئت شفتها لما لاقيت الكيلومتر عالي علشان كل العربيات ئل شافها عدادها لا يتناسب مع حاله العربيه
يعني هوا راح اشتري الكيلومتر الكبير بعد ما شاف العربيه وعرف انها مختص انه كويس ففعلا الكيومتر مبقاش مقياس للشراء زي زمان ايام ما كان الكيلوس بخيره

[طارق _عبد السلام]

دا بقى لعب رسمى نظمى كمان ههههههه

وشوفت بعبنى اتفرجت على عربيه وهى لسه داخله المعرض لقيت عدادها معدى 90 الف وتانى يوم بيقولى مشتريتش ليه قلتله العداد عالى على العربيه قال ازاى تعالى اوريك العداد وبقدره قادر بقى 40 الف حاجه كده زى الفل
اللى يشترى يشترى حاله

[المنسي]

دا بقى لعب رسمى نظمى كمان ههههههه

وشوفت بعبنى اتفرجت على عربيه وهى لسه داخله المعرض لقيت عدادها معدى 90 الف وتانى يوم بيقولى مشتريتش ليه قلتله العداد عالى على العربيه قال ازاى تعالى اوريك العداد وبقدره قادر بقى 40 الف حاجه كده زى الفل
اللى يشترى يشترى حاله

عادى كل حاجة بقت عادى دلوقتى ربنا يرحمنا

[taaaaaaaaaa7]

انا بعت عربيتي كانت 2003 ماشية 316 الف كيلو بس حالة الصالون كانت ممتازة , المهم بعدها بكام يوم لقيتها معروضة علي دوبيزل عاملة 108 الف كيلو ( صباح الدقة يعني مش 105 ولا 110 ) , مش عارف ازاي ناس بتقبل فلوس جاية عن طريق ملتوى ومش علي نور وفيه كدب .. ربنا يعافينا ويرزقنا بالحلال يااااااااااااارب