حيرة في شراء اوكتافيا a4 عداد قليل و حاله فبريكه و مضمونه

[aymankhalifa]

السلام عليكم و رحمه الله و بركاته
اصدقائي الاعزاء انا طالب مساعدتكم
انا معايا لانسر 2009 كلاسيك من الزيرو و بفكر اغيرها باوكتافيا a4 بتاعه واحد صحبي قوى عامله 45000 كيلو و فبريكه و معاه من الزيرو بس بصراحه سمعت ناس كتير بتتكلم علي الفتيس بتاعها و انه مش بيعيش خالص فبصراحه انا خفت و قلقت و مش عايز اجازف بفلوسها فياريت تقولولي اعمل ايه؟؟

[Moratoz]

لو العربيه ال a4 نظيفه أتكلم علي اللهو متنساس تكشف عليها ومشاكل فتيس ال a4 مش كتير وخاصه لو العربيه متحافظ عليها
بالتوفيق ان شاء الله

[kokowasfy]

الاوكتافية ركوبة طبعا بس اكشف عليها كويس و بخصوص الفتيس محتاج مرعاية شوية بس موضوع مش بيعيش و الكلام دا و dsg احنا مشكلتنا اننا مش عارفين نتعامل معاة

[amrelsaqqa]

لا الـ a4 مفيهاش المشكلة دى
وبعدين لو زي ما بتقول صاحبك اوى و 45 الف كيلو بس فابريقة يعنى العربية متصانة مش متهانة واصلا ميعاد تغيير زيت الفتيس الفبريقة لسة مجاش ، وكمان من صاحبك وانت واثق فيه انا شايفها لقطة بصراحة وكمان هتعرف تاخدها بسعر حلو بعيد عن المبالغات اللى بنسمعها اللى تجيب الضغط دى ..

عامة عشان ما يبقاش في اي مشكلة او احراج مع صاحبك بعد كدة اعمل الصح ، اللى هو تجربها بنفسك ولو استريحتلها تروح تكشف برضه كأجراء عشان حقك وحقه وبعد كدة تتوكل على الله
الـ a4 عربية زي الفل

[aymankhalifa]

انا متشكر جدا للردود ده و انا كنت عايز اعرف سعرها يعمل كام دلوقتي؟

[aymankhalifa]

علي فكره انا بتكلم علي اوكتافيا a4 اوتوماتيك ٢٠٠٨

[D.Ahmed Ismail]

هية موديل كام

[omaranes77]

اشتري علي طول يا باشا ونورنا اكيد واي استفسار تحت امرك
بخصوص الفتيس مافيش مشاكل فية
وبعدين تمنة استيراد ب 3.5

[aymankhalifa]

هيه تساوي كام

[amrelsaqqa]

بيتهيألى رينج الـ 100 او اقل شوية ، مش متاابع الاسعار بقالى فترة

[mo3tazanas]

فوق الــ 100

[طارق _عبد السلام]

العربيه دى لانك عارفها وعدادها شرعى لقطه لقطه ومتتسابش والايه فور فتسها كويس جدا ولو حتى بايظ دا ب3000 جنيه ثمن غيار زيت وتيل فرامل للفانتازيا توكل على الله ولو جبتها منه ب100 تبقى روعه ولو زادت خمسه بردوا هاتها

[omaranes77]

تمام 100 يبقي حلو ولو زادت برضو تمام لان العربيات غالية دلوقتي
وان شاء اللة هتحس بفرق بين اللانسر وسكودا
والاهم من دة هتنورنا

[aymankhalifa]

و الله يا جماعه انا مش عارف اقولكم ايه بجد انا مبسوط اني حبقي واحد منكم في المنتدي الجميل ده