هل تيل فرامل الامامى والخلفى للعربيات الباسات والجيتا نفس مقاس الفنتازيا

[zaza2020]

السلام عليكم


عندى سؤال شاغلنى من فتره وارجو التفاعل لابداء الرأى!!

بعد مرورى بمشكله تيل الفنتازيا الغير اصلى واللى اشتريته من التوكيل الاصلى المفروض يعنى

واحد صاحبى قالى ماتشوف حاجه الالمانى الفولكس ممكن تركب على عربيتك الفنتازيا !!!!! قولت والله فكرة


وعشان كده عايز اعرف هو فعلا ينفع اركب تيل فرامل امامى وخلفى بتاعه الباسات او الجيتا الالمانى

الاصلى فى الفنتازيا ولا ده كلام هرى وافتكاسات ؟؟؟؟؟ ياريت الافاده وشكرا


وحاجه تانيه قبل ما انسى هو ايه التيل الفرامل السيراميك وفايدته ايه وسعره كام ونلاقيه فين لمقاس الفنتازيا لو طلع سعره كويس وعمره الافتراضى قد ايه ؟... لانى اسمع عنه سمع حلو اووى

شكرا واسف على الاطاله

سلام

[SYD]

المفروض ان الجيتا والفانتازيا هي هي نفس الفرامل وكمان الليون تشترك معاهم

[akmm]

بسيطه خد قطعه من الامامى والخلفى من القديم اللى غيرته وطابق المقاسات على الجديد اللى عاوز تركبه .

[AhmedNaeem]

بالنسبة للفرامل السيراميك فعلي حد علمي انها غالية جدا واعتقد تتجاوز 1000 دولار
وبتركب في السوبر كارز زي الفيراري واللامبورجيني وبتحتاج تجهيز مختلف وعالي جدا
انسي .........

[Moratoz]

ئل اعرفه ان بتاع الباسات مختلف لأنني كنت مره بتكلم مع واحد في مركز صيانه علشان اعلي العربيه علشان عندي خليجي فأقترح عليا تغير كامل المساعد بالسوسته والطنبوره الي بتاعه الباسات وقائل كمان ان دا هي حسن الفرامل ابي الأحسن فمتهيألي ان في اختلاف في التيل والطنبوره ) بس أنا طبعا محبته العب في العربيه وأغير فبريكتها )

[EngAhmedSayed]

بخصوص طنابير الفنتازيا سنة الصنع 2012
الطنابير الخاصة بيها بتركب على الباسات و الجيتا
و الباسات سنة الصنع من سنة 2006 الى 2013
و الجيتا سنة الصنع 2006 الى 2013
و بالتوفيق و ان شاء الله عاوزين سيادتك تأكد الكلام المذكور
ربك المستعان

[EngAhmedSayed]

المفروض ان الجيتا والفانتازيا هي هي نفس الفرامل وكمان الليون تشترك معاهم

لا يا هندسة الليون مش مشتركة معاهم يا ابو السيد
هو المشترك معاها من سيات
التوليدو من سنة الصنع سنة 2005 الى 2009
و
الهمبرا من سنة الصنع 2011 الى 2013
و
التيا من سنة صنع 2007 الى 2013

ربك المستعان