ارجو المساعدة فى رابيد أول فئة

[shikooooo]

بجد انا عجبانى العربية جدا من برة و عارف ان مفيهاش كماليات خالص بس كل اللى عايز اعرفه هل العربية موتورها و فتيسها كويس لانى اسمع ان هى نفس تكنولوجية السكودا القديمة و كان فيها مشاكل و هل العربية تستحمل تعقد معايا خمس سنين انا محتار بينها و بين الكروز الجديدة

[nagy wassef]

الصراحة اول مرة اسمع بمشاكل فى الفتيس و الموتور بتوع الرومستر و a4
حضرتك جبت المعلومة ديه منين؟

[shikooooo]

الصراحة اول مرة اسمع بمشاكل فى الفتيس و الموتور بتوع الرومستر و a4
حضرتك جبت المعلومة ديه منين؟

انا سمعت الكلام ده و عشان مش متاكد قولت اسال هنا فى المنتدى....حضرتك رايك فى العربيه ايه؟

[nagy wassef]

الموتور و الفتيس شغالين بقالهم عشرات السنين فى اكتر من عربية و مفيش مشاكل ميجا او كبيرة
لو فيهم مشكلة ماكانوش استمروا كل السنين ديه و كانت انتهت بعد سنة واحدة زى الدى اس جى اللى سكودا فجرته بعد سنة
يعنى ممكن يكون فى عيوب تانية غير الموتور و الفتيس
العيوب و المميزات من وجهة نظرى كالتالى (بالنسبة للفئة الاولى)
من الخارج شكلها حلو و يعكس الاتجاه الحالى لفولكس فاجن بمعنى انك تحس انها من نفس العيلة
الصاج محمل حتى اخويا معاه سى 180 بيقولى حاسس ان الاسكودا صاجها اقوى
موتور و فتيس فى الامان
و توكيل معقول نسبيا بالنسبة للباقى
من جوا بلاستيك بلاستيك بلاستيك حتى مقبض الباب بلاستيك لدرجة انك تحس انك قاعد فى جردل من الهلال و النجمة
العفشة ناعمة بس تورشن بيم و دى حاجة مؤسفة بالنسبة لعميل سكودا
الاوبشنز بح
الفرش خامته على قدها كانها قماش فانلات
غالية بالنسبة للاوبشنز لان عندك عربيات اغنى و بنفس السعر
ورغم كل اللى سبق اشترتها
و تحت امرك فى اى سؤال

[shikooooo]

الموتور و الفتيس شغالين بقالهم عشرات السنين فى اكتر من عربية و مفيش مشاكل ميجا او كبيرة
لو فيهم مشكلة ماكانوش استمروا كل السنين ديه و كانت انتهت بعد سنة واحدة زى الدى اس جى اللى سكودا فجرته بعد سنة
يعنى ممكن يكون فى عيوب تانية غير الموتور و الفتيس
العيوب و المميزات من وجهة نظرى كالتالى (بالنسبة للفئة الاولى)
من الخارج شكلها حلو و يعكس الاتجاه الحالى لفولكس فاجن بمعنى انك تحس انها من نفس العيلة
الصاج محمل حتى اخويا معاه سى 180 بيقولى حاسس ان الاسكودا صاجها اقوى
موتور و فتيس فى الامان
و توكيل معقول نسبيا بالنسبة للباقى
من جوا بلاستيك بلاستيك بلاستيك حتى مقبض الباب بلاستيك لدرجة انك تحس انك قاعد فى جردل من الهلال و النجمة
العفشة ناعمة بس تورشن بيم و دى حاجة مؤسفة بالنسبة لعميل سكودا
الاوبشنز بح
الفرش خامته على قدها كانها قماش فانلات
غالية بالنسبة للاوبشنز لان عندك عربيات اغنى و بنفس السعر
ورغم كل اللى سبق اشترتها
و تحت امرك فى اى سؤال

طب ربنا يباركلك فيها .... انا بفكر فى العربية ديه لاعتماديتها ...بس بصراحة قلقنى شوية موضوع أعادة البيع انا مش هممنى اوى الكماليات زى الusb و البلوتوث بس هممنى متانة العربية و ده كان ملحوظ لما فتحت الباب كان مخدوم اوى من ناحية التقفيل

[shikooooo]

معلش ايه العربيات التانية الاغنى و بنفس السعر

[nagy wassef]

بالنسبة لسعر اعادة البيع انشاء الله تظبط عشان العربية هتنتشر لد رجة ان التوكيل بيوقف الحجز عشان مش ملاحق و بالمناسبة سعرها غلى عشان الدوﻻر وانا عن نفسى بفكر فى العربية اللى هتريحنى مش اللى هتريح غيرى يعنى انا تعبان فى تمنها عشان اريح واحد تانى ؟ بالنسبة للبديل
الكروز زى مانت قلت و فيها فتيس و موتور الاسترا الجديدة و من جوا تقفيلها انضف بمراحل بصراحة بس يمكن اضيق شوية و توكيلها زبالة
الفلوانس و توكيلها محترم نسبيا
السيراتو و ماتقوليش كورى ضعيفة و الكلام دا عشان العربية من جوا هبل
اللانسر ex و عفشتها مالتى لينك حسب كلام موقع التوكيل
انا جبت الرابيد عشان العلامة فقطططططط

[shikooooo]

[quote=nagy wassef;3875587661]الكروز زى مانت قلت و فيها فتيس و موتور الاسترا الجديدة و من جوا تقفيلها انضف بمراحل بصراحة بس يمكن اضيق شوية و توكيلها زبالة
الفلوانس و توكيلها محترم نسبيا
السيراتو و ماتقوليش كورى ضعيفة و الكلام دا عشان العربية من جوا هبل
اللانسر ex و عفشتها مالتى لينك حسب كلام موقع التوكيل
انا جبت الرابيد عشان العلامة فقططططط

[shikooooo]

انا بس بخاف من الكورى عشان كان معايا بيكانتو و جابت سبيكة بعد ٢٥٠٠٠ كم و كانت صيانتها كلها فى التوكيل

[nagy wassef]

محدش يقدر يفتيلك دلوقتى فى سعر اعادة البيع علشان دى لسة عربية جديدة ولكن انشاء الله تبيع كتير و تبقى مطلوبة لانها سيدان و التاريخ بيقول ان كل العربيات السيدان الاسكودا انتشرت
ثانيا مش معنى ان عربيتك جابت موتور يعنى كل الكورى زبالة
فى عربيات بيكانتو كتيير ماشية زى الفل
عامتا جرب وسوق و عاين
وسيب اعادة البيع لوقته
البيع رزق من عند ربنا مالوش قاعدة المهم تستمتع بالعربية اللى هتجيبها مش تشترى عربية للى هياخدها منك بعد كام سنة
دى وجهة نظرى