عمره فتيس

[الكنج الذهبى]

السلام عليكم احبتى فى الله

مبدئيا بدأت المشكله عندما نويت ان اغير اللانوس بعربيه المانى محترمه
الكله قالى على الاوكتافيا a5 وكنت عاوز اجيب لانسر زيرو بس النصيب جبت اوكتافيا a5 موديل 2007
وبعد مجبتها بشهر واحد ظهرت المشاكل
وانا على الطريق الزراعى دخلت افول من بنزينه وخلصت ادوس بنزين عداد rpm يعلى ومفيش عزم كلمت الميكانيكى قالى عاوزه فتيس طب قلتله الحل ايه دلوقتى قالى امشى عليها براحه وهتهالى
وبعدين قالى الفتيس استيراد حيعمل 17 ألف جنيه كنت لسه جايب العربيه ومعيش المبلغ ده
قلتله فى حل تانى قالى عمره فتيس وحيرجع احسن من الاستيراد واحسن من الجديد
طب حيتكلف كام قالى 7 الاف جنيه
قولت اهون وبعد معمل الفتيس لقيته ناعم وسلس حمدت ربنا
وبعد 3 شهور كنت راجع من السفر لقيت العربيه سخنت والأربه المياه مطحنه ( يعنى فيها ميه على زيت فتيس) والفتيس معملش 3 ألاف كيلو
رحت تانى للميكانيكى ومع العمل ان الميكانيكى ده تخصص فتايس جتا واوكتافيا وباسات
المهم قالى مستحيل يكون فى حاجه فى التأفيل قالى المشكله من مبرد الفتيس وجابلى واحد استعمال بــ 600 جنيه وبعد التركيب حطينا زيت بــ 1200 جنيه
وطلعنا نجرب ... العربيه كانت طياره وبعد 3 كيلو العربيه مبتسحبش تانى
رحنا الورشه ونزلنا الزيت لقينا الزيت حل ( اى اصبح فى سيوله المياه)
قالى ده كده بقا فيه سده فى مجرى الزيت ... خلع عليه البلوف وحطها فى جاز ابيض ونضف الفتيس وهو راكب بكمبروسر هواء وغسله بجاز ابيض وسابه ينشف
المهم جبنا زيت تانى بــ 1200 جنيه وجربنا وعملت نفس المشكله
قالى ده حتلاقى طرمبه الزيت هى الى مبترفعوش فالزيت بيتحرق
جابلى طرمبه بـ 800 جنيه وحط زيت بــ 1200 جنيه
ولسه حيجرب
وهو قالى المره دى ان شاء الله حتظبط

انا عاوز اسأل أهل الخبره هل المشكله فى التأفيل ولا المشكله فين وايه الى بيخلى الزيت يتحرق
ملحوظه : فيه سمره فى كرتيره الزيت لونها اسود وعمله زى الطينه بتتكون بعد الزيت ميتحرق
العربيه بعد منحط الزيت الجديد بتبقى كويسه جدا وبتنقل وبتجيب سرعه بس بتقطع ساعات وده عشان الزيت بيحضر على حسب كلامه وبعدين فجأه بيتحرق وعزم الفتيس بيروح والشاشه فى العربيه بتسود ( يعنى بتظلل على كل الخيارات )

[omaranes77]

انا الصراحة اول مرة اشوف عمرة للفتيس
بس حضرتك كدة صرفت كتيير
ولعدين الفتيس مش ب 17 الف خالص الفتيس يعمل من 8 الي 12 حضرتك ممكن تروح لمجدي بيومي في الحرفيين وتسئل 18 الف كدة الموتور بالفتيس
تحياتي ومتابع مع حضرتك

[طارق _عبد السلام]

فتيس كده مره واحده بدون مقدمات يعنى نتشه رزعه حاجه زى كده اظن التشخيص من البدايه كان خاطىء وحضرتك العربيه معاك مش من فتره كبيره وتدى ثقتك كده فى ميكانيكى ومن التليفون فتيس يبقى فتيس على طول ربنا معاك بس كده تجارب مكلفه وبعدين اقل واجب لازم زيت اختبار مش 1200 على طول

[الكنج الذهبى]

انا الصراحة اول مرة اشوف عمرة للفتيس
بس حضرتك كدة صرفت كتيير
ولعدين الفتيس مش ب 17 الف خالص الفتيس يعمل من 8 الي 12 حضرتك ممكن تروح لمجدي بيومي في الحرفيين وتسئل 18 الف كدة الموتور بالفتيس
تحياتي ومتابع مع حضرتك

انا برده كنت اول مره اعرف موضوع العمره ده وهو فعلا حل الفتيس حته حته وجاب كلتشات ومجموعات وسلونيت لعلبه البلوف وخلافه امامى و انا كنت سألت عندنا فى طنطا عند اكبر محلات قطع الغيار ولقيته فعلا بــ 16 وبعد الفصال قالى حنزلك ألف يعنى بــ 15 الف وده كان عند ماجد البهى

[الكنج الذهبى]

فتيس كده مره واحده بدون مقدمات يعنى نتشه رزعه حاجه زى كده اظن التشخيص من البدايه كان خاطىء وحضرتك العربيه معاك مش من فتره كبيره وتدى ثقتك كده فى ميكانيكى ومن التليفون فتيس يبقى فتيس على طول ربنا معاك بس كده تجارب مكلفه وبعدين اقل واجب لازم زيت اختبار مش 1200 على طول

فعلا انا نفسى كنت مستغرب انه يعمل كده مره واحده وكنت فى غايه الزهول فأنا ذهبت الى عملى وهو فى بلد اخرى تبعد 50 كيلو من مدينه طنطا ولم يظهرلى اى نتشات وخلافه بالعكس كان طبيعى جدا وعندما وضعت بنزين فى الطريق حدث ان العربيه ظللت الشاشه ( يعنى ظللت الشاشه على كل الغيارت وهى الـd , r ,p,s) ومسكت العربيه الغيار الـثالث ولم تصعد او تنزل فى الغيار
والعربيه كانت معايه من شهر واحد فقط ولم الاحظ عليها اى شيئ وانا لم احل الفتيس الا بعد ان تم قراءه الكمبيوتر للسياره ووجد انه عيب كلتشات
وعن زيت الاختبار قالى انه زيت العربيه يجب ان يكون فيه شحنه كهربيه وده ألى مش موجود عند الموبيل 320 وزيت اليابانى

[omaranes77]

انا برده كنت اول مره اعرف موضوع العمره ده وهو فعلا حل الفتيس حته حته وجاب كلتشات ومجموعات وسلونيت لعلبه البلوف وخلافه امامى و انا كنت سألت عندنا فى طنطا عند اكبر محلات قطع الغيار ولقيته فعلا بــ 16 وبعد الفصال قالى حنزلك ألف يعنى بــ 15 الف وده كان عند ماجد البهى

تمام انا مصدق حضرنك
بس كنت حضرتك جيت الحرفيين او بورسعيد بدل المصاريف دي
يالا الحمد للة علي كل حال
ربنا معاك

[mo7a_mo7a]

لو طرمبة الزيت هي السبب كان المفروض تطلعلك erorr
انا مش مقتنع

الزيت ده مش سهل يتحرق حتي لو حصل ايه
انت محتاج تتاكد ان الزيت ده اصلي فعلا مش مغشوش

ربنا ييسرك الحال

[الكنج الذهبى]

تمام انا مصدق حضرنك
بس كنت حضرتك جيت الحرفيين او بورسعيد بدل المصاريف دي
يالا الحمد لله علي كل حال
ربنا معاك

فعلا المجال فى القاهره كبير ودى كانت غلطه فعلا لكن النصيب
متشكر لأهتمامك

[الكنج الذهبى]

لو طرمبة الزيت هي السبب كان المفروض تطلعلك erorr
انا مش مقتنع

الزيت ده مش سهل يتحرق حتي لو حصل ايه
انت محتاج تتاكد ان الزيت ده اصلي فعلا مش مغشوش

ربنا ييسرك الحال

انا سألته فعلا عن موضوع طرمبه الزيت وانها تطلع erorr قالى انها ضعيفه ومبضخش زيت بالقدر الكافى عشان كده مجبتش erorr
حضرتك الزيت بينزل عامل زى المياه الحمراء وخفيف جدا
ممكن فعلا يكون مغشوش ويكون العيب منه ... انا حغير المحل ألى بجيب منه

[EngAhmedSayed]

انا سألته فعلا عن موضوع طرمبه الزيت وانها تطلع erorr قالى انها ضعيفه ومبضخش زيت بالقدر الكافى عشان كده مجبتش erorr
حضرتك الزيت بينزل عامل زى المياه الحمراء وخفيف جدا
ممكن فعلا يكون مغشوش ويكون العيب منه ... انا حغير المحل ألى بجيب منه

لو طلع المشكلة من الزيت
تيبقى تروح تعمل معاه مشكلة
بس بأمانة اول مرة اسمع عمرة فتيس
بالتوفيق ان شاءالله و ربك يهدى الحال

[المنسي]

محتمل زى مالناس قالو انه يكون الزيت نوع مش نظيف ومضروب وبعدين حضرتك كده صرفت كتير ولسه ياعالم ايه اللى هيحصل ... ربنا معاك

[الكنج الذهبى]

لو طلع المشكلة من الزيت
تيبقى تروح تعمل معاه مشكلة
بس بأمانة اول مرة اسمع عمرة فتيس
بالتوفيق ان شاءالله و ربك يهدى الحال

الحمد لله على الى يجبوا ربنا

متشكر لأهتمامك

[الكنج الذهبى]

محتمل زى مالناس قالو انه يكون الزيت نوع مش نظيف ومضروب وبعدين حضرتك كده صرفت كتير ولسه ياعالم ايه اللى هيحصل ... ربنا معاك

يمكن بس ألى محيرنى انى فى المرتين كل مره من عند واحد مختلف

ربنا يعمل الى فيه الخير