ارجو الاهتمام من مالكى اوكتافيا

[mishmishy]

الاخوة الكرام مالكى أوكتافيا انا بقالى شهر بدور على اوكتافيا مانيوال بحالة نضيفة لكن للاسف 90% من السيارات اوتوماتيك وانا عاوز مانيوال ومش مهم a4 او a5 انا معايا فى حدود 80 - 85 الف هل الاقى حد بيبيع عربية بحالة جيدة هنا ؟ وتنصحونى بايه فى الاوكتافيا عموما والمبلغ دة يجيب مانيوال موديل ايه سواء a4 او a5 وهل سيارات المعاقين امان لان فيها اوكتافيا كتير يعنى لو عليها حظر اقدر امشى بيها ؟ ارجو الاهتمام لانى بجد تعبت بدون عربية

[طارق _عبد السلام]

بالمبلغ ده تركب ايه فايف مانيوال
بس الموضوع ياخد وقت لانها نادره وتركب بيه ايه فور محترمه جدا وموضوع الحظر ده مينفعش طبعا تركبها ..
كان لى صديق عنده عربيه معاقين وابنه راكبها وهو راكب معاه ولبسوا مخالفه كانت تقريبا 2800 مش فاكر الرقم بالظبط لان مالك السياره الوحيد هو اللى يسوقها

[omaranes77]

اهلا بحضرتك معانا ياباشا
اولا a4 حاجة و a5 حاجة تانية خالص المبلغ الي مع حضرتك يركبك 2007..2008 a4 نضيفة جدا
لكن لو a5 مانويل بتيجي بمواصفات خاصة لانها اسيتيراد بس لة لقيد واحدة فكة حظر هاتها بس خلي بالك موتورها fsi لازم 95
تحت امرك

[mishmishy]

شكرا ليك جدا استاذ طارق . هل لو سيارة المعاقين مفكوك حظرها اعتقد مفيش مشكلة . بس حضرتك تقترح عليا الافضل فى حدود المبلغ دة يكون a4 ولا a5

[mishmishy]

شكرا استاذ عمر ( انا عارف انك صغير فى السن بس انت استاذ اكيد فى الاوكتافيا ) بس مفهمتش يعنى ايه ان A5 حاجة تانية خالص؟ وهل ترشح A4 ولا A5 وايه موضوع الموتور fsi انا جديد فى الاوكتافيا فياريت توضحلى الافضل ايه وابعد عن ايه فى الاختيار

[طارق _عبد السلام]

شكرا ليك جدا استاذ طارق . هل لو سيارة المعاقين مفكوك حظرها اعتقد مفيش مشكلة . بس حضرتك تقترح عليا الافضل فى حدود المبلغ دة يكون a4 ولا a5

طبعا الايه فور رائعه ولا غبار عليها لكن لو وجدت ايه فايف ومانيوال يكون هو الاختيار الافضل لانها اوسع وشكلها افضل (اذواق ) ومع المانوال كمان هتبعد عن مشاكل الفتيس اللى بتخلى الناس خايفه

فطبعا هيكون قدامك اختيارين فقط اما ايه فايف او a5 :)

[omaranes77]

شكرا استاذ عمر ( انا عارف انك صغير فى السن بس انت استاذ اكيد فى الاوكتافيا ) بس مفهمتش يعنى ايه ان A5 حاجة تانية خالص؟ وهل ترشح A4 ولا A5 وايه موضوع الموتور fsi انا جديد فى الاوكتافيا فياريت توضحلى الافضل ايه وابعد عن ايه فى الاختيار

انت تؤمرني يا باشا
بالسعر دة افضل a4 حالة نضيفة + راحة بال
A5 مش هتلاقي حالة نضيفة
بالننسبة a5 حاجة تانية
ضافوا عليها حاجات كتيير نقصة في a4
وسع داخلي
شكل خارجي مميز
A4 مميزة برضة بس دي افضل
فروق كتييرة
الموتور fsi دة الي بينزل في باسات موديلات 2006 وانت طالع لحد tsi
ودة موتور حلو اوي بس عشان يديك قوتة ﻷزم 95
تحت امرك